Éxodo 22:30 - Q'eqchi Bible

³⁰ Jo'ka'in ajwi' naq taab'aanu rik'in li xb'een ral laawakax ut laakarneer. Wuqub' kutan te'wanq rik'ineb' li xna', ut sa' li xwaqxaq li kutan chaq'axtesi we.

Li Santil hu

³⁰ Joꞌcan ajcuiꞌ te̱ba̱nu riqꞌuin li xbe̱n ral le̱ cuacax ut riqꞌuin li xbe̱n ral le̱ carner. Cuukub cutan teꞌcua̱nk riqꞌuin lix naꞌ ut saꞌ lix cuakxak cutan te̱kꞌaxtesi cue la̱in.

Éxodo 22:30 ပူးပေါင်းရင်းမြစ်များ

Levítico 22:27

“Naq taayo'laaq junaq ral li wakax, ral li karneer malaj ut ral chib'aat, tento taakanaaq wuqub'aq kutan chi xk'atq li xna', ab'an chalen sa' xwaqxaq li kutan naru taak'ule'q re naq taak'atmanq cho'q mayej chiru li Qaawa'.

Deuteronomio 15:19

“Chixjunileb' li xb'een ral eb' laawakax malaj eb' laakarneer, wi teelomeb', taaq'axtesiheb' re li Qaawa' laaYos. “Maak'e chi k'anjelak li xb'een ral laawakax chi moko taab'es li rismal li xb'een ral laakarneer.

Levítico 12:3

Waqxaqib' kutan chik xyo'lajik, naq li k'uula'al tixk'ul li sirkunsisyon.

Éxodo 13:12

chaq'axtesi sa' ruq' li Qaawa' chixjunileb' li xb'een alalb'ej. Jo'kan ajwi' chixjunil li xb'een ral laaketomq rehaqeb' li Qaawa', wi teelomeb'.

Génesis 17:12

Waqxaqib'aq kutan xyo'lajik, chixjunil li teelom sa' eeyanq tixk'ul li sirkunsisyon. Jo'ka'in taa'uxmanq chi junelik reheb' li yo'lajenaqeb' sa' laawochoch, jo'wi' reheb' li loq'b'ileb' rik'ineb' laj ab'l tenamit li maawa'eb' aawechkik'elil.

Levítico 7:23

“Ye reheb' laj Israel chi jo'ka'in: Ink'a' naru te'xtzeka b'ayaq xxeeb'ul li b'ooyx, xxeeb'ul karneer malaj xxeeb'ul li chib'aat.

Levítico 7:24

Li xxeeb'ul li kamenaq xul ut li xxeeb'ul li xul xkamsiik xb'aan josq' aj xul naru te'xsik' b'ar te'xk'e, ab'an ink'a' te'xtzeka.

Levítico 7:26

“Yalaq b'ar wanqex laa'ex, ink'a' taaruuq teetzeka xkik'el li xul narupupik chi moko k'a' chik chi xulil.

Levítico 11:44

xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

Levítico 11:45

Laa'in li Qaawa', a' li ki'isink chaq eere Ejiipt re naq laa'inaq leeYos. Jo'kan naq santaqex xb'aan naq santin laa'in”.

Levítico 17:15

“Yalaq ani sa' xyanqeb' laj Israel malaj aj ab'l tenamit taatzekanq re xtib'el kamenaqil xul malaj ut t'upinb'il xb'aan junaq josq' aj xul, tento tixpuch' li raq' ut taa'atinq. Ut taayeemanq naq tz'ajn ru toj reetal taa'ok li q'oqyink. Toj moqon chik taakanaaq chi ch'ajob'resinb'il.

Levítico 22:8

Moko naru ta tixtzeka xtib'el kamenaq xul malaj ut putz'inb'il xb'aan josq' aj xul, re naq ink'a' tixmux rib' rik'in a'an. Laa'in li Qaawa'.

Deuteronomio 14:21

“Maajun li xul li teetaw chi ak kamenaq naru teetzeka, taak'e b'an re laj ab'l tenamit li wank sa' eeyanq, re naq a'an taatzekanq re; wi ut ink'a', k'ayi re jalan chik. Xb'aan naq laa'at jun tenamit q'axtetesinb'ilat re li Qaawa' laaYos. “Maachiq li ch'ina chib'aat sa' li xya'al xtu' li xna'.

Ezequiel 4:14

Ut laa'in kinye: “At Qaawa', at inYos, maajun wa inmuxum wib' chiru linyu'am toj anaqwan; maajun sut intzekahom li xtib'el li xul yal nakamk malaj kamsinb'il xb'aan junaq josq' aj xul, ut maajun wa xintzeka li muxb'il tzekemq”, chankin.