Éxodo 20:7 - Q'eqchi Bible

⁷ “Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Li Santil hu

⁷ Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ xcꞌabaꞌ chi ma̱cꞌaꞌ rajbal.

Éxodo 20:7 ပူးပေါင်းရင်းမြစ်များ

Deuteronomio 5:11

«Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Levítico 19:12

“Meeye eejurament sa' ink'ab'a' chi yal tik'ti', xb'aan naq chi jo'kan taatz'eqtaana li xk'ab'a' laaYos. Laa'in li Qaawa'.

Santiago 5:12

Ex was wiitz'in, xb'een xb'een ninye eere: Meeye jurament sa' xk'ab'a' li choxa, chi moko sa' xk'ab'a' li ruuchich'och', chi moko sa' xk'ab'a' junaq chik k'a'aq re ru. Naq teeye “yaal”, yaalaq; ut naq teeye “ink'a'”, ink'a'aq, re naq ink'a' taachalq raqb'a aatin sa' eeb'een.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Josué 9:20

Maak'a' naru tqab'aanu reheb', re naq ink'a' taachalq xjosq'il li Yos sa' qab'een sa' xk'ab'a' li jurament xqaye”, chankeb'.

Josué 2:17

Ke'chaq'ok eb' li winq ut ke'xye re: —Laa'o tqab'aanu li k'aru xqaye sa' jurament, jo' xatz'aama chiqu.

Josué 2:12

Jo'kan utan, yehomaq we anaqwan sa' jurament sa' xk'ab'a' li Qaawa' naq teeb'aanu usilal re linjunkab'al, jo' naq laa'in xinb'aanu usilal eere. K'ehomaq we junaq eetalil li tinnaw wi'

Proverbios 30:9

Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

2 Corintios 1:23

Li Yos nach'olob'ank li yaal chiwix: eeraab'al we naq toj maji' xinwulak Korinto. Li Yos naxnaw ut chinxk'ehaq chi kamk wi ink'a' ninye li yaal!

1 Reyes 2:9

Maakanab' chi ink'a' ta tixtoj rix li xmaak. Laa'at wank aana'leb' ut nakanaw chi us k'aru taab'aanu, re naq ra tixk'ul sa' xkamik”.

Deuteronomio 6:13

A' li Qaawa' laaYos taaxiwa ru, ut chiru A'an tatk'anjelaq. Ka'ajwi' sa' xk'ab'a' A'an taaye jurament.

2 Reyes 5:20

naq laj Kejasí, laj tenq' re li propeet Eliseo, kixye sa' xch'ool: “Laj Eliseo, linqaawa', xkanab' chi xik laj Nahamán aj Aram, chi ink'a' xk'ul li xsiik raj re. Sa' xk'ab'a' li Qaawa', tinxik chi junpaat ut tinchap waanil chirix: mare tixsi kach'inaq we”.

Salmos 139:20

eb' li neke'aatinak chawix sa' b'alaq' ut maak'a' aj e naq neke'xq'etq'eti rib' chawu.

Jeremías 34:16

Ab'anan, chirix a'an xepo' leena'leb' ut xesach xwankil link'ab'a' naq xex'ok wi' chik chi xminb'aleb' ru eb' li winq ut eb' li ixq li ak xe'wank cho'q eemun, re naq te'k'anjelaq wi' chik cheru.

Ezequiel 39:7

Tink'e chi nawe'k linsantil k'ab'a' sa' xyanq lintenamit Israel, ut maajoq'e chik tinkanab' chi muxe'k link'ab'a'; ut eb' laj ab'l tenamit te'xnaw naq laa'in li Qaawa', li xSant laj Israel.

Génesis 27:20

Laj Isahak kixsume li ralal: “Q'axal junpaatat chi xtawb'al chaq li xul, at walal!”, chan. Kichaq'ok laj Jakob ut kixye: “Li Qaawa' laaYos xk'ehok re sa' wuq'”.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.