Éxodo 20:24 - Q'eqchi Bible

²⁴ Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

Li Santil hu

²⁴ Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

Éxodo 20:24 ပူးပေါင်းရင်းမြစ်များ

Deuteronomio 12:5

Laa'ex tento toxeesik' chaq li Qaawa' leeYos ka'ajwi' sa' li na'ajej xaqab'anb'il xb'aan, sa' xyanq chixjunileb' li teep, re naq aran taahilanq li xk'ab'a'.

2 Crónicas 6:6

Ab'an xinsik' ru Jerusalén re naq aran taawanq link'ab'a' ut xinxaqab' laj David chi xjolominkil lintenamit Israel».

1 Reyes 9:3

ut kixye re: “Xwab'i laatij ut li k'aru xatz'aama chiwu. Xinsantob'resi li kab'l a'in li xayiib', re naq arin taawanq link'ab'a' chi junajwa. Laa'in tinra ut tin'iloq re chi junelik.

2 Crónicas 7:16

xb'aan naq anaqwan xinsik' ru ut xwosob'tesi li ochoch a'in cho'q xna'aj link'ab'a' chi junajwa. Laa'in tinra ut tin'iloq re chi junelik.

Deuteronomio 12:11

toja' naq teek'am chixjunil li k'aru nekexintaqla wi' anaqwan, teeroksi sa' li na'ajej xaqab'anb'il xb'aan li Qaawa' leeYos cho'q rochochil li xk'ab'a': teek'am leek'atb'il mayej ut leeyeechi'om, li xlajeetqil li k'a'aq re ru eere, leetenq'aal jo'wi' li na'alaak sa' leech'ool, li q'axal chaab'il mayej eeyeechi'om sa' jurament re li Qaawa'.

Deuteronomio 16:11

Ut taasaho'q laawaanm chiru li Qaawa' laaYos, laa'at, laawalal ut laarab'in, laamoos winq ut laamoos ixq, laj Leví li wank sa' laatenamit ut laj ab'l tenamit, li neb'a'yox ut li xmalka'an li wankeb' sa' eeyanq, sa' li na'ajej sik'b'il ru xb'aan li Qaawa' laaYos re naq aran taana'ajunq li xk'ab'a'.

2 Crónicas 12:13

Kinimank xwankil laj Robohán, li awab'ej, aran Jerusalén, ut toj ki'awab'ejink. Jun roxk'aal chihab' wank re laj Robohán naq ki'ok cho'q awab'ej, ut chiru wuqlaju chihab' ki'awab'ejink aran Jerusalén, sa' li tenamit sik'b'il ru xb'aan li Qaawa' sa' xyanq chixjunileb' li xteepal laj Israel, re naq aran taaloq'oniiq. xNahamá xk'ab'a' li xna', Amón xtenamit.

Deuteronomio 26:2

taaxok li xb'een ru chixjunil li awimq na'elk chiru li ch'och', taak'e sa' junaq chakach ut taak'am sa' li na'ajej sik'b'il ru xb'aan li Qaawa' laaYos cho'q xmuheb'aal li xk'ab'a'.

Esdras 6:12

Li Qaawa' Yos li kisik'ok re Jerusalén cho'q xmuheb'aal li xk'ab'a', chisachoq taxaq ruheb' chixjunileb' li awab'ej malaj ut li tenamit te'raj xq'etb'al li chaq'rab' a'in ut te'raj xjuk'b'al li rochoch li Yos aran Jerusalén. Laa'in laj Darío xink'e li chaq'rab' a'in. Chi'uxmanq chi tz'aqal re ru jo' xinye”.

1 Reyes 8:29

Chawil taxaq li ochoch a'in chi q'eq ut chi kutan, sa' li na'ajej a'in li kaye naq arin wanqat chi junelik. Chawab'i li naxtz'aama laj k'anjel chawu sa' li na'ajej a'in.

San Mateo 18:20

Xb'aan naq b'ar wankeb' wiib' oxib' ch'utch'uukeb' sa' ink'ab'a', aran wankin sa' xyiheb'”.

1 Reyes 8:43

chawab'iiq li xtij toj sa' li choxa, sa' laamuheb'aal. Chak'e re laj ab'l tenamit li k'aru tixpatz' aawe, re naq chixjunileb' li tenamit sa' ruuchich'och' te'xnaw aawu ut te'xk'e aaloq'al, jo' neke'xb'aanu eb' laj Israel laatenamit, ut te'xk'e reetal naq napatz'mank laak'ab'a' sa' li loq'laj ochoch a'in li xinyiib' cho'q aawe.

Deuteronomio 14:23

ut taatzeka chiru li Qaawa' laaYos, sa' li na'ajej xaqab'anb'il xb'aan cho'q xna'aj li xk'ab'a': li xlajeetqil laatriiw, laamoost, laa'aseeyt, jo'wi' li xb'een ral laawakax ut laakarneer. Chi jo'kan taatzol roxloq'inkil li Qaawa' laaYos chiru chixjunil laayu'am.

Salmos 74:7

Xe'xloch xxamlel laaloq'laj ochoch, xe'xjuk'i ut xe'xmux laamuheb'aal.

Nehemías 1:9

Ab'an wi texsutq'iiq chaq wik'in, wi teepaab' ut teek'anjela ru linchaq'rab', tinxik chesik'b'al ut texink'am wi' chik sa' li na'ajej sik'b'il ru inb'aan cho'q inmuheb'aal, us ta ak cha'cha'inb'ilex toj sa' xmaril li choxa», chankat.

2 Samuel 6:12

Kiyehe'k resil re li awab'ej David chanru naq li Qaawa' kirosob'tesi li xjunkab'al laj Obededón ut chixjunil li k'aru re sa' xk'ab'a' li Loq'laj Kaax. Tikto laj David koho sa' rochoch laj Obededón re xk'amb'al li xLoq'laj Kaax li Yos aran Jerusalén, chi k'ajo' xsahil li xch'ool.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Salmos 78:68

Ab'an kixsik' ru li xteepal laj Judá jo'wi' li tzuul Sión li q'axal raaro xb'aan.

Deuteronomio 12:21

Wi li na'ajej sik'b'il ru xb'aan li Qaawa' laaYos cho'q rochochil li xk'ab'a' jwal najt wank aawik'in, truuq taakamsi junaq re laaninq malaj kok' ketomq li xk'ehom aawe li Qaawa', ut taatzeka jo'nimal taawaj sa' li na'ajej wanqat wi', jo' chanru laa'in xinye aawe.

1 Timoteo 2:8

Nawaj naq eb' li winq che'tijoq yalaq b'ar ut che'xtaqsihaq li ruq'eb' sa' choxa chi saqaq ru, chi maak'a'aq josq'il ut wech'ij ib'.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Salmos 76:2

Nawno ru li Yos xb'aaneb' laj Judá, q'axal nim xk'ab'a' sa' xyanqeb' laj Israel.

Salmos 134:3

A' taxaq li Qaawa' chi'osob'tesinq aawe chalen chaq toj Sión: a'an laj winqob'resihom re choxach'och'.

Salmos 128:5

A' taxaq li Qaawa' chi'osob'tesinq aawe chalen chaq toj sa' li tzuul Sión. Taawil taxaq xsahil xch'ool Jerusalén chiru chixjunil laayu'am chi junelik.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Deuteronomio 7:13

Tatxra, tatrosob'tesi, tatnaab'alob'resi, trosob'tesiheb' laawalal aak'ajol ut laawawimq: laawixim, laawuk'a', laa'aseeyt, eb' li ral laawakax, eb' li ral laakarneer, sa' li ch'och' kixyeechi'i reheb' laana' laayuwa' cho'q aawe laa'at.

Éxodo 10:25

Kichaq'ok laj Moisés: “Tento ajwi' taak'e qe eb' li xul taaqamayeja ut taaqak'at, re naq taaqayeechi'i re li Qaawa' li qaYos.

Éxodo 18:12

Chirix chik a'an laj Jetró, aj hi'om re laj Moisés, kixyeechi'i xmayej ut kixk'at jun li xul cho'q re li Yos; ut laj Aharón jo'wi' chixjunileb' li xb'eenil laj Israel koheb' chi wa'ak chiru li Yos, wan wi' laj hi'om re laj Moisés.

Éxodo 20:25

Ut wi taayiib' junaq lin'artal rik'in pek, ink'a' taayiib' rik'in tuqub'anb'il ruhil pek, xb'aan naq sa' xtuqub'ankil ru rik'in laach'iich' li artal taakanaaq chi muxb'il.

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

Éxodo 27:1

“Taayiib' li artal rik'in akasya, lajeeb' k'utub' xnimal li roq ut lajeeb' k'utub' xnimal li ru; kaaxukuutaq li xq'e'am ut wan xwaq k'utub' li xteram.

Levítico 17:9

ut ink'a' tixk'am sa' rokeb'aal li Loq'laj Muheb'aal re xyeechi'inkil re li Qaawa', li winq a'an tento taa'isiiq sa' xyanqeb' li rech tenamitul.

2 Reyes 5:17

Toja' naq laj Nahamán kixye: “Laa'at ink'a' xak'ul laamaatan. B'aanu usilal, si kach'inaq inch'och', riiqeb' wiib'aq chi muul sa' lintenamit, xb'aan naq ink'a' chik tinmayejaq chi moko tink'at inmayej chiruheb' li jalanil yos. Ka'ajwi' chiru li Qaawa' tinloq'oninq.

Isaías 64:5

Nakat-elk chi xk'ulb'al chi sa laach'ool li nab'aanunk li tiikilal chi anchal li raanm jo'wi' najultiko'k re li xtaaqenkil laab'e. Yaal ajwi' naq xatjosq'o'k, ab'an a'an xk'ulmank xb'aan naq xoomaakob'k chawu; chalen chaq junxil jwal aj q'etol aatino.

Éxodo 24:4

Toja' naq laj Moisés kixtz'iib'a chixjunil li raatin li Qaawa' ut, naq kiwakliik eq'la, kixyiib' jun li artal sa' xtoon li tzuul ut kixxaqab' kab'laju chi ninqi pek sa' xk'ab'a' li kab'laju xteepaleb' aj Israel.

Salmos 101:2

Twaj tinb'eeq sa' li b'e jwal chaab'il: jo'q'e tatchalq wik'in, at inYos? Tinwanq chi tuqtuuq inch'ool sa' li wochoch,

Salmos 122:2

Ak xook'ulunk, ak wanko chire laawokeb'aal, at Jerusalén!