Éxodo 20:18 - Q'eqchi Bible

¹⁸ Chixjunileb' li tenamit ke'xk'e reetal li kaaq ut li raq'kaaq, li xyaab' tronpeet ut li xsib'el li tzuul; ke'siksotk xb'aan xxiweb' ut ke'kanaak chi najt:

Li Santil hu

¹⁸ Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Éxodo 20:18 ပူးပေါင်းရင်းမြစ်များ

Jeremías 23:23

“Laa'in li Qaawa' li Yos, a' yaal ma najt malaj nach' wankin -chan li Qaawa'-.

Génesis 3:10

Kichaq'ok a'an ut kixye: “Xwab'i naq yookat chi b'eek sa' li awimq ut xinxiwak xb'aan naq t'ust'uukin; jo'kan naq xinmuq wib'”.

Deuteronomio 4:36

Toj sa' choxa katraatina chaq re aatzolb'al; sa' xb'een li ruuchich'och' kixk'ut chawu li xnimal xxam, ut sa' xyi li xam kawab'i li raatin.

Deuteronomio 5:5

Sa' li kutan a'an laa'in wankin sa' yiib'ej rik'in li Qaawa' ut laa'ex, re xq'axtesinkil eere li raatin, xb'aan naq laa'ex yo eexiw chiru li xam ut ink'a' kextaqe'k chiru li tzuul. A'aneb' a'in li aatin kixye:

Deuteronomio 5:25

Ab'an anaqwan, k'a'ut naq tookamq? K'a'ut naq tooxsach li xam a'in? Wi toj tqab'i li xyaab' xkux li Qaawa' li qaYos, relik chi yaal naq tookamq.

Deuteronomio 18:16

A'an tz'aqal li kapatz' chiru li Qaawa' laaYos sa' xb'een li tzuul Horeb, sa' xkutankil li Loq'laj Ch'utam, naq kaye: «Ink'a' chik nawaj rab'inkil xyaab' xkux li Qaawa' linYos, chi moko twil chik li nimla xam a'in, re naq ink'a' tinkamq», chankat.

Salmos 81:7

“Laa'in xin'isink li iiq sa' aab'een ut eb' laawuq' xe'xkanab' chaq li kawil k'anjel.

Génesis 15:17

Ut naq ak x'ok li saq'e, k'utaamil sa' li aak'ab' jun nimla xam nab'uquqnak xsib'el, ut jun raq'xam kinume'k sa' xyiheb' li jachb'il xul.

Deuteronomio 5:23

“Naq laa'ex kerab'i li xyaab' kuxej li ki'elk chaq sa' li aak'ab' ut keril li xxamlel li tzuul, kexnach'ok chaq wik'in laa'ex li xjolomilex li junq ch'uut jo'wi' eb' li cheekel winq,

Deuteronomio 5:27

Jwal us naq laa'at tatnach'oq chi rab'inkil chixjunil li tixye li Qaawa' li qaYos; chirix chik a'an tolaaye qe. Laa'o tqab'i ut tqapaab'», chankex.