Éxodo 20:11 - Q'eqchi Bible

¹¹ Xb'aan naq chiru waqib' kutan li Qaawa' kixb'aanu li choxach'och', li palaw ut chixjunil li wank chisa', ut sa' li xwuq li kutan kihilank. Jo'kan naq li Qaawa' kirosob'tesi li kutan sábado ut kixsantob'resi.

Li Santil hu

¹¹ Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Éxodo 20:11 ပူးပေါင်းရင်းမြစ်များ

Éxodo 31:17

A'anaq jun reetalil cho'q we ut cho'q reheb' laj Israel, xaqxooq xwankil chi junajwa”. Xb'aan naq chiru waqib' kutan li Qaawa' kixb'aanu li choxach'och', ut sa' li xwuq li kutan kihilank ut kik'ulunk xch'ool.

Hechos 20:7

Sa' li xb'een kutan re li xamaan ch'utch'uuko laa'o chi xjachb'al li Wa, wulajaq xxikik laj Pablo. A'in kixtikib' seeraq'ik rik'ineb' laj paab'anel, ab'anan kib'ayk chi aatinak toj tuqtu q'oqyink.

Génesis 1:28

Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Hechos 4:24

Naq ke'rab'i a'an, chixjunileb' ke'xtaqsi xyaab' xkuxeb' chiru li Yos sa' junajil ut ke'xye: “At Qaawa', laa'at kayiib' li choxach'och', li palaw ut chixjunil li wank chisa';

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Hebreos 4:4

xb'aan naq wank jun raqal sa' li Santil Hu naxye chirix li xwuq li kutan: “Li Yos kihilank sa' li xwuq li kutan chirix chixjunil li k'anjel kixb'aanu”.

Apocalipsis 10:6

ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Éxodo 8:22

Ab'an sa' li kutan a'an ink'a' tintaqlaheb' li kas sa' xsutam Gosen b'arwi' wankeb' lintenamit: aran maajun junaq kas taawanq. Jo'kan taanaw naq laa'in li Qaawa' wankin sa' li tenamit a'in.

Éxodo 9:29

Kichaq'ok laj Moisés ut kixye: “Naq tin'elq sa' li tenamit, tintaqsi li wuq' chiru li Qaawa', ut taach'anaaq li kaaq ut ink'a' chik taawanq li saqb'ach, re taanaw naq li ruuchich'och' a'an re li Qaawa'.

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Isaías 48:13

Rik'in li wuq' kink'ojob' li ruuchich'och' sa' xna'aj ut kinhel ru li choxa: ka'ajwi' kinb'oqeb', junchalikeb' naq ke'chalk wik'in.

Génesis 1:31

ut li Yos kiril chixjunil li xb'aanu: a'an q'axal chaab'il. Ki'ewuuk ut kisaqewk: a'an li xwaq li kutan.