Éxodo 2:23 - Q'eqchi Bible

²³ K'iila kutan chik xnumik a'an kikamk li awab'ej re Ejiipt. Japjookeb' re chi yaab'ak ut chi q'oqonk eb' laj Israel xb'aan li xnimal rahilal yookeb' chi xk'ulb'al aran naq wankeb' chi munil, ut li xq'oqeb' kitaqe'k toj rik'in li Yos.

Li Santil hu

²³ Ac xnumeꞌ chic nabal cutan nak quicam lix reyeb laj Egipto. Eb laj Israel japjo̱queb re xban li raylal yo̱queb chixcꞌulbal joꞌ rahobtesinbil mo̱s. Li Dios quirabi nak yo̱queb chi kꞌoko̱nc.

Éxodo 2:23 ပူးပေါင်းရင်းမြစ်များ

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

Hechos 7:30

“Ak ka'k'aal chihab' xnumik a'an, jun li ánjel kixk'ut rib' chiru sa' li chaqich'och', chiru li tzuul Sinaí, sa' raq' xxamlel jun toon chi k'ix li yo chi k'atk.

Génesis 16:11

K'e reetal, wankat sa' yu'am; taawanq jun aak'uula'al, ut a'an aj Ismael taak'e cho'q xk'ab'a', xb'aan naq li Yos xatrab'i sa' laarahilal.

Isaías 19:20

A'anaq jun reetalil ut xpatz'b'al li Nimajwal Yos sa' xyanqeb' laj Ejiipt. Naq te'xpatz' xkolb'aleb' sa' ruq'eb' li neke'rahob'tesink reheb', li Qaawa' tixtaqla chaq jun aj kolonel li taatenq'anq reheb' ut tixkoleb'.

Salmos 18:6

xinsutunk xb'aan xra'al li xb'alb'a, ak wankin chaq chiru li kamk.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Nehemías 9:9

Laa'at kak'e reetal li xtoq'ob'aal ruheb' li qana' qayuwa' aran Ejiipt ut kawab'i li xyaab' xkuxeb' chire li Kaqi Palaw.

Deuteronomio 24:15

Sa' ajwi' li kutan a'an taatoj li xkutan; mimuqunk li saq'e chi toj wanq aak'as, xb'aan naq a'an neb'a' ut naraj ru li xtojb'al re xnumsinkil li kutan. Chi jo'kan ink'a' tatxjit chiru li Qaawa' ut ink'a' ajwi' taawiiqa junaq maak.

Éxodo 4:19

Xyehom ajwi' li Qaawa' re laj Moisés aran Madián: “Ayu, sutq'in Ejiipt, xb'aan naq kamenaqeb' chik chixjunileb' li ke'raj aakamsinkil”.

Génesis 4:10

Kixye li Qaawa': “K'aru xab'aanu? Li xkik'el laawiitz'in toj sa' ch'och' yo chi q'oqonk chiwu.

Números 20:16

Toja' naq laa'o kootz'aamank koo'elajink chiru li Qaawa' ut A'an kirab'i li xyaab' qakux: kixtaqla jun li x'ánjel qik'in ut koorisi chaq Ejiipt. Anaqwan wanko arin Kadés, li wank chi xnub'ajlil laana'aj.

Éxodo 7:7

Kaak'aal chihab' (80) wank re laj Moisés ut oxib' ro'k'aal (83) wank re laj Aharón naq ke'raatina laj Parahón.

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Éxodo 1:14

ut ke'xrahob'tesiheb' rik'in kawil k'anjel chi b'eelank seb', yiib'ank xan ut rik'in yalaq k'a' chi k'anjelil na'uxmank sa' k'aleb'aal. Chixjunil li k'anjel a'in ke'xb'aanu eb' laj Israel chi q'axal rahob'tesinb'ileb' ut minb'ileb' ru.

Éxodo 6:5

Ut anaqwan, naq xwab'i li xkawil yaab'eb' laj Israel rahob'tesinb'ileb' xb'aaneb' laj Ejiipt, xnaqk sa' inch'ool linloq'laj Sumwank.

Éxodo 6:9

Laj Moisés kixye a'in reheb' laj Israel; ab'an eb' a'an ink'a' ke'xpaab', xb'aan naq q'axal raheb' sa' xch'ool xb'aan li kawil k'anjel.

1 Samuel 12:8

Naq laj Jakob ut eb' li ralal xk'ajol ke'ok Ejiipt, ke'rahob'tesiik xb'aaneb' laj Ejiipt. Ab'an leena' leeyuwa' ke'tijok chiru li Qaawa', ut A'an kixtaqla laj Moisés ut laj Aharón li ke'risiheb' chaq leena' leeyuwa' aran Ejiipt ut ke'xk'eheb' chi na'ajunk arin.

Li xHu LAJ JOB 35:9

Naq q'axal kaw li xrahob'tesinkileb' li poyanam, eb' a'in neke'xjap re chi yaab'ak ut neke'xpatz' xkolb'aleb' chiruheb' li neke'numtaak sa' xb'eeneb'.

Salmos 102:1

Xtij jun li winq wank sa' rahilal, li k'ajo' nayaab'ak chiru li Qaawa' xb'aan xrahil xch'ool.

Jueces 4:3

Laj Jabín wank o'k'aal rox o'q'ob' (900) xb'eleb'aal ch'iich' ut k'ajo' naq kixrahob'tesiheb' laj Israel chiru junmay chihab'. Jo'kan naq eb' laj Israel ke'xtz'aama xtenq'ankileb' chiru li Qaawa'.

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

Salmos 102:2

At Qaawa', chawab'i taxaq lintij, chiwulaq taxaq aawik'in li xyaab' inkux;