Éxodo 2:15 - Q'eqchi Bible

¹⁵ Naq kixnaw a'an laj Parahón, kixsik' laj Moisés re xkamsinkil; ab'an a'an ki'elelik chiru laj Parahón, kiq'axonk sa' li tenamit Madián ut aran kihilank chi xk'atq jun b'ekb'il ha'.

Li Santil hu

¹⁵ Quicuulac resil aꞌin riqꞌuin laj faraón ut quixcamsi raj laj Moisés. Ut laj Moisés quie̱lelic saꞌ junpa̱t chiru laj faraón. Co̱ saꞌ li tenamit Madián xcꞌabaꞌ.

Éxodo 2:15 ပူးပေါင်းရင်းမြစ်များ

Hebreos 11:27

Sa' xk'ab'a' li xpaab'aal laj Moisés kixkanab' Ejiipt chi ink'a' kixxiwa xjosq'il li awab'ej; ut kiwank chi kaw xch'ool chi chanchan yo chi rilb'al Li ink'a' na'ilmank ru.

Hechos 7:29

Naq kirab'i a'in laj Moisés, ki'elelik ut koxkanaaq jo' aj numel sa' xch'och'eb' laj Madián, b'arwi' ke'yo'laak wiib' li ralal.

Génesis 24:11

Ak yo chi ewuuk naq laj k'anjel kixk'e chi tunlaak eb' li kameey chire li tenamit, wan wi' jun b'ekb'il ha'. A'an xhonalil neke'elk wi' eb' laj xokol ha'.

Génesis 29:2

Chiru taq'a kiril naq wank jun xjulel li ha' ut wankeb' oxib' ch'uut chi karneer tuntuukeb' chire ha', xb'aan naq aran neke'risi ruk'a'eb' li ketomq. Wank ajwi' jun nimla pek chi xtz'apb'al re xjulel li ha'.

San Juan 4:6

Aran wank li yo'leb'aal ha' re laj Jakob. Kitawaak li Jesus chi b'eek, jo'kan naq kik'ojlaak chire li yo'leb'aal ha'. Ak xwa'leb'o'k tana.

San Mateo 10:23

Naq te'raj eerahob'tesinkil sa' li tenamit a'in, elelinqex ut ayuqex sa' jalan chik; ut wi aran te'raj ajwi' xb'aanunkil eere chi jo'kan, ayuqex sa' jalan chik. Relik chi yaal ninye eere: maji'aq teechoy xb'eeninkileb' li tenamit sa' xsutam Israel naq tol'elq li K'ajolb'ej.

Proverbios 22:3

Li wank xna'leb' ink'a' naxch'ik rib' sa' li raaxiik' naq naril; ab'an li maak'a' xk'a'uxl tiik naxik ut naxk'ul li rahilal.

Éxodo 4:19

Xyehom ajwi' li Qaawa' re laj Moisés aran Madián: “Ayu, sutq'in Ejiipt, xb'aan naq kamenaqeb' chik chixjunileb' li ke'raj aakamsinkil”.

Génesis 25:4

Eb' li ralal xk'ajol laj Madián a'aneb' a'in: laj Efá, laj Efer, laj Enok, laj Abidá ut laj Eldahá. Chixjunileb' a'in a'aneb' chaq ralal xk'ajol laj Abrahán rik'in lix Keturá.

Génesis 25:2

Ut a'an kiwank xkok'al: laj Simrán, laj Joksán, laj Medán, laj Madián, laj Isbak ut laj Súaj.

Éxodo 18:4

ut li jun chik aj Elieser xk'ab'a', xb'aan naq xyehom chaq laj Moisés: “Li xYos linyuwa' a'an aj tenq'ahom we, ut xinxkol chiru xch'iich' laj Parahón”.

1 Reyes 11:18

Ke'elk Madián ut ke'wulak Parán. Aran ke'xsik'eb' winq aj tenq'ahom reheb' ut koheb' Ejiipt; koxe'okaq rik'in laj Parahón, awab'ej re Ejiipt, ut a'an kixk'e rochocheb', kixyeechi'i xtzekemqeb' ut kixk'e ajwi' xch'och'eb'.

Habacuc 3:7

Xwil li xrahil xch'ooleb' laj Kusán, neke'hiich'ank sa' xna'aj eb' li xmuheb'aaleb' laj Madián.