Éxodo 2:11 - Q'eqchi Bible

¹¹ Sa'eb' li kutan a'an, naq ak xwinqilo'k laj Moisés, koho chi rilb'aleb' li ras riitz'in, ut kixk'e reetal naq k'ajo' tawasinb'ileb' chi k'anjelak. Kiril ajwi' jun aj Ejiipt yo chi xsak'b'al jun aj hebreo, jun reheb' li ras riitz'in.

Li Santil hu

¹¹ Laj Moisés quicui̱nkiloꞌ. Saꞌ jun li cutan co̱ chirilbaleb li ras ri̱tzꞌin ut quiril nak ra yo̱queb chixcꞌulbal. Quiril jun li cui̱nk aj Egipto yo̱ chixsacꞌbal jun aj hebreo rech tenamitil laj Moisés.

Éxodo 2:11 ပူးပေါင်းရင်းမြစ်များ

Éxodo 1:11

Toja' naq ke'xxaqab'eb' aj taqlanel re xrahob'tesinkileb' laj Israel rik'in kawil k'anjel, ut eb' laj Israel ke'xyiib' cho'q re laj Parahón eb' li tenamit-k'uuleb'aal, Pitón ut Ramsés xk'ab'a'.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Isaías 58:6

Moko a'an ta li ayuun nawaj. “Li ayuun nawaj laa'in a'an a'in: rach'ab'ankileb' li wankeb' sa' tz'alam chi maak'a'eb' xmaak, xk'ixb'al li xk'aamal li rahob'tesiik, rach'ab'ankileb' li tawasinb'ileb' ut risinkil chixjunil li kawil taqlank.

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

Éxodo 5:14

Ut eb' laj jolominel aj Israel li ke'xaqab'aak chi rilb'al li k'anjel ke'rape'k chi tz'uum xb'aaneb' laj taqlanel ut ke'yehe'k re: “K'a' naq ewer xechoy ut anaqwan ink'a' xechoy jo'k'ihal li xan kama' leetaqlankil rajlal?”.

Éxodo 5:9

Chek'e xb'een xk'anjeleb' li winq a'an re naq laatz'aqeb' ru ut ink'a' te'xk'oxla li tik'ti'”, chan laj Parahón.

Éxodo 5:4

Toja' naq li awab'ej re Ejiipt kixye reheb': “At Moisés, at Aharón, k'a'ut naq nekepo'ok xch'ooleb' li tenamit sa' li xk'anjeleb'? Ayuqex chi xb'aanunkil leek'anjel!”.

Éxodo 5:5

Kixye ajwi' laj Parahón: “K'ehomaq reetal, anaqwan naq eb' laj Israel q'axal k'iheb', ma teeraj laa'ex naq te'xkanab' li xkawil k'anjeleb'?”.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.