Éxodo 19:5 - Q'eqchi Bible

⁵ Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Li Santil hu

⁵ Cui la̱ex te̱rabi li cua̱tin ut te̱ba̱nu li contrato li xkacꞌu̱b chi kibil kib, la̱exak lin tenamit raro̱quex inban. Chixjunil li ruchichꞌochꞌ cue la̱in. Abanan la̱ex li tenamit li sicꞌbil ru inban.

Éxodo 19:5 ပူးပေါင်းရင်းမြစ်များ

Deuteronomio 14:2

Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

Deuteronomio 7:6

Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

Deuteronomio 26:18

Jo'kan ajwi', sa' li kutan a'in, li Qaawa' xye naq laa'at tz'aqal li xtenamit, jo' chanru kixyeechi'i aawe junxil, ut laa'at tento taak'uula sa' aach'ool chixjunil li xchaq'rab'.

Malaquías 3:17

Toja' naq li Nimajwal Yos kixye: “Yookin chi xkawresinkil jun li kutan, b'arwi' a'aneb' tz'aqal intenamitaqeb' wi' chik, ut tinkuy li xmaakeb' jo' naq jun li yuwa'b'ej naxkuy xmaak li ralal li nak'anjelak chiru.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Salmos 135:4

Li Qaawa' kixsik' ru laj Jakob cho'q re xjunes; kixsik' ru laj Israel cho'q reechanihom.

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Éxodo 23:22

Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Deuteronomio 10:14

K'e reetal: li Qaawa' laaYos a'an laj eechal re li choxach'och' ut chixjunil li wank chisa'.

Éxodo 9:29

Kichaq'ok laj Moisés ut kixye: “Naq tin'elq sa' li tenamit, tintaqsi li wuq' chiru li Qaawa', ut taach'anaaq li kaaq ut ink'a' chik taawanq li saqb'ach, re taanaw naq li ruuchich'och' a'an re li Qaawa'.

Salmos 24:1

Xsaalm laj David. Li Qaawa' a'an laj eechal re li choxach'och' ut chixjunil li wank chisa'.

Li xHu LAJ JOB 41:11

Maajun reheb' li xe'yoob'ank xjosq'il, xkanaak chi yo'yo, yal jun taxaq sa' ruuchich'och'.

Deuteronomio 5:2

“Li Qaawa' li qaYos kixk'ojob' jun Sumwank qik'in chiru li tzuul Horeb.

Hebreos 11:8

Sa' xk'ab'a' li xpaab'aal laj Abrahán kixpaab' li Yos naq kib'oqe'k chi xik sa' li na'ajej li tixk'ul cho'q re, ut ki'elk chi ink'a' naxnaw b'ar ta yo chi xik.

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Isaías 41:8

Ab'i, a Israel, aj k'anjelat chiwu; ab'i, a Jakob, insik'om chaq aawu, ex intenamit, ralal xk'ajolex laj Abrahán, li wamiiw:

Salmos 25:10

Chixjunil li xb'e li Qaawa' a'an rahok ut yaal cho'q reheb' li neke'paab'ank re li xsumwank ut li xchaq'rab'.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Josué 24:24

Ut li tenamit ke'xye re laj Josué: “A' li Qaawa' li qaYos taaqak'anjela ru ut chiru A'an toopaab'anq”, chankeb'.

Isaías 1:19

Wi nikineepaab', teetzeka li chaab'il eechej na'elk sa' li ch'och';

1 Reyes 8:53

Xb'aan naq laa'at, at Qaawa', kasik'eb' ru cho'q aawe, sa' xyanqeb' chixjunileb' li tenamit li wankeb' sa' ruuchich'och', jo' kaye chaq re laj Moisés, laj k'anjel chawu, naq kawisiheb' chaq eb' li qana' qayuwa' aran Ejiipt”, chan laj Salomón.

Deuteronomio 28:1

“Wi relik chi yaal naq laa'at taapaab' xyaab' xkux li Qaawa' laaYos ut taak'anjela ru chi chaab'il chixjunil li chaq'rab' ok we chi xyeeb'al aawe sa' li kutan a'in, li Qaawa' laaYos tixterq'usi laawankil sa' xb'een chixjunileb' li tenamit li wankeb' sa' ruuchich'och',

Isaías 56:4

Xb'aan naq jo'ka'in kixye li Qaawa': “Wi eb' li kapun te'oxloq'inq li sábado ut te'xb'aanu li nawulak chiwu, wi junelik te'xpaab' linsumwank,

Éxodo 24:7

Moqon chik kixchap li xHuhil li Sumwank ut kixyaab'asi sa' xxikeb' li tenamit li ke'xsume: “Taaqapaab' ut taaqab'aanu chixjunil li xye li Qaawa'”, chankeb'.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Deuteronomio 11:27

Osob'tesiik wi teepaab' li xchaq'rab' li Qaawa' leeYos li xexinchaq'rab'i wi' anaqwan.

1 Corintios 10:28

Ab'an wi junaq taayehoq eere: “A'in xmayejaak chiruheb' li yal k'oxlanb'il yos”, meetzeka xb'aan li xyehok eere, jo'wi' re naq ink'a' taa'ok xk'a'uxl.

Deuteronomio 14:21

“Maajun li xul li teetaw chi ak kamenaq naru teetzeka, taak'e b'an re laj ab'l tenamit li wank sa' eeyanq, re naq a'an taatzekanq re; wi ut ink'a', k'ayi re jalan chik. Xb'aan naq laa'at jun tenamit q'axtetesinb'ilat re li Qaawa' laaYos. “Maachiq li ch'ina chib'aat sa' li xya'al xtu' li xna'.

Jeremías 10:16

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Cantares 8:12

Li wawimq, a'an we laa'in. Li jun mil chi tumin, a'an aaweheb', at Salomón, ut lajeek'aal cho'q reheb' laj k'aak'alehom re li awimq uub'.

Hebreos 8:9

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq sa' li tenamit Ejiipt. Eb' a'an ink'a' ke'xpaab' linSumwank rik'ineb'; jo'kan naq laa'in ajwi' ink'a' chik kink'oxlaheb', chan li Qaawa'.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Génesis 17:9

Kixye ajwi' li Yos re laj Abrahán: “Chapaab' laa'at ut eb' laawalal aak'ajol linSumwank chi junelik.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Éxodo 8:22

Ab'an sa' li kutan a'an ink'a' tintaqlaheb' li kas sa' xsutam Gosen b'arwi' wankeb' lintenamit: aran maajun junaq kas taawanq. Jo'kan taanaw naq laa'in li Qaawa' wankin sa' li tenamit a'in.

Deuteronomio 28:9

“Li Qaawa' tatxxaqab' cho'q loq'laj tenamit, kama' xyehom aawe sa' jurament, wi taapaab' li xchaq'rab' li Qaawa' laaYos ut taataaqe li xb'e.

1 Crónicas 17:22

Laa'at xatxaqab'ank re laatenamit Israel re naq a'anaq laatenamit chi junelik ut laa'ataq li xYos.

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Amós 6:1

Ra chaalel sa' xb'eeneb' li sa wankeb' aran Sión ut li k'ojk'ookeb' xch'ool chi wank sa' li xtzuulul Samaria, eb' li ninqeb' xwankil sa' li nimla tenamit li neke'xkawu wi' xch'ooleb' laj Israel.

Éxodo 34:9

“At Qaawa', at inYos, wi relik chi yaal naq usilal xintaw chawu, chalqat qik'in, us ta laa'o jun tenamit kaw qajolom -chan laj Moisés-. Chakuy chasach li qamaak ut li qamaa'usilal, ut choohaak'ul cho'q tz'aqal aaweechanihom”.

Levítico 20:24

Laa'in xinye li waatin naq laa'exaq aj eechal re li xtenamiteb'; laa'in ajwi' tink'ehoq chereechani li ch'och' a'an, li k'ajo' xq'emal. “Laa'in li Qaawa' leeYos, li kinsik'ok eeru sa' xyanqeb' li jar teep chi tenamit.

Deuteronomio 9:29

Ab'an eb' a'in aatenamiteb' ut aaweechanihom. Laa'at kat-isink chaq reheb' rik'in xnimal aawankil ut xkawilal laawuq'», chankin re li Yos.

Deuteronomio 26:19

A'an tixterq'usi laaloq'al, laak'ab'a' ut laawankil sa' xb'een chixjunileb' li tenamit li kixyoob'tesi, ut laa'ataq jun tenamit q'axtesinb'ilaq cho'q re li Qaawa' laaYos, jo' chanru kixye aawe A'an”.

Li xHu LAJ JOB 41:3

Ma tixtz'aama tab'i' xkuyb'al chawu ut tatraatina sa' q'unil aatin?

Jeremías 13:11

Jo' naq nab'ak'mank li k'aamalsa' chi sa'ej, jo'ka'an naq xwaj xb'ak'b'al wik'in chixjunileb' li tenamit Israel ut Judá, rik'in xk'oxlankil naq a'aneb' raj intenamit, li xnimal ink'ab'a', linloq'al ut linwankilal. A'ut eb' a'an ink'a' xe'raj wab'inkil.