Éxodo 19:13 - Q'eqchi Bible

¹³ Moko rik'in uq'ej ta taakamsiiq, rik'in b'an pek malaj simaj; us ta winq malaj xul, ink'a' taakanaaq chi yo'yo. Toj te'rab'i xyaab' li pur, toja' naq truuq te'taqe'q sa' xb'een li tzuul”.

Li Santil hu

¹³ Usta cristian usta xul li ta̱nachꞌok aran, ta̱ca̱mk. Moco riqꞌuin ukꞌ ta ta̱camsi̱k. Riqꞌuin ban tzimaj malaj riqꞌuin pec ta̱camsi̱k. Toj teꞌrabi xya̱b li trompeta chi cau, tojoꞌnak naru teꞌtakekꞌ chiru li tzu̱l, chan li Dios.

Éxodo 19:13 ပူးပေါင်းရင်းမြစ်များ

Hebreos 12:20

xb'aan naq ink'a' ke'xkuy rab'inkil li xchaq'rab'inkileb': “Ani taach'e'oq re li tzuul, us ta a'an junaq xul, taateniiq chi pek”.

Éxodo 19:19

Li tronpeet yo chi kawuuk xyaab': laj Moisés na'aatinak ut li Qaawa' naxsume rik'in kaaq.

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

1 Ts 4:16

A' ajwi' li Qaawa' taakub'eeq chaq sa' choxa sa' xq'ehil, naq jun li arkánjel taataqlanq rik'in xyaab' xkux ut taayaab'asiiq xtronpeet li Yos: toja' naq eb' li xe'kamk sa' xk'ab'a' li Kriist, xb'enwa te'wakliiq chaq chi yo'yo.

1 Corintios 15:52

Chiru junpaat, chiru jun mutz'ul, naq taayaab'asiiq li tronpeet sa' roso'jik (xb'aan naq taayaab'asiiq li tronpeet), te'wakliiq chi yo'yo eb' li kamenaq chi ink'a' chik te'q'aaq, ut laa'o toojalano'q.

Éxodo 19:14

Laj Moisés kikub'eek chaq sa' li tzuul, jun k'oot wan wi' li tenamit, ut kixsantob'resiheb' li tenamit. Naq eb' a'an ke'xpuch' li raq'eb',

Éxodo 19:17

Toja' naq laj Moisés kirisiheb' li tenamit sa' li xmuheb'aaleb' re naq toxe'xk'ul chaq li Yos; ut ke'xaqliik chi xtoon li tzuul.

Éxodo 34:3

Ab'an maajunaq aawochb'een naq tattaqe'q, ut maajun chiwanq chiru chixjunil li tzuul. Chi moko karneer chi moko b'ooyx chi'ichajib'q chiru li tzuul”.

Jueces 20:37

Eb' li winq muqmuukeb' koheb' sa' junpaat sa' xb'een Kibehá, ke'xjek'i rib' ut ke'xkamsiheb' chi ch'iich' chixjunileb' li tenamit.