Éxodo 19:10 - Q'eqchi Bible

¹⁰ kiyehe'k re: “Ayu rik'ineb' li tenamit ut chataqlaheb' chi xsantob'resinkil rib' chiru li kutan a'in jo' ajwi' wulaj; xpuch'aqeb' li raq'

Li Santil hu

¹⁰ Li Dios quixye re laj Moisés: —Tatxic riqꞌuineb li cristian. Chiru li cutan aꞌin ut cuulaj ta̱kꞌaxtesiheb saꞌ cuukꞌ. Eb aꞌan teꞌxpuchꞌ li rakꞌeb, ut teꞌxti̱cobresi lix yuꞌameb chi tzꞌakal. Teꞌati̱nk ut teꞌxpuchꞌ li rakꞌeb joꞌ retalil nak xeꞌxyi̱b xyuꞌameb.

Éxodo 19:10 ပူးပေါင်းရင်းမြစ်များ

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Levítico 11:25

“Yalaq ani tixwaklesi li kamenaq xul a'in, tento tixpuch' li xb'aatal ut taakanaaq chi muxb'il toj taa'ok li q'oqyink.

Génesis 35:2

Toja' naq laj Jakob kixye reheb' li wankeb' sa' rochoch jo' ajwi' reheb' chixjunil li rochb'een: “Isihomaq chixjunileb' li jalanil yos li wank eerik'in. Chech'ajob'resi eerib' ut jalomaq leeraq'.

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

Números 8:21

Eb' laj Leví ke'xch'ajob'resiheb' rib' ut ke'xpuch' li raq'eb'. Laj Aharón kixq'axtesiheb' chiru li Qaawa' cho'q mayej, ut laj Aharón kimayejak sa' xk'ab'a'eb' re xch'ajob'resinkileb'.

Levítico 15:5

“Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Josué 3:5

Ut laj Josué kixye reheb' li tenamit: “Ch'ajob'resihomaq eerib' xb'aan naq wulaj li Qaawa' tixb'aanu sachb'ach'oolej sa' eeyanq”, chan.

Números 8:7

B'aanu chi jo'ka'in: taapuuxiheb' rik'in osob'tesinb'il ha'. Te'xjo chixjunil li xjunqxaqalileb', te'xpuch' li raq'eb' ut ch'ajob'resinb'ileb' te'kanaaq.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Josué 7:13

Xaqlin b'i', kawresi xch'ooleb' li tenamit ut ye reheb': Santob'resiiq eerib' re wulaj, xb'aan naq jo'ka'in xye li Qaawa', xYos laj Israel: «At Israel, sa' eeyanq wank li tz'i'b'eetalil. Jo'kan naq ink'a' truuq teekuy sa' ruq'eb' li xik' neke'ilok eere, wi ink'a' nekerisi sa' eeyanq li k'aru tento raj xsachmank».

2 Crónicas 29:5

ut kixye reheb': “Ab'ihomaqin, ex aj Leví! Ch'ajob'resihomaq eerib' anaqwan ut santob'resihomaq li rochoch li Qaawa', xYos eb' leena' leeyuwa'; isihomaq chirix kab'l chixjunil li reemaaru.

Números 31:24

Teepuch' leeraq' sa' xwuq li kutan ut ch'ajob'resinb'il texkanaaq. Toja' naq tex'okaq sa' li na'ajej wankeb' wi' eb' li muheb'aal”, chan laj Elehasar.

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

2 Crónicas 29:34

Ab'anan moko k'iheb' ta laj tij ut ink'a' ke'tz'aqlok chi xkamsinkil chixjunileb' li xul; jo'kan naq ke'tenq'aak xb'aaneb' li xkomoneb', a'eb' laj Leví, toj reetal kiraqe'k li mayejak ut ke'xch'ajob'resi rib' chixjunileb' laj tij. Xb'aan naq eb' laj Leví, a'aneb' li q'axal ke'xk'e xch'ool chi xch'ajob'resinkil rib'eb' chiruheb' laj tij.

1 Samuel 16:5

Kichaq'ok laj Samuel ut kixye: “Hehe', xinchalk chi mayejak chiru li Qaawa'. Ch'ajob'resihomaq eerib' ut kimqex chiwix chi mayejak”, chan. Tikto laj Samuel kixch'ajob'resi laj Jesé ut eb' li ralal, ut kixb'oqeb' chi mayejak.

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

Números 11:18

Taaye ajwi' reheb' li tenamit: Santob'resiiq eerib' xb'aan naq wulaj textzekanq tib'. Xexwab'i chi q'oqonk rik'in xyeeb'al: «Ani taak'ehoq tib' chiqatzeka? Q'axal sa chik naq xoowank aran Ejiipt». Jo'kan naq li Qaawa' tixk'e eetib' re teetzeka.

Números 19:19

Jun li winq maak'a' xmuxul tixkirkiri chi ha' li muxb'il ru sa' rox ut xwuq li kutan. Ut chiru li xwuq kutan taach'ajob'resimanq li xmaak. Toja' naq li winq muxb'il tixpuch' li raq', taa'atinq rik'in ha', ut ch'ajob'resinb'ilaq chik toj ewu.

2 Samuel 19:24

Laj Mefibahal ajwi', ri laj Saúl, kikub'e chaq chi xk'ulb'al li awab'ej. Chalen naq koho li awab'ej toj sa' li kutan naq kisutq'iik Jerusalén sa' tuqtuukilal, ink'a' kixch'ajeb' li roq, chi moko kixk'os li xmach ut kixpuch' li raq'.

Números 31:23

chixjunil li naxkuy li xam tento teech'ajob'resi sa' xam ut teesantob'resi rik'in li osob'tesinb'il ha'. Ab'an chixjunil li ink'a' naxkuy li xam teech'aj rik'in osob'tesinb'il ha'.