Éxodo 18:8 - Q'eqchi Bible

⁸ Toja' naq laj Moisés kixseeraq'i re li xyuwa' li rixaqil chixjunil li kilajxb'aanu li Qaawa' re laj Parahón ut reheb' laj Ejiipt sa' xk'ab'a'eb' laj Israel, jo' ajwi' chixjunil li ch'a'ajkilal ke'xk'ul chaq sa' b'e ut chanru li Qaawa' kixkoleb'.

Li Santil hu

⁸ Laj Moisés quixserakꞌi re li quilajxba̱nu li Ka̱cuaꞌ Dios riqꞌuin laj faraón joꞌ eb ajcuiꞌ laj Egipto saꞌ xcꞌabaꞌeb laj Israel. Quixserakꞌi reheb chirix chixjunil li raylal li quilajeꞌxcꞌul nak yo̱queb chi xic saꞌ li chaki chꞌochꞌ ut quixye reheb chanru nak li Ka̱cuaꞌ Dios quixcoleb laj Israel.

Éxodo 18:8 ပူးပေါင်းရင်းမြစ်များ

Salmos 107:2

Xyehaqeb' a'in li kolb'ileb' xb'aan li Qaawa', eb' li ke'isiik sa' ruq' li xik' neke'ilok reheb',

Salmos 106:10

Kixkoleb' chiruheb' li ke'raj xrahob'tesinkileb'; kixmaq'eb' sa' ruq'eb' li xik' neke'ilok reheb'.

Salmos 81:7

“Laa'in xin'isink li iiq sa' aab'een ut eb' laawuq' xe'xkanab' chaq li kawil k'anjel.

Nehemías 9:32

“Jo'kan utan, at Qaawa', at qaYos nim aawankil ut xiwajel aawu, li junelik nakapaab' li sumwank ut laarahom, k'e reetal chixjunileb' li rahilal ke'chalk sa' qab'een, sa' xb'eeneb' li qa'awab'ej ut eb' laj k'amol qab'e, eb' laj tij ut eb' li propeet, sa' xb'eeneb' li qana' qayuwa' ut chixjunil li qatenamit, chalen sa'eb' li kutan naq ke'wank li awab'ej re Asiria toj anaqwan.

Números 20:14

Naq wankeb' Kadés, laj Moisés kixtaqlaheb' aj yehol esil rik'in li awab'ej re Edom; ke'xye re: “Jo'ka'in xe'xye chaq eb' laj Israel aawiitz'ineb': «Laa'at nakanaw chi us li rahilal qak'ulum chaq.

Salmos 66:16

Chejunilex laa'ex li nekexpaab'ank re li Yos, kimqex chi ab'ink ut tinseeraq'i eere jo'nimal kixb'aanu we li Qaawa'.

Éxodo 18:1

Laj Jetró, aj tij sa' li tenamit Madián ut aj hi'om re laj Moisés, kirab'i resil li kilajxb'aanu li Yos cho'q re laj Moisés jo'wi' cho'q reheb' laj Israel li xtenamit. Kirab'i ajwi' chanru kirisiheb' chaq laj Israel aran Ejiipt.

Éxodo 16:3

ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Éxodo 15:16

“Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Éxodo 15:6

“At Qaawa', k'ajo' xwankil ut xkawilal laanim uq'. At Qaawa', laanim uq' naxputz'i eb' li xik' neke'ilok qe.

Génesis 44:34

Xb'aan naq chan ta ru tinxik laa'in wan wi' linyuwa' wi ink'a' wochb'eenaq li al? Ink'a' nawaj rilb'al li rahilal taachalq sa' xb'een linyuwa'”.

Éxodo 4:23

Jo'kan naq ninye aawe: Kanab' chi xik li walal re naq toxinxloq'oni; ab'an wi ink'a' taakanab' chi xik, laa'in tinkamsi laawalal, a' li xb'een aawalal»”.

Éxodo 7:4

laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.

Éxodo 7:5

Ut naq tinye' li wuq' sa' xb'een Ejiipt ut twisi aran eb' li ralal xk'ajol laj Israel, te'xnaw eb' laj Ejiipt naq laa'in li Qaawa'”.

Éxodo 2:25

Kirileb' li ralal xk'ajol laj Israel ut kirusilaheb'.

Éxodo 23:23

K'amolb'ehaq lin'ánjel chawu ut tatroksi sa' xch'och'eb' laj Amor, laj Hit, laj Perés, laj Kanahán, laj Jib ut laj Jebús, ut teb'insach chi junajwa.

Salmos 106:8

Ab'an li Yos kixkoleb' sa' xk'ab'a' li xloq'al re xk'eeb'al chi nawe'k li xwankilal.