Éxodo 18:4 - Q'eqchi Bible

⁴ ut li jun chik aj Elieser xk'ab'a', xb'aan naq xyehom chaq laj Moisés: “Li xYos linyuwa' a'an aj tenq'ahom we, ut xinxkol chiru xch'iich' laj Parahón”.

Li Santil hu

⁴ Ut li ralal jun chic aj Eliezer xcꞌabaꞌ xban nak laj Moisés quixye: —Li Dios li quixlokꞌoni lin yucuaꞌ xinixtenkꞌa ut xinixcol nak xinixcamsi raj laj faraón.— (Li cꞌabaꞌej Eliezer naraj naxye “li Dios niquinixtenkꞌa.”)

Éxodo 18:4 ပူးပေါင်းရင်းမြစ်များ

Hebreos 13:6

Jo'kan naq naru tqaye chi anchal qach'ool: “Li Qaawa' a'an aj tenq'ahom we; ink'a' tinxiwaq. K'aru truuq xb'aanunkil we junaq yal winq?”.

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Hechos 12:11

Toja' naq laj Pedro kik'ulunk xch'ool ut kixye: “Anaqwan xintaw ru chi tz'aqal naq li Qaawa' xtaqla chaq li x'ánjel ut xinrisi sa' ruq' laj Herodes jo'wi' sa' chixjunil li ch'a'ajkilal xe'raj raj xb'aanunkil we li tenamit Judiiy”.

Daniel 6:22

LinYos xtaqla chaq li x'ánjel chi xtz'apb'al li reheb' li kaqkoj, ut maak'a' junaq rahilal xe'xb'aanu we, xb'aan naq maak'a' inmaak chiru A'an chi moko xinb'aanu junaq ch'a'ajkilal chawu laa'at”, chan laj Daniel.

Salmos 46:1

Re li xjolomileb' laj b'ichanel. Xb'icheb' li ralal xk'ajol laj Koré. Rik'in xolb'.

Salmos 34:4

Qanimaaq ru li Qaawa' wochb'eenex, junxikikaqo chi xterq'usinkil li xk'ab'a'.

Salmos 18:48

a' li Yos nak'ehok we chi numtaak sa' xb'eeneb' li tenamit! A'an naxq'axtesiheb' rub'el linwankil chi junajwa.

Salmos 18:1

Re li xjolomileb' laj b'ichanel. Xsaalm laj David, laj k'anjel chiru li Qaawa'. Laj David kixb'icha a'in naq kikole'k xb'aan li Yos sa' ruq' laj Saúl jo'wi' sa' ruq'eb' li xik' neke'ilok re.

1 Crónicas 23:15

Eb' li ralal xk'ajol laj Moisés a'aneb' laj Kersón ut laj Elieser.

Éxodo 2:15

Naq kixnaw a'an laj Parahón, kixsik' laj Moisés re xkamsinkil; ab'an a'an ki'elelik chiru laj Parahón, kiq'axonk sa' li tenamit Madián ut aran kihilank chi xk'atq jun b'ekb'il ha'.

Hechos 7:29

Naq kirab'i a'in laj Moisés, ki'elelik ut koxkanaaq jo' aj numel sa' xch'och'eb' laj Madián, b'arwi' ke'yo'laak wiib' li ralal.

Hebreos 11:34

ke'xchup li kawil xam, ke'kole'k chiru li q'esnal ch'iich', ke'k'ehe'k xkawilal sa' li xyajeleb', ke'yalok chi kaw, ke'raanilasiheb' laj puub' jalan xtenamiteb';

Génesis 49:25

sa' xk'ab'a' li xYos laayuwa', xb'aan naq a'an taatenq'anq aawe; sa' xk'ab'a' li Nimajwal Yos, xb'aan naq a'an taa'osob'tesinq aawe rik'in rosob'tesinkil li choxa toj taqe'q, rik'in rosob'tesinkil li xchamal li palaw ut rosob'tesinkileb' li ixq li neke'alank ut neke'tu'resink.

Éxodo 2:22

Ut a'in kiwank jun xk'uula'al, aj Kersón kik'ehe'k cho'q xk'ab'a', xb'aan naq kixye laj Moisés: “Jalan intenamit; wankin sa' ab'l aj ch'och'”, chan.

Éxodo 4:20

Toja' naq laj Moisés kixk'am li rixaqil ut li ralal, kixk'eheb' chirix jun b'uur ut kiq'ajk sa' li tenamit Ejiipt. Laj Moisés kixchap ajwi' li xxuq' li Yos.

1 Crónicas 23:17

Li xb'een ralal laj Elieser, a'an laj Rejabías, ut ink'a' chik kiwank xkomon ralal; ab'an laj Rejabías, a'an naab'al li ralal xk'ajol ke'wank.

Éxodo 10:28

Ut laj Parahón kixye re laj Moisés: “Elen chiwu! K'e reetal, maak'ut chik aawib' chiwu, xb'aan naq sa' li kutan taawil wi' wu, tatkamq”, chan.