Éxodo 18:16 - Q'eqchi Bible

¹⁶ Naq wank xch'a'ajkilaleb', neke'chalk wik'in; laa'in ninraqok aatin sa' xb'eeneb' ut nink'e chixnaweb' li xchaq'rab' li Yos ut li xtaqlahom”.

Li Santil hu

¹⁶ Nak nacuan chꞌaꞌajquilal, nequeꞌchal cuiqꞌuin. La̱in nintzꞌiloc a̱tin chirixeb ut ninchꞌolob xya̱lal lix chakꞌrab li Dios chiruheb, chan.

Éxodo 18:16 ပူးပေါင်းရင်းမြစ်များ

Éxodo 24:14

Ut kixye reheb' li cheekel winq: “Chooheeroyb'eni arin toj reetal toosutq'iiq chaq eerik'in. Te'kanaaq sa' eeyanq laj Aharón ut laj Jur: wi wanq junaq ch'a'ajkilal, yehomaq reheb' a'an”, chan.

1 Corintios 6:1

Wi wank junaq sa' eeyanq wank xch'a'ajkilal rik'in jalan chik, ma truuq tab'i' taaxik rik'ineb' laj raqol aatin re li ruuchich'och' a'in? Ma ink'a' raj tento naq rik'ineb' laj paab'anel taaxik?

2 Samuel 15:3

laj Absalón naxye reheb': “K'e reetal, li k'aru xatchalk wi' a'an us ut maak'a' reek', ab'anan maajun tatrab'i sa' rochoch li awab'ej”.

Deuteronomio 5:1

Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Deuteronomio 4:5

Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Li xHu LAJ JOB 31:13

Naq eb' laj k'anjel chiwu, winq ut ixq, xe'xpatz' li k'aru xe'raj we, maajun sut xintz'eqtaana li xpatz'omeb'.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.

Números 15:35

Toja' naq li Qaawa' kixye re laj Moisés: “Kamqaq li winq a'an. Chiteniiq chi pek xb'aan chixjunil li komonil, chirix li na'ajej wankeb' wi' li muheb'aal”, chan.

Levítico 24:15

Ut ye a'in reheb' laj Israel: Ani tixmajewa xk'ab'a' li Qaawa' li xYos, wank xmaak chi junelik.

Éxodo 23:7

“Maaye li tik'ti' sa' raqleb'aal aatin; maak'e chi kamsiik li ani maak'a' xmaak ut tiik xch'ool, chi moko taaye naq maak'a' xmaak li ink'a' us xch'ool.

Éxodo 2:13

Ki'elk wi' chik sa' li kutan jun chik ut kiril wiib' aj hebreo yookeb' chi pleetik; ut kixye re li wank xmaak: “K'a' naq yookat chi xsak'b'al laawech winqilal?”, chan.

Éxodo 18:17

Toja' naq laj hi'om re laj Moisés kixye re: “Ink'a' us li yookat chi xb'aanunkil.

2 Crónicas 19:10

Eb' laj Judá eerech tenamitul te'jitoq cheru chirix k'iila paay chi ch'a'ajkilal, a' yaal ma chirix kamsij ib' malaj chirix li q'etok Chaq'rab' malaj q'etb'a aatin. Laa'ex xb'enwa tento teech'olob' xna'leb'eb' chi chaab'il re naq ink'a' te'maakob'q chiru li Qaawa'. Chi jo'kan A'an ink'a' taajosq'o'q sa' eeb'een ut rik'ineb' leeras eeriitz'in. Wi teeb'aanu chi jo'kan, maak'a'aq eemaak laa'ex.