Éxodo 18:11 - Q'eqchi Bible

¹¹ Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Li Santil hu

¹¹ Anakcuan ninnau nak mas nim xcuanquil li Ka̱cuaꞌ Dios chiruheb chixjunileb li jalanil dios. Aꞌan quixcoleb laj Israel saꞌ rukꞌeb laj Egipto li queꞌxnimobresi xcuanquil xjuneseb saꞌ xbe̱neb laj Israel, chan.

Éxodo 18:11 ပူးပေါင်းရင်းမြစ်များ

Salmos 95:3

Xb'aan naq li Qaawa' a'an li Yos nim xwankil, a'an xnimal ru Awab'ej sa' xb'eeneb' chixjunileb' li yos.

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

2 Crónicas 2:5

Ut li ochoch ok we xkab'lankil nimaq chi us, xb'aan naq li qaYos jwal nim chiru chixjunileb' li jalanil yos.

San Lucas 1:51

Kixk'ut xwankilal li xtel ut kixcha'cha'i li q'etq'eteb' sa' xch'ooleb'.

Salmos 135:5

Ninnaw chi us naq jwal nim li Qaawa', nim xwankil li qaYos chiru chixjunileb' li jalanil yos.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Salmos 97:9

Xb'aan naq laa'at li Qaawa', li Nimajwal Yos sa' xb'een li ruuchich'och'; laa'at li nim aawankil sa' xb'eeneb' chixjunileb' li yos.

1 Crónicas 16:25

Jwal nim xwankil li Qaawa' ut xk'ulub' loq'oniik, q'axal xiwajel ru chiru chixjunileb' li yos.

Santiago 4:6

Ab'anan li Yos q'axal numtajenaq chik li usilal naxk'e qe. Jo'kan naq naxye li Santil Hu: “Li Yos ink'a' nawulak chiru li q'etq'eteb', ab'an narusilaheb' li q'uneb' xch'ool”.

Salmos 119:21

Laa'at nakaq'useb' li q'etq'eteb'; maa'usilaatinanb'ileb' aab'aan li neke'tz'eqtaanank re laachaq'rab'.

Nehemías 9:10

Kab'aanu xninqal eetalil ut sachb'ach'oolej sa' xb'een laj Parahón, sa' xb'eeneb' laj k'anjel chiru jo'wi' sa' xb'een chixjunil li xtenamit, xb'aan naq aawilom chanru naq ke'xq'etq'eti rib' chiruheb' laj Israel. Jo'kan naq chalen anaqwan nawno aawu yalaq b'ar.

2 Reyes 5:15

Toja' naq laj Nahamán ut chixjunileb' li rochb'een ke'sutq'iik wi' chik rik'in li xtaql li Yos. Ut naq kiwulak rik'in, laj Nahamán koxxaqliiq chiru laj Eliseo ut kixye re: “Anaqwan xink'e reetal naq maak'a' chik junaq Yos sa' chixjunil li ruuchich'och'. Ka'ajwi' arin Israel. K'ul b'i' li simaatan a'in naxk'e aawe laj k'anjel chawu”.

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Salmos 31:23

Laa'in xinye sa' lin'ookel k'a'uxl: “Xin'isiik rub'el laawoq rub'el laawuq'!”. Ab'anan naq xinyaab'a laak'ab'a', xawab'i chaq lintz'aamahom.

Nehemías 9:29

Kaq'useb' re naq te'xpaab' wi' chik laachaq'rab', ab'an eb' a'an ink'a' ke'xpaab'; ke'xnimob'resi b'an rib' chawu, ke'maakob'k ut ke'xq'et laataqlahom li nak'ehok xyu'am li ani napaab'ank re. Ke'xkawub'resi ut ke'xjipu li xch'ooleb', tik ink'a' ke'ab'ink.

Nehemías 9:16

“Ab'an eb' a'an ut eb' li qana' qayuwa' ke'xq'etq'eti rib', ke'xkawub'resi xch'ooleb' ut ink'a' ke'raj rab'inkil laachaq'rab'.

1 Reyes 17:24

Toja' naq li ixq kixye re laj Elías: “Anaqwan ninnaw chik naq laa'at xtaql li Yos, ut yaal naq li raatin li Qaawa' wank aawik'in”, chan.

1 Samuel 2:3

Meenaab'alob'resi leeq'etq'etil aatin, mi'elk chi xtz'uumal eere li xnimankil eerib', xb'aan naq li Qaawa' a'an jun Yos li naxnaw chixjunil, a'an naraqok aatin sa' xb'een li junjunq.

Éxodo 14:18

Ut naq taanimaaq inloq'al rik'in li te'xk'ul laj Parahón, eb' laj puub', li xb'eleb'aal ch'iich' ut eb' li wankeb' chirixeb' li kawaay, te'xnaw eb' laj Ejiipt naq laa'in li Qaawa'”.

Éxodo 14:8

Li Qaawa' kixkawub'resi xch'ool laj Parahón, awab'ej re Ejiipt, re naq tixtaaqeheb' laj Israel naq yookeb' chi elk chi kaweb' xch'ool.

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Éxodo 10:3

Naq laj Moisés ut laj Aharón ke'wulak rik'in laj Parahón, ke'xye re: “Jo'ka'in naxye li Qaawa', li xYoseb' laj Hebreo: «Toj jo' najtil chik ink'a' taawaj xkub'sinkil aawib' chiwu? Kanab'eb' chi elk lintenamit re naq tine'xloq'oni.

Éxodo 5:7

“Meek'e chik reheb' laj Israel li k'im li nak'anjelak re pak'ok xan, xikaqeb' b'an eb' a'an chi xsik'b'aleb' re.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Éxodo 1:16

Kixye reheb': “Naq teerileb' li ixq aj hebreo, chek'e reetal chi us ma teelom malaj ixq li k'uula'al: wi teelom li k'uula'al taayo'laaq, chekamsi; wi ch'ina ixqa'al, chekanab'aq chi yo'yo”, chan.

Éxodo 1:10

Chiwanq taxaq qana'leb' re naq ink'a' chik te'k'ihanq. Mare anchal taawanq xnimal yalok ut eb' a'an te'xjunaji rib' rik'ineb' li xik' neke'ilok qe, te'yaloq qik'in ut te'elq sa' li qatenamit”.

Números 33:4

Eb' laj Ejiipt yookeb' chi xmuqb'aleb' li xb'een alalb'ej li ke'kamsiik xb'aan li Qaawa'. Chi jo'kan kiraqmank aatin sa' xb'eeneb' li xyoseb'.