Éxodo 18:1 - Q'eqchi Bible

¹ Laj Jetró, aj tij sa' li tenamit Madián ut aj hi'om re laj Moisés, kirab'i resil li kilajxb'aanu li Yos cho'q re laj Moisés jo'wi' cho'q reheb' laj Israel li xtenamit. Kirab'i ajwi' chanru kirisiheb' chaq laj Israel aran Ejiipt.

Li Santil hu

¹ Laj Jetro, lix yucuaꞌ li rixakil laj Moisés, aꞌan laj tij aran saꞌ li tenamit Madián. Laj Jetro quirabi chanru nak li Dios quixtenkꞌa laj Moisés nak quirisiheb chak laj Israel saꞌ li tenamit Egipto.

Éxodo 18:1 ပူးပေါင်းရင်းမြစ်များ

Éxodo 3:1

Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

Éxodo 2:16

Laj tij re Madián wank wuqub' xrab'in, ut eb' a'in koheb' chi risinkil xha'eb' ut chi xnujob'resinkil li ruk'leb'aaleb' li ketomq re xk'eeb'aleb' chi uk'ak li xkarneer li xyuwa'.

Hechos 14:27

Ut naq ke'wulak, ke'xch'utub' li Iklees ut ke'xseeraq'i reheb' chixjunil li kilajxb'aanu li Yos rochb'eeneb' ut chanru naq kixte li rokeb'aal li paab'aal chiruheb' li maawa'eb' aj Judiiy.

Zacarías 8:23

“Jo'ka'in naxye li Nimajwal Yos: Chiruheb' li kutan a'an lajeeb' chi winq li jalan jalanq raatinob'aal ut xtenamiteb', te'xchap chi raq' junaq aj Judá ut te'xye re: «Naqaj xik cherix, xb'aan naq xqab'i resil naq li Yos wank eerik'in», cha'qeb'”.

Salmos 106:2

Ani truuq tixseeraq'i chixjunileb' li sachb'ach'oolej kixb'aanu li Qaawa'? Ani tixye resil chixjunil li xnimal xloq'al?

Salmos 105:43

Jo'ka'in kirisi li xtenamit chi saheb' sa' xch'ool; k'ajo'eb' chi b'ichank li sik'b'ileb' ru xb'aan.

Salmos 78:4

moko tqamuq ta chiruheb' li qalal qak'ajol, tqach'olob' b'an chiruheb' li te'yo'laaq moqon: a' li xnimal xloq'al ut xwankil li Qaawa', ut chixjunileb' li sachb'ach'oolej kilajxb'aanu.

Salmos 44:1

Re li xjolomileb' laj b'ichanel. Xb'icheb' li ralal xk'ajol laj Koré.

Salmos 34:2

Tin'usilaatina li Qaawa' chi junelik, tinnima ru rik'in xtz'uumal we chi junelik.

Josué 9:9

“Sa' najtil tenamit xoochalk chaq sa' xk'ab'a' li Qaawa' laaYos -chankeb'-. Xqab'i resil li kilajxb'aanu chaq aran Ejiipt,

Josué 2:10

Xqab'i resil naq kex'elk chaq Ejiipt ut li Qaawa' kixchaqihob'resi li Kaqi Palaw cheru. Naqanaw ajwi' naq kesach ruheb' chi junajwa laj Sijón ut laj Og, eb' li wiib' chi awab'ej aj Amor, junpak'al li nima' Jordán.

Romanos 15:18

Xb'aan naq maak'a' k'aru tinye laa'in wi ta ink'a' uxb'il xb'aan li Kriist sa' xk'ab'a' link'anjel re xk'amb'aleb' li maawa'eb' aj Judiiy chi paab'ank. A' li Kriist kib'aanunk re rik'in aatin ut b'aanuhom,

Hechos 15:12

Ch'anaamil ke'kanaak li xk'ihaleb' li ch'utch'uukeb' aran, ut ke'rab'i laj Bernabé ut laj Pablo chi xseeraq'inkil li xninqal ru eetalil ut sachb'ach'oolej kilajxb'aanu li Yos rik'in ruq'eb' sa' xyanqeb' li maawa'eb' aj Judiiy.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Salmos 105:5

Jultikaq eere li sachb'ach'oolej kilajxb'aanu, li xninqal eetalil ut li xloq'laj aatin,

Jueces 4:11

Nach' rik'in Kadés, chi xk'atq li xji laj Sahananín, wank li xmuheb'aal laj Jéber aj Ken, laj hi' re laj Moisés. A'an ak xjek'om rib' rik'in li xteepal laj Kaín ut li xch'uutal eb' laj Jobab.

Números 10:29

Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Éxodo 4:18

Toja' naq kisutq'iik laj Moisés, kiq'ajk sa' rochoch laj Jetró, xyuwa' li rixaqil, ut kixye re: “Chakuy inmaak, xik we chi rilb'aleb' wi' chik li was wiitz'in li wankeb' chaq Ejiipt re naq tinnaw ma toj yo'yookeb'”. Kichaq'ok laj Jetró ut kixye re: “Ayu sa' tuqtuukil usilal”.

Éxodo 2:21

Laj Moisés kixk'ul xch'ool chi kanaak sa' rochoch li winq a'an ut kik'ehe'k xSeforá, li xrab'in, cho'q rixaqil.

Éxodo 2:18

Naq ke'sutq'iik wan wi' laj Rewel, li xyuwa'eb', a'in kixye reheb': “K'a'ut naq xexsutq'iik chaq chi junpaat chiru li kutan a'in?”.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Jueces 1:16

Eb' li ralal xk'ajol laj Jobab laj Ken, aj hi' re laj Moisés, ke'elk chaq sa' li xTenamitul li kala' ut, rochb'eeneb' laj Judá, koheb' sa' li chaqich'och' re Judá, li wank aran Nejeb re Arad, ut koxe'kanaaq sa' xyanqeb' li wankeb' aran.