Éxodo 16:4 - Q'eqchi Bible

⁴ Kixye li Qaawa' re laj Moisés: “K'e reetal, laa'in tintaqla chaq sa' eeb'een li choxahil wa. Te'elq li tenamit wulaj wulaj chi xxokb'al xwaheb' re li junjunq chi kutan; chi jo'kan tinyaleb' rix re xnawb'al ma yookeb' chi xpaab'ankil linchaq'rab' malaj ut ink'a'.

Li Santil hu

⁴ Li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu. La̱in tintakla chak le̱ cua saꞌ choxa. Rajlal cutan eb li cristian teꞌxxoc li joꞌ qꞌuial teꞌxcuaꞌ chiru li jun cutan. Tincuil ma yo̱queb chixpa̱banquil lin chakꞌrab.

Éxodo 16:4 ပူးပေါင်းရင်းမြစ်များ

1 Corintios 10:3

ut chixjunileb' ke'tzekank rik'in jun chi musiq'ejil tzekemq.

Salmos 105:40

Ke'xtz'aama xtzekemqeb', ut kixtaqla chaq eb' laj tonq'; kixk'ojob'eb' xch'ool rik'in choxahil wa.

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Éxodo 15:25

Toja' naq laj Moisés kixyaab'a li Qaawa', ut li Qaawa' kixk'ut jun toon li che': a'an kikute'k sa' ha' xb'aan laj Moisés, ut li ha' kiki'o'k. Aran li Qaawa' kixk'e jun xchaq'rab' eb' laj Israel, kixk'e xtaqlankileb'; aran kixyaleb' rix.

Nehemías 9:15

Kataqla chaq li choxahil wa re naq ink'a' chik te'tz'okaaq, ut naq kichaqik reheb', kak'e chi yo'laak li ha' sa' li saqoonak. Chirix chik a'an kaye reheb' naq toxe'reechani li ch'och' kayeechi'i reheb'.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

San Mateo 6:11

Chak'e ta qe hoon li qawa re rajlal kutan,

Proverbios 30:8

Minaak'e chi b'alaq'iik ut chi tik'ti'ik; maak'e inb'ihomal chi moko neb'a'il, ka'ajaq b'an wi' lintzekemq re rajlal kutan.

Nehemías 11:23

Ak yeeb'il reheb' laj b'ichanel xb'aan jun xchaq'rab' li awab'ej k'aru tento te'xb'aanu rajlal kutan.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

San Lucas 11:3

Chak'e qe wulaj wulaj li qawa re li junjunq chi kutan,

Éxodo 16:15

Naq eb' laj Israel ke'ril a'an, ke'ok chi xyeeb'al chirib'ileb' rib': “K'aru a'in?”. Xb'aan naq ink'a' neke'xnaw k'aru a'an. Ut laj Moisés kixye reheb': “A'an a'in li wa naxk'e li Qaawa' cho'q eetzekemq.

Salmos 78:23

Toja' naq kixtaqla chaq li choql toj taqe'q ut kixtehatq li rokeb'aal li choxa;

Nehemías 9:20

Kak'e ajwi' laachaab'il musiq' re xtijb'aleb'; junelik kataqla chaq li maná re xch'oolaninkileb', ut kak'e ha' reheb' re naq ink'a' te'chaqiq re.