Éxodo 16:21 - Q'eqchi Bible

²¹ Rajlal eq'la neke'xxok jo'nimal tixtzeka li junjunq, a'ut naq natiqwo'k li saq'e, naha'o'k.

Li Santil hu

²¹ Cuulaj cuulaj queꞌxxoc li joꞌ qꞌuial naru teꞌxcuaꞌ. Ut nak quitikcuoꞌ li sakꞌe quihaꞌoꞌ li joꞌ qꞌuial incꞌaꞌ queꞌxxoc.

Éxodo 16:21 ပူးပေါင်းရင်းမြစ်များ

2 Corintios 6:2

xb'aan naq naxye: “Sa' chaab'il kutan xatwab'i, sa' xkutankil li kolb'a ib' xatintenq'a”. Chek'e reetal, a'an a'in li kutan q'axal chaab'il, a'an a'in xkutankil li kolb'a ib'!

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Eclesiastés 12:1

Chijultiko'q aawe laj Yoob'tesihom aawe anaqwan naq toj saajat ut maji' neke'chalk li ink'a' usil kutan. Chalk re li kutan taaye wi': “Maak'a' xsahil linyu'am”, cha'qat.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Éxodo 16:20

Ab'an ink'a' ke'ab'ink chiru laj Moisés: wan ke'xk'uula b'ayaq re li kutan jun chik; ut kimotzo'ink ut kiq'aak. Jo'kan naq laj Moisés kijosq'o'k sa' xb'eeneb'.

Éxodo 16:22

Sa' xwaq li kutan ke'xxok re wiib' kutan; ka'kab' kok' chakach chixjunqaleb'. Toja' naq chixjunileb' li xb'eenil li komonil ke'wulak rik'in laj Moisés chi xyeeb'al resil,