Éxodo 16:12 - Q'eqchi Bible

¹² “Xwab'i naq eb' laj Israel yookeb' chi wech'ink. Taaye reheb': «Hoon ewu tib' teetiw ut wulaj eq'la texnujaq chi wa. Chi jo'kan teenaw naq laa'in li Qaawa' leeYos»”.

Li Santil hu

¹² —La̱in xcuabi nak yo̱queb chi cuechꞌi̱nc laj Israel. Ta̱ye reheb nak joꞌcaꞌin xinye la̱in. “Rajlal ecuu textiꞌok tib ut ekꞌela texcuaꞌak cua. Chi joꞌcan te̱nau nak la̱in li Ka̱cuaꞌ le̱ Dios”, chan li Dios.

Éxodo 16:12 ပူးပေါင်းရင်းမြစ်များ

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Ezequiel 39:22

Chalen sa' li kutan a'an, eb' laj Israel te'xnaw naq laa'in li Qaawa', li xYoseb'.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Ezequiel 34:30

Aran taanawmanq naq laa'in, li Qaawa', li xYoseb', wankin rik'ineb', ut eb' li ralal xk'ajol laj Israel a'aneb' lintenamit. Raatin li Qaawa'.

Jeremías 31:24

Arin te'wanq eb' laj Judá ut chixjunileb' li tenamit wankeb' sa' xteepal, eb' laj k'alom ut eb' laj ilol ketomq.

Éxodo 7:17

Jo'ka'in naxye li Qaawa': Rik'in a'in taanaw naq laa'in li Qaawa'. K'e reetal, tinsak' li roq li nima' rik'in li xuq' li wank sa' wuq' ut taasutq'iiq chi kik'ul.

Éxodo 4:5

“B'aanu chi jo'kan chiruheb' laj Israel re naq te'xpaab' naq li Qaawa' xk'utb'esi rib' chawu, a' li xYos li xxe'toonil yuwa'eb', li xYos laj Abrahán, laj Isahak ut laj Jakob”, chan li Qaawa'.

Éxodo 12:6

ut teek'uula toj sa' li kaalaju xb'e li po a'an; toja' naq chixjunil li xkomonileb' laj Israel te'xmayeja naq namoynak.

Éxodo 16:11

Ut li Qaawa' kiraatina laj Moisés, kixye re:

Levítico 11:44

xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

Números 14:27

—Jo' najtil chik tinkuy rab'inkil xwech'b'al wix xb'aan li komonil a'in ink'a' useb' xna'leb'? Laa'in xwab'i naq eb' laj Israel neke'xwech' wix.

1 Reyes 20:28

Toja' naq jun xtaql li Qaawa' kiwulak rik'in li awab'ej re Israel ut kixye re: “Jo'ka'in xye li Qaawa': «Xb'aan naq eb' laj Aram xe'xye naq li Qaawa' a'an xYoseb' li k'iche', maawa' xYos li taq'a ru, xinq'axtesiheb' sa' laawuq' li tenamit a'in q'axal naab'aleb'. Chi jo'kan teenaw laa'ex naq laa'in tz'aqal li Qaawa'»”.

Salmos 105:40

Ke'xtz'aama xtzekemqeb', ut kixtaqla chaq eb' laj tonq'; kixk'ojob'eb' xch'ool rik'in choxahil wa.

Números 11:4

Sa' xyanqeb' laj Israel wankeb' laj ab'l tenamit li junes wa'ak neke'xk'oxla. Toja' naq eb' laj Israel ke'ok chi wech'ink rik'in xyeeb'al: “Ani tawi' tk'ehoq qatib' re tqatzeka?

Ezequiel 35:13

Xanima laawankil chiwu ut k'ajo' naq xinaahob' chi aatin. Laa'in xwab'i chixjunil.