Éxodo 16:10 - Q'eqchi Bible

¹⁰ Toj yo ajwi' chi raatinankil chixjunileb' laj Israel, naq ke'ilok sa' xjayal li chaqich'och', ut k'utaamil chiruheb' sa' choql li xnimal xloq'al li Qaawa'.

Li Santil hu

¹⁰ Ut nak laj Aarón yo̱ chi a̱tinac riqꞌuineb laj Israel, queꞌiloc saꞌ li chaki chꞌochꞌ ut aran queꞌril nak li Ka̱cuaꞌ Dios quixcꞌutbesi lix lokꞌal chiruheb saꞌ li chok.

Éxodo 16:10 ပူးပေါင်းရင်းမြစ်များ

Éxodo 16:7

ut wulaj eq'la teeril li xnimal xloq'al li Qaawa'. Xb'aan naq ak xrab'i li xwech'b'al rix eeb'aan. Ab'an aniho laa'o naq yookex chi qawech'inkil?”, chankeb'.

Números 16:42

Chixjunil li tenamit ke'ok chi xwech'inkil laj Moisés ut laj Aharón, ut eb' a'in ke'sutq'iik sa' li Loq'laj Na'ajej. Toja' naq li Choql kimuheelank re li Loq'laj Muheb'aal ut kik'utunk xloq'al li Qaawa'.

Números 16:19

Laj Koré kixch'utub'eb' li xkomon chire rokeb'aal li Loq'laj Na'ajej chi xwech'b'al laj Moisés ut laj Aharón. Toja' naq kik'utunk xloq'al li Qaawa' chiruheb' chixjunil li komonil,

Levítico 9:6

Toja' naq laj Moisés kixye: “A'an a'in li xtaqlahom li Qaawa'. B'aanuhomaq, ut li Qaawa' tixk'ut rib' cheru rik'in xnimal xloq'al”.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Números 14:10

Toja' naq chixjunil li komonil ke'ok raj chi xteninkileb' chi pek, ab'an li xloq'al li Qaawa' kixk'ut rib' chiruheb' chixjunil laj Israel sa' li Loq'laj Na'ajej.

Éxodo 16:11

Ut li Qaawa' kiraatina laj Moisés, kixye re:

Éxodo 24:16

Li xloq'al li Qaawa' kihilank sa' xb'een li tzuul Sinaí, ut li choql kimuquk re chiru waqib' kutan. Sa' li xwuq li kutan li Qaawa' kixb'oq chaq laj Moisés toj sa' xyi li choql.

Levítico 9:23

Chirix chik a'an laj Moisés ut laj Aharón ke'ok sa' li Loq'laj Muheb'aal ut, naq ke'elk chaq, ke'rosob'tesiheb' laj Israel. Toja' naq li Qaawa' kixk'ut rib' rik'in xnimal xloq'al chiruheb' chixjunil li tenamit: