Éxodo 15:25 - Q'eqchi Bible

²⁵ Toja' naq laj Moisés kixyaab'a li Qaawa', ut li Qaawa' kixk'ut jun toon li che': a'an kikute'k sa' ha' xb'aan laj Moisés, ut li ha' kiki'o'k. Aran li Qaawa' kixk'e jun xchaq'rab' eb' laj Israel, kixk'e xtaqlankileb'; aran kixyaleb' rix.

Li Santil hu

²⁵ Ut laj Moisés quitijoc chiru li Ka̱cuaꞌ Dios. Li Dios quixcꞌut jun to̱n li cheꞌ chiru laj Moisés. Laj Moisés quixcut li cheꞌ aꞌan saꞌ li haꞌ ut quicha̱biloꞌ li haꞌ. Sa chic rucꞌbal. Li Ka̱cuaꞌ Dios quixqꞌue jun li chakꞌrab reheb ut quixyaleb saꞌ lix pa̱ba̱leb.

Éxodo 15:25 ပူးပေါင်းရင်းမြစ်များ

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Salmos 66:10

At qaYos, laa'at xatyalok rix li qapaab'aal ut xatz'il qix kama' naq nayale'k li plaat.

Jueces 3:1

A'aneb' a'in li tenamit kixkanab'eb' li Qaawa' re xyalb'al rixeb' laj Israel, xb'aan naq wankeb' laj Israel li maji' yo'lajenaqeb' naq ki'uxk li yalok re reechaninkil Kanahán.

Jueces 3:4

Chi jo'kan li Qaawa' kiraj xyalb'al rixeb' laj Israel re xnawb'al ma te'xpaab' li xchaq'rab' yeeb'il reheb' li xna' xyuwa'eb' xb'aan laj Moisés malaj ut ink'a'.

Jueces 2:22

Jo'ka'in naq li Qaawa' kiraj xyalb'al rixeb' laj Israel re rilb'al ma te'xtaaqe tana li chaab'il b'e malaj ut ink'a', jo' ke'xb'aanu chaq li xna' xyuwa'eb'.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

Éxodo 16:4

Kixye li Qaawa' re laj Moisés: “K'e reetal, laa'in tintaqla chaq sa' eeb'een li choxahil wa. Te'elq li tenamit wulaj wulaj chi xxokb'al xwaheb' re li junjunq chi kutan; chi jo'kan tinyaleb' rix re xnawb'al ma yookeb' chi xpaab'ankil linchaq'rab' malaj ut ink'a'.

2 Reyes 2:21

laj Eliseo koho chire li yu'amha', kixkirkiri chi atz'am ut kixye: “Jo'ka'in xye li Qaawa': «Laa'in xinb'an li ha' a'in; ink'a' chik taakamsinq ut chaab'ilaq chik li ch'och'»”.

1 Corintios 1:18

Xyeeb'al resil li krus a'an memil na'leb' chiruheb' li yookeb' chi sachk, ab'an chiruheb' li yookeb' chi kole'k -chiqu laa'o- a'an xnimal xwankil li Yos.

Jeremías 9:7

Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Proverbios 17:3

Li oor ut li plaat sa' xam neke'ch'ajob'resiik; ab'an li qach'ool nayale'k rix xb'aan li Qaawa'.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

2 Reyes 4:41

“K'amomaq chaq kach'inaq ink'aj”, chan laj Eliseo. Naq ke'xk'e re, kixkut sa' li uk'al ut kixye: “K'ehomaq reheb' li poyanam re te'tzekanq”. Ut naq ke'xyal, chaab'il chik li tzekemq, maak'a' reek' li wank chisa' li uk'al!

Éxodo 14:10

Naq yo chaq chi nach'ok laj Parahón, eb' laj Israel ke'xtaqsi rilob'aaleb' ut, naq ke'ril eb' laj Ejiipt chirixeb', k'ajo' naq ke'xiwak ut ke'xyaab'a li Qaawa'.

Salmos 99:6

Laj Moisés ut laj Aharón rochb'eeneb' li rech tijul, laj Samuel rochb'eeneb' li neke'patz'ok li xloq'laj k'ab'a' ke'xyaab'a li Qaawa', ut a'an kixsumeheb' chaq.

Salmos 81:7

“Laa'in xin'isink li iiq sa' aab'een ut eb' laawuq' xe'xkanab' chaq li kawil k'anjel.

Deuteronomio 13:3

maapaab' li propeet a'an malaj li xyehom laj matk'. Xb'aan naq li Qaawa' leeYos yooq chi xyalb'al eerix, re xnawb'al ma relik chi yaal naq nekera li Qaawa' leeYos chi anchal eech'ool ut chi anchal eeraanm.

Éxodo 17:4

Toja' naq laj Moisés kixyaab'a li Qaawa' ut kixye: “K'aru tinb'aanu rik'in li tenamit a'in? Kach'in chik maa nikine'xkuti chi pek”.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Éxodo 20:20

Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

2 Reyes 6:6

“B'ar xnaqk?”, chan li xtaql li Yos. Naq li winq kixk'ut chiru li na'ajej b'arwi' xt'ane'k li maal, laj Eliseo kixyok' jun li che', kixkut sa' li ha' ut li maal kitaqe'k chaq sa' xb'een li ha'.

Ezequiel 47:7

ut aran kiwil naq chi xka'pak'alil li roq nima' k'ajo' li che'.

Ezequiel 47:8

Toja' naq kixye we: “Li ha' a'in naxik sa' xjayal releb'l saq'e, nakub'eek Arabá ut nokox'okaq sa' li Atz'aminb'il Palaw. Ut naq nawulak aran, chaab'il ha' chik nakanaak wi' li palaw.