Éxodo 15:17 - Q'eqchi Bible

¹⁷ Taawoksiheb' ut taaxe'eniheb' sa' li tzuul li xak'e cho'q xna'ajeb', li xakawresi cho'q aamuheb'aal, at Qaawa', toj sa' laaloq'laj ochoch li xayiib' rik'in aawuq', at inYos.

Li Santil hu

¹⁷ Toa̱cꞌam saꞌ li tzu̱l li sicꞌbil ru a̱ban li cuan saꞌ li naꞌajej li xayechiꞌi chak ke junxilaj. Toa̱qꞌue chi cua̱nc saꞌ li naꞌajej li xakabanbil a̱ban re nak tatkalokꞌoni.

Éxodo 15:17 ပူးပေါင်းရင်းမြစ်များ

Salmos 44:2

At qaYos, rik'in qaxik xqab'i resil ut eb' li qana' qayuwa' xe'xseeraq'i qe k'aru xab'aanu najter q'e kutan, naq toj wankeb' chaq eb' a'an.

Salmos 80:8

At qaNimajwal Yos, choohaawaklesi wi' chik, choohaawil rik'in xnimal laawusilal, ut tookole'q!

Jeremías 32:41

Taasaho'q li waanm chi xb'aanunkil li usilal reheb', ut tink'eheb' chi na'ajunk chi junwaakaj sa' li na'ajej a'in, chi anchal linch'ool ut chi anchal li waanm”.

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Jeremías 2:21

Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?

Éxodo 15:13

Rik'in laawusilal xak'am xb'eheb' li tenamit a'in kolb'il aab'aan. Rik'in laawankil xab'eresiheb' toj sa' laasantil muheb'aal.

Éxodo 23:20

“K'e reetal, laa'in tintaqla jun lin'ánjel chawu re naq tatril sa' b'e ut tatxb'eres toj sa' li na'ajej li xinkawresi cho'q aawe.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Deuteronomio 33:19

Taab'oqeb' laawech tenamitul sa' xb'een li tzuul, ut aran te'mayejaq chi chaab'il; te'xyal xsahil li b'ihomal nachalk chaq sa' li palaw jo' ajwi' li wank chi muqmu chire li ha'”, chan laj Moisés.

2 Samuel 7:10

Tink'e xch'och'eb' laj Israel lintenamit ut tink'eheb' chi hilank aran, re naq sa te'wanq chi maak'a'aqeb' xxiw ut ink'a' chik te'rahob'tesiiq xb'aaneb' li ink'a' useb' xna'leb' kama' junxil

1 Reyes 8:13

Ab'an laa'in xinyiib' jun li ochoch cho'q aamuheb'aal, jun li na'ajej wanqat wi' chi junajwa”.

Salmos 2:6

“Laa'in xinxaqab'ank re lin'awab'ej aran Sión sa' linloq'laj tzuul”, chan.

Salmos 68:16

Li tzuul Basán a'an q'axal najt xteram, li tzuul Basán k'ajo' xnimal xteram!

Salmos 76:2

Nawno ru li Yos xb'aaneb' laj Judá, q'axal nim xk'ab'a' sa' xyanqeb' laj Israel.

Salmos 80:15

At qaNimajwal Yos, sutq'isi chaq aawib', choohaawil chaq toj sa' choxa, chak'e reetal, chulaawil laawawimq

Salmos 114:2

laj Judá kikanaak cho'q xloq'laj ochoch li Qaawa' ut laj Israel kiwank cho'q x'awab'ejihom.

Éxodo 25:8

Taayiib' jun inSantil Na'ajej re naq tinhilanq sa' xyanqeb'.

Josué 22:19

“Wi nekek'oxla naq muxb'il leena'aj, numenqex wan wi' li reechanihom li Qaawa', b'arwi' xk'ojob' li xmuheb'aal, ut wanqex sa' qayanq. Ab'an meeq'et xchaq'rab' li Qaawa', chi moko cheq'etq'eti eerib' chiqu laa'o rik'in xyiib'ankil jalan chik artal chiru li x'artal li Qaawa' li qaYos.

Ezequiel 37:26

Tink'ojob' jun li sumwank rik'ineb' re naq te'wanq sa' tuqtuukilal ut sa' sahilal chi junajwa. Tink'eheb' chi wank sa' li xna'ajeb', tink'ihob'resiheb' ut aran tink'ojob' linsantil ochoch chi junwaakaj.

Ezequiel 37:28

Ut naq linsantil ochoch taawanq sa' xyanqeb' chi junwaakaj, eb' li tenamit junch'ol te'xnaw naq laa'in li Qaawa', li ninsantob'resiheb' laj Israel»”.