Éxodo 15:13 - Q'eqchi Bible

¹³ Rik'in laawusilal xak'am xb'eheb' li tenamit a'in kolb'il aab'aan. Rik'in laawankil xab'eresiheb' toj sa' laasantil muheb'aal.

Li Santil hu

¹³ Xban nak kꞌaxal nim la̱ cuusilal, la̱at yo̱cat chi cꞌamoc be chiku ut xoa̱col. Riqꞌuin lix nimal a̱cuanquilal toa̱cꞌam saꞌ li naꞌajej li xayechiꞌi ke junxilaj.

Éxodo 15:13 ပူးပေါင်းရင်းမြစ်များ

Salmos 77:20

Laa'at katnume'k sa' li palaw; sa' xchamal li ha' katnume'k chaq ut ink'a' kik'utunk xna'aj laawoq.

1 Pedro 1:5

li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Salmos 106:9

Kixq'us li Kaqi Palaw, ut a'an kichaqik; kixnumsi li xtenamit sa' xyi li ha' chanchan sa' chaqich'och'.

Efesios 2:4

A'ut li Yos q'axal nim li ruxtaan. Xooxra chaq rik'in xnimal xrahom

Salmos 80:1

Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.

Génesis 19:16

A'ut laj Lot toj yo chi xk'oxlankil. Jo'kan naq li wiib' chi winq xb'aan xnimal ruxtaan li Qaawa' ke'xchap chi ruq'; ke'xchap ajwi' li rixaqil ut xkab'ichaleb' li xrab'in, ut chixjunileb' ke'isiik chirix li tenamit.

Nehemías 9:12

Kak'ameb' xb'e chi kutan rik'in jun keel chi choql, ut chi q'eq rik'in jun keel chi xam, re xk'utb'al li b'e tento te'nume'q wi'.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Éxodo 15:16

“Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Éxodo 15:17

Taawoksiheb' ut taaxe'eniheb' sa' li tzuul li xak'e cho'q xna'ajeb', li xakawresi cho'q aamuheb'aal, at Qaawa', toj sa' laaloq'laj ochoch li xayiib' rik'in aawuq', at inYos.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

2 Samuel 15:25

Ab'an li awab'ej kixye re laj Sadok: “K'am wi' chik li xLoq'laj Kaax li Yos sa' li tenamit. Wi usilal xintaw chiru li Qaawa', A'an tinxk'e chi sutq'iik re naq twil wi' chik li Loq'laj Kaax ut li xmuheb'aal.

Salmos 74:2

Chijultiko'q aawe li komonil kaweechani najter q'e kutan, a' li molam kakol laa'at re tkanaaq cho'q aawe; chijultiko'q aawe li tzuul Sión b'arwi' kayiib' laamuheb'aal.

Salmos 78:35

Toj aran ke'jultiko'k reheb' naq li Yos a'an li saqoonak, a'an li Nimajwal Yos, laj Kolol reheb'.

Isaías 51:10

Ma ink'a' tab'i' laa'at katchaqihob'resink re li palaw ut li nimla ha', ut kate jun li b'e sa' xchamal li palaw re naq ke'nume'k li kakoleb' chaq?

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.