Éxodo 14:22 - Q'eqchi Bible

²² Eb' laj Israel koxe'okaq sa' li palaw chi chaqi ru xb'eheb': chanchan li tz'ak naq kikanaak li ha' chi xka'pak'alil li b'e.

Li Santil hu

²² Ut eb laj Israel saꞌ chaki chꞌochꞌ queꞌnumeꞌ nak quixjach rib li haꞌ. Chanchan li tzꞌac quicana li haꞌ saꞌ xcaꞌ pacꞌalil li be.

Éxodo 14:22 ပူးပေါင်းရင်းမြစ်များ

Hebreos 11:29

Sa' xk'ab'a' li paab'aal ke'nume'k sa' li Kaqi Palaw chanchan nume'k sa' li chaqich'och'; ab'an eb' laj Ejiipt, naq ke'xyal xb'aanunkil a'an, ke'oso'k chi junajwa sa' li ha'.

Salmos 66:6

A'an kisutq'isink re li palaw chi kawil ch'och', ut ki'uxk nume'k chi oqej junpak'al li nima'. Chisaho'q sa' qach'ool sa' xk'ab'a' a'an!

Salmos 78:13

Aran kixjach chirib'il li palaw ut kixnumsiheb' junpak'al; kixram li ha', ut chanchan li tz'ak naq kixaqliik.

Éxodo 15:19

Naq eb' li xkawaay laj Parahón, eb' li xb'eleb'aal ch'iich' ut eb' li wankeb' sa' xb'eeneb' koxe'okaq sa' li palaw, li Qaawa' kixjunaji li ha' sa' xb'eeneb', a'ut eb' laj Israel ke'nume'k sa' xyi li palaw chi chaqi ru xb'eheb'.

Éxodo 14:29

A'ut eb' laj Israel ke'nume'k sa' li palaw chi chaqi ru xb'eheb', xb'aan naq li ha' chanchan li tz'ak kikanaak chi xka'pak'alil li b'e.

1 Corintios 10:1

Ex was wiitz'in, twaj teenaw naq eb' li qana' qayuwa' chixjunileb' ke'wank chaq rub'el li choql ut chixjunileb' ke'nume'k sa' li palaw.

Isaías 63:13

kixnumsi li xtenamit sa' xchamal li palaw, jo' tawi' junaq kawaay chi aanilak sa' li chaqich'och', ut ink'a' ke'tichk'ok li roqeb',

Nehemías 9:11

Laa'at kajach li palaw chiruheb', ut ke'nume'k junpak'al chi chaqi ru li xb'eheb'. Kama'eb' li pek sa' xchamal li palaw naq kasub'eb' sa' ha' li ke'aanilasink chaq reheb'.

Éxodo 15:8

Rik'in rapusihom laajosq'il kixtuub' rib' li ha'; chanchan tz'ak naq ke'xaqliik li xkaw oq li palaw, ut toj sa' xyi kipeko'k li xchamal.

Números 33:8

Ke'elk Pi-Hajirot ut koxe'nume'q sa' xyi li palaw toj sa' li chaqich'och'. Oxib' kutan ke'b'eek sa' li chaqich'och' re Etán ut koxe'hilanq sa' li na'ajej Mará.

Zacarías 2:5

Ab'anan naxye li Qaawa': Laa'in chik li xsuttz'akil; chanchanaqin xam chi xsutam lintenamit, ut linloq'al wanq aran sa' xyanqeb'»”.

Josué 3:17

Eb' laj tij li yookeb' chi k'amok re li xLoq' laj Kaaxil li Sumwank, xaqxookeb' sa' xyi li nima' naq yookeb' chi nume'k chixjunileb' laj Israel. Ut chaqi li ch'och' li xaqxookeb' wi'.

Josué 4:22

teech'olob' chiruheb' ut teeye: «Chaqi ru li b'e ke'nume'k wi' eb' laj Israel junpak'al li nima' Jordán», cha'qex.

1 Samuel 25:16

Eb' a'an tz'aqal xe'kolok qe chi q'eq chi kutan jo' najtil li qawanjik rik'ineb' re ilok ketomq.

2 Reyes 2:8

Toja' naq laj Elías kirisi chirix li xb'aatal, kixb'ach'i, ut chiru a'an kixsak' li ha' li kixjek' rib' chi xka'pak'alil. Jo'kan naq eb' li wiib' chi winq ke'nume'k chiru chaqich'och'.

Salmos 74:15

Laa'at kattehok xyo'leb'aal li ha' sa' pek, ut kachaqihob'resi li yu'amha' chi junajwa.

Salmos 136:14

ut sa' xyi li ha' kixnumsiheb' laj Israel, li xnimal xrahom wank chi junelik!

Isaías 43:16

Jo'ka'in kixye li Qaawa' li kitehok b'e sa' li palaw, jo' jun nimb'e sa' xkawil oq li ha'.

Isaías 63:12

ut kirochb'eeni rik'in li xnimal xwankil? Kixjach ru li palaw sa' wiib' chiruheb' re naq nawnooq li xk'ab'a' chi junelik;

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

2 Reyes 2:14

Chirix chik a'an kixsak' li nima' chiru li xb'aatal laj Elías, ab'an li ha' ink'a' kixjek' rib'. Toja' naq kixye: “B'ar wank li Qaawa', li xYos laj Elías?”. Kixsak' wi' chik li ha', ut a'in kixjek' rib' chi xka'pak'alil, ut laj Eliseo kinume'k chiru chaqich'och'.

Salmos 106:9

Kixq'us li Kaqi Palaw, ut a'an kichaqik; kixnumsi li xtenamit sa' xyi li ha' chanchan sa' chaqich'och'.

Salmos 136:13

Kixjach sa' xyi li Kaqi Palaw, li xnimal xrahom wank chi junelik;

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

Isaías 11:16

Chi jo'kan taawanq jun nimb'e cho'q reheb' xkomon li tenamit li te'sutq'iiq chaq Asiria, jo' li ke'xtaw eb' laj Israel naq ke'elk chaq Ejiipt.

Isaías 51:10

Ma ink'a' tab'i' laa'at katchaqihob'resink re li palaw ut li nimla ha', ut kate jun li b'e sa' xchamal li palaw re naq ke'nume'k li kakoleb' chaq?