Éxodo 13:9 - Q'eqchi Bible

⁹ Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Li Santil hu

⁹ Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Éxodo 13:9 ပူးပေါင်းရင်းမြစ်များ

Deuteronomio 6:8

Taab'ak'eb' chawuq' jo' junaq eetalil ut letz chapeekem re naq jultikaq aawe.

Números 15:39

Te'wanq xmach li raq'eb', re naq jo'q'e te'ril, taanaq sa' xch'ooleb' chixjunil li xchaq'rab' li Qaawa'. Chi jo'kan te'xpaab' ut ink'a' te'xb'aanu li naraj xch'ooleb' chi moko taaxik xch'ooleb' chirix li k'aru neke'ril, a' li tz'aqal neke'xmux wi' rib'eb'.

Éxodo 13:16

Ut a'an taak'anjelaq aawe cho'q reetalil sa' laawuq', cho'q xsahob' ru laapeekem, xb'aan naq li Qaawa' rik'in xkawilal li ruq' koorisi chaq Ejiipt»”.

Éxodo 12:14

Li kutan a'an a'anaq xnimal ru kutan cho'q eere, ut laa'ex teenima junelik rik'in jun ninq'e sa' xk'ab'a' li Qaawa'. Teexaqab' chi junajwa cho'q xnimal ru ninq'e.

Romanos 10:8

K'a' put ru naxye chi jo'kanan: “Nach' chak'atq wank li Aatin: sa' xtz'uumal aawe ut sa' laach'ool”? Naraj naxye li paab'aal li naqapuktesi resil laa'o.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

San Mateo 23:5

Chixjunil nalaje'xb'aanu yal re naq ilb'ilaqeb' xb'aaneb' li tenamit: neke'xyu' li xloq'laj eetalil li Chaq'rab' chi xpeekemeb' jo'wi' chiruheb' li xtel, ut neke'xtiq xsahob' ru li re li raq'eb';

Deuteronomio 30:14

Li aatin nach' wank aawik'in, wank sa' xtz'uumal aawe ut sa' laach'ool, re naq taak'anjela ru.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Jeremías 22:24

Li Qaawa' kixye re laj Jekonías, ralal laj Johakín, li awab'ej re Judá: “Ninye li waatin chi tz'aqal yaal: Wi ta laa'at matq'ab' re kaaxtink, li wank ta chi ru'uj wuq', tatwisi raj b'arwi' wankat

Isaías 51:9

Ajen, ajsi aawu, at Qaawa', ut k'ut laawankilal; waklin jo' kab'aanu chaq junxil, jo' kab'aanu chaq najter q'e kutan. Ma ink'a' tab'i' laa'at katkamsink re Rahab, ut kapaynumi chi ch'iich' li xk'anti'il li palaw?

Isaías 49:16

K'e reetal naq sa' li wuq' tz'iib'anb'ilat, junelik yookin chi rilb'aleb' laasuttz'akil.

Isaías 40:10

K'ehomaq reetal, yo chi chalk li Qaawa' rik'in xnimal xwankil: chixjunil wank rub'el roq rub'el ruq'! K'ehomaq reetal, rochb'een chaq li xtojb'al ut k'amol b'e chaq chiru li q'ajkamunk.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Proverbios 3:21

At walal ink'ajol, k'uula sa' laach'ool li chaab'il na'leb' ut k'a'uxl, ut misachk chawu li wank sa' xyaalal:

Proverbios 1:9

xb'aan naq li raatin laana' laayuwa' jo'kaq junaq koroon sa' laajolom, jo'kaq junaq chaab'il q'ol chakux laa'at.

Salmos 89:13

Laa'at xatk'uub'ank re li releb'l iq' ut li rokeb'l; li tzuul Tabor ut Hermón neke'saho'k xch'ool aawik'in.

Nehemías 1:10

“At Qaawa', laa'o aj k'anjel chawu; misachk sa' aach'ool naq laa'o laatenamit li xakoleb' rik'in xnimal aawankil ut aametz'ew.

Deuteronomio 6:6

“Chiwanq sa' laach'ool junelik eb' li aatin a'in xinq'axtesi aawe anaqwan.

Cantares 8:6

K'ehin cho'q kaaxt chiru laach'ool, jo' junaq kaaxt chiru laatelb', xb'aan naq jwal kaw rib' li Rahok jo' li Kamk, wank xwankil li Sowenak jo' li Xb'alb'a: li xxamlel li Rahok a'an tiqwal xam, tz'aqal xam li nachalk rik'in li Yos!

Proverbios 7:23

ut chi junpaat xpaynumiik li xch'ool chi simaj; jo' junaq xik'anel xul noxnaq sa' li ra'al, chi ink'a' naxnaw naq aran taasachq li xyu'am.

Éxodo 3:20

Ab'an laa'in tinye' li wuq' ut tinrahob'tesiheb' laj Ejiipt rik'in chixjunileb' li sachb'ach'oolej li tinb'aanu sa' xyanqeb'; toja' naq texxkanab' chi elk.

Éxodo 7:4

laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Salmos 136:12

rik'in xwankil li ruq' ut xkawilal li xtel, li xnimal xrahom wank chi junelik!

Isaías 44:5

Li jun tixye: «Laa'in rehin li Qaawa'», li jun chik tixk'ab'a'in ralal xk'ajol laj Jakob, ut li jun chik tixtz'iib'a sa' ruq': «Li Qaawa' a'an laj eechal we», ut tixye naq xkomoneb' laj Israel”.

Éxodo 12:41

Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Deuteronomio 6:21

Ut laa'at taaye re laawalal: «Laa'o koowank chaq rub'el xwankil laj Parahón aran Ejiipt, ut li Qaawa' koorisi chaq aran rik'in xkawilal li ruq'.

Jueces 2:12

Ke'xkanab' li Qaawa', li xYos eb' li xxe'toonil yuwa' li ki'isink chaq reheb' sa' li na'ajej Ejiipt, ut ke'ok chi xtaaqenkil li xyoseb' li tenamit wankeb' chi xsutam. Ke'xwiq'ib' rib' chiruheb' ut ke'xchiq' xjosq'il li Qaawa';

Salmos 136:11

Ut kirisiheb' laj Israel sa' xyanqeb' a'an, li xnimal xrahom wank chi junelik;

Daniel 9:15

«At Qaawa', at qaYos, laa'at kak'ut li xnimal aawankil naq kawisiheb' chaq laatenamit aran Ejiipt. Sa' xk'ab'a' a'an q'axal nawno aawu chalen toj anaqwan, ab'an laa'o xoomaakob'k ut xqab'aanu li ink'a' us.