Éxodo 12:21 - Q'eqchi Bible

²¹ Laj Moisés kixb'oqeb' chixjunil li xcheekelaleb' laj Israel ut kixye reheb': “Ayuqex chi xsik'b'al kok' wakax re leejunkab'al, ut teemayeja cho'q re li Paswa.

Li Santil hu

²¹ Tojoꞌnak laj Moisés quixbok chixjunileb li cui̱nk li nequeꞌcꞌamoc be saꞌ xya̱nkeb laj Israel. Quixye reheb: —Te̱sicꞌ le̱ carner ut te̱camsi chokꞌ reheb li cuanqueb saꞌ le̱ rochoch.

Éxodo 12:21 ပူးပေါင်းရင်းမြစ်များ

Éxodo 12:3

Cheye a'in re chixjunil li xkomonileb' laj Israel: Sa' li lajeeb' xb'e li po a'in teechap chejunjunqal jun xkarneer leejunkab'al, jun xkarneer li junjunq chi ochoch.

Esdras 6:20

Ak kawresinb'ileb' chi us laj tij jo'wi' eb' laj Leví sa' junajil, jo'kan naq ch'ajob'resinb'ileb' chixjunileb'. Toja' naq ke'xmayeja li Paswa sa' xk'ab'a' chixjunileb' li ke'sutq'iik wi' chik Jerusalén, sa' xk'ab'a'eb' laj tij ut sa' xk'ab'a'eb' ajwi' eb' a'an.

2 Reyes 23:21

Toja' naq li awab'ej kixye reheb' chixjunil li tenamit: “Ninq'ehimaq li Paswa sa' xk'ab'a' li Qaawa' leeYos, jo' tz'iib'anb'il sa' xhuhil li Sumwank”.

Josué 5:10

Eb' laj Israel ke'hilank Kilkal ut aran ewu ke'xninq'ehi li Paswa sa' li kaalaju xb'e li po, sa' xtaq'ahil Jerikó.

Números 11:16

Ab'anan li Qaawa' kichaq'ok ut kixye re laj Moisés: “Ch'utub'eb' we lajeeb' xkaak'aal (70) xtiixilaleb' laj Israel, eb' li ch'olch'o chawu naq tiixeb' ut aj tz'iib'eb'. K'ameb' chiru li Loq'laj Na'ajej, ut wanqeb' aran aawochb'een.

Éxodo 19:7

Koho laj Moisés, koxch'utub'eb' li xcheekel winqilaleb' li tenamit ut kixye reheb' li k'aru kitaqlaak wi' xb'aan li Qaawa'.

Éxodo 17:5

Kichaq'ok li Qaawa' ut kixye re laj Moisés: “Numen chiru li tenamit ut k'am chawix wiib' oxib' li xb'eenileb' laj Israel. K'am ajwi' sa' aawuq' li xuq' xasak' wi' li nima', ut ayu.

Éxodo 12:11

Jo'ka'in naq teetiw: chi b'ak'b'ooq leesa', wanq eexaab' cheroq ut wanq eexuq' sa' eeruq'; ut chi junpaat teetiw xb'aan naq a'an li xPaswa li Qaawa'.

Éxodo 3:16

Ayu, taach'utub'eb' li xcheekelaleb' laj Israel ut taaye reheb': «Li Qaawa', li xYos leexe'toonil yuwa', li xYos laj Abrahán, laj Isahak ut laj Jakob xk'ut rib' chiwu ut xye we: Xulexwil ut xink'e reetal chixjunil li xek'ul Ejiipt.

1 Corintios 10:4

Chixjunileb' ajwi' ke'uk'ak rik'in jun chi musiq'ejil uk'a', xb'aan naq neke'uk'ak rik'in li musiq'ejil saqoonak li yo chi taaqenk reheb'; ut li saqoonak, a'an li Kriist.

Hebreos 11:28

Sa' xk'ab'a' li xpaab'aal kixninq'ehi li Paswa ut kixtaqlaheb' laj Israel chi xkirkisinkil li kik' re naq laj Kamsinel ink'a' tixch'e'eb' li xb'een ralaleb'.

Éxodo 12:20

Maak'a' teewa' chi wanq ta xyu. Sa' chixjunil li na'ajej texhilanq wi', tento texwa'oq wa ink'a' yuub'il”.