Éxodo 12:16 - Q'eqchi Bible

¹⁶ Sa' li xb'een li kutan chiwanq eeloq'laj ch'utam: jo'kanaq ajwi' sa' xwuq li kutan. Maajun k'anjel chi'uxmanq sa'eb' li kutan a'an; ka'ajwi' taaruuq xk'uub'ankil li tzekemq re li junjunq.

Li Santil hu

¹⁶ Saꞌ li xbe̱n cutan te̱chꞌutub e̱rib re xlokꞌoninquil li Dios ut saꞌ xcuuk li cutan te̱chꞌutub cuiꞌchic e̱rib. Saꞌ li cuib chi cutan aꞌan incꞌaꞌ textrabajik. Caꞌaj cuiꞌ le̱ tzacae̱mk te̱yi̱b.

Éxodo 12:16 ပူးပေါင်းရင်းမြစ်များ

Números 28:18

Sa' li xb'een li kutan taawanq li loq'laj ch'utam sa' xk'ab'a' li Qaawa'. Maajun taak'anjelaq.

Números 28:25

Sa' xwuq li kutan teeb'aanu leeloq'laj ch'utam ut maajun eere taak'anjelaq.

Éxodo 16:23

ut a'an kixsumeheb': “A'an a'in li xtaqlahom li Qaawa': Wulaj li hilob'aal kutan, jun sábado li tento xq'axtesinkil re li Qaawa'. Chiqomaq li tento xchiqb'al, woqximaq li woqxiik taaraj; ut li taa'ela'anq k'uulahomaq cho'q re wulaj”, chan.

Números 29:12

“Sa' li o'laju xb'e li xwuq po taawanq leeloq'laj ch'utam. Maajun taak'anjelaq ut texninq'ehiq chiru wuqub' kutan sa' xk'ab'a' li Qaawa'.

Números 29:1

“Sa' xtiklajik li xwuq po teeb'aanu leeloq'laj ch'utam ut maajun taak'anjelaq. Li kutan a'an, a'anaq jun kutan naq teeyaab'asi li tronpeet.

Levítico 23:35

Sa' xb'een li kutan teech'utub' eerib' sa' xk'ab'a' li Qaawa'. Maajun k'anjel teeb'aanu.

Levítico 23:27

“Li xlaje kutan re ajwi' li xwuq po, a'anaq xkutankil li kuyuk sachok maak. Tento taawanq jun eeloq'laj ch'utam, tex'ayuuniq ut teek'at junaq eemayej sa' xk'ab'a' li Qaawa'.

Levítico 23:21

“Sa' ajwi' li kutan a'an tento teeb'aanu junaq loq'laj ch'utam ut maajun junaq kawil k'anjel teeb'aanu. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Éxodo 20:10

ab'an li xwuq kutan a'an hilob'aal kutan sa' xk'ab'a' li Qaawa' laaYos. Maajun li k'anjel truuq taab'aanu: laa'at, laawalal, laarab'in, li winq ut li ixq li neke'k'anjelak chawu, laaketomq, chi moko laj ab'l tenamit li wank sa' eeyanq.

Éxodo 16:29

K'ehomaq reetal, laa'in li Qaawa' kinxaqab' li sábado cho'q eere; jo'kan naq sa' li xwaq li kutan tink'e eewa re wiib' kutan. Li junjunq sa' eeyanq chikanaaq sa' li rochoch ut maajun chixkanab' li xna'aj sa' li xwuq li kutan”.

Éxodo 16:5

Ab'an sa' li xwaq li kutan, naq te'xkawresi li te'xk'am sa' rochocheb', tento naq te'xxok re wiib' kutan”.

San Juan 19:31

Yo li Kawunk re li Paswa naq kik'ulmank a'an; jo'kan naq eb' laj Judiiy ke'xtz'aama chiru laj Pilaat naq che'toqe'q xb'aqeleb' li ra' eb' li winq ut che'isiiq aran, re naq ink'a' te'kanaaq li kamenaq chiru krus sa' sábado, xb'aan naq xnimal kutan li sábado a'an.

Éxodo 34:18

“Chawoxloq'i li xNinq'e li Wa ink'a' yuub'il. Chiru wuqub' kutan tatwa'oq wa ink'a' yuub'il jo' chanru xatintaqla wi', sa' xq'ehil, sa' li po Abib, xb'aan naq chiru li po Abib kat-elk chaq Ejiipt.

Deuteronomio 16:8

Waqib' kutan tatwa'aq wa ink'a' yuub'il, ut sa' xwuq li kutan taawanq jun li loq'laj ch'utam re xloq'oninkil ru li Qaawa' laaYos, ut maajun li k'anjel taab'aanu.

Isaías 1:13

Mexk'amok chaq chik mayej li maak'a' na'ok wi'; ink'a' naxk'ul wu li xsib'el li k'ajpom. Ink'a' nawulak chiwu leenininq'e sa' xyo'lajik li po, sa' li hilob'aal kutan ut leech'utam, xb'aan naq muxb'il ru xb'aan leemaak.

Números 28:26

“Sa' li kutan teemayeja wi' li xb'een ru leerawimq chiru li Qaawa', sa' xNinq'eheb' li Xamaan, taawanq leeloq'laj ch'utam. Maajun taak'anjelaq.