Éxodo 11:8 - Q'eqchi Bible

⁸ Toja' naq talaje'chalq wik'in chixjunileb' laj k'anjel a'in, te'xwiq'ib' rib' chiwu ut te'xye: «Elen laa'at aawochb'een chixjunileb' laatenamit». Toja' naq tin'elq”. K'ajo' xjosq'il laj Moisés naq ki'elk rik'in laj Parahón.

Li Santil hu

⁸ Laj Moisés quixye ajcuiꞌ re laj faraón: —Chixjunileb laj cꞌanjel cha̱cuu teꞌcuulak cuiqꞌuin ut teꞌxcuikꞌib rib chicuu chixtzꞌa̱manquil. Teꞌxye cue, “Ba̱nu usilal, ayu la̱at a̱cuochbeneb chixjunileb laj Israel.” Ut chirix aꞌan tine̱lk saꞌ e̱ya̱nk, chan laj Moisés. Ut ma̱ caꞌchꞌin xjoskꞌil laj Moisés nak qui-el riqꞌuin laj faraón.

Éxodo 11:8 ပူးပေါင်းရင်းမြစ်များ

Daniel 3:19

Laj Nabukodonosor k'ajo' naq kikaqo'k xb'aan xjosq'il chirix laj Sidrak, laj Misak ut laj Abdénago, ut kixye naq chik'eemanq xxamlel li k'atleb'aal wuqub' wa chik chiru li xtiqwal.

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

San Marcos 3:5

Toja' naq kirileb' sa' xsutam sa' josq'il, chi ra sa' xch'ool xb'aan xkawileb' xjolom, ut kixye re li winq: —Ye' laawuq'. A'an kixye' li ruq' ut kik'iraak.

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Salmos 6:1

Re li xjolomileb' laj b'ichanel. Rik'ineb' li wajb' waqxaqitq li ru. Xsaalm laj David.

2 Reyes 3:9

Jo'kan naq li awab'ej re Israel, li awab'ej re Judá ut re Edom koheb' ut ke'b'eek chiru wuqub' kutan. Chirix chik a'an kilajk li ha' cho'q reheb' li poyanam ut cho'q reheb' li xul aj iiqanel li ke'k'ame'k chirixeb'.

1 Reyes 20:10

a'in kixtaqla xyeeb'al re laj Ajab: “Chinrahob'tesiiq xb'aaneb' li yos, wi sa' li tenamit Samaria wanq naab'al li pojtz' re xk'eeb'al junq mooch'aq reheb' li neke'okenk chiwix”.

Jueces 8:5

Naq ke'wulak Sukot, kixye laj Jedehón reheb' li wankeb' aran: “B'aanuhomaq usilal, k'ehomaq xtzekemqeb' laj puub' wochb'een, xb'aan naq tawajenaqeb' ut yookin xsik'b'al laj Sébaj ut laj Salmuná, li wiib' chi awab'ej re Madián”, chan.

Jueces 4:10

Aran laj Barak kixch'utub'eb' laj Sabulón ut laj Neftalí. Lajeeb' mil chi winq koheb' chirix. Koho ajwi' lix Débora.

Deuteronomio 32:24

Telaje'kamq xb'aan tz'okaak ut li tiq; te'sache'q ruheb' xb'aan li yib' aj raxkamk. Tintaqlaheb' sa' xb'eeneb' li josq' aj xul ut eb' li k'anti' neke'kamsink.

Deuteronomio 29:24

“Toja' naq chixjunileb' li poyanam te'patz'oq: «K'a'ut naq jo'kan kixb'aanu li Qaawa' rik'in li ch'och' a'an? K'a'ut naq kichalk li xnimal xjosq'il li Qaawa'?», cha'qeb'.

Números 12:3

Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Hebreos 11:27

Sa' xk'ab'a' li xpaab'aal laj Moisés kixkanab' Ejiipt chi ink'a' kixxiwa xjosq'il li awab'ej; ut kiwank chi kaw xch'ool chi chanchan yo chi rilb'al Li ink'a' na'ilmank ru.

Éxodo 10:29

Kichaq'ok laj Moisés ut kixye: “Laa'at xatyehok re. Ink'a' chik twil aawu!”.

Nehemías 5:6

K'ajo' naq kichalk injosq'il naq kiwab'i li wech'ij ib' a'an ut li xyaab' xkuxeb'.