Éxodo 11:3 - Q'eqchi Bible

³ Li Qaawa' kixtenq'aheb' li xtenamit chi xtawb'al usilal chiruheb' laj Ejiipt. Laj Moisés a'an xnimal ru winq sa' xsutam Ejiipt, jo' chiruheb' laj tenq' re laj Parahón jo' chiruheb' li tenamit.

Li Santil hu

³ Li Ka̱cuaꞌ Dios quixkꞌunobresi xchꞌo̱leb li tenamit Egipto ut queꞌxcꞌam rib saꞌ usilal riqꞌuineb laj Israel. Ut eb laj cꞌanjel chiru laj faraón joꞌ eb ajcuiꞌ chixjunileb laj Egipto queꞌx-oxlokꞌi chic laj Moisés.

Éxodo 11:3 ပူးပေါင်းရင်းမြစ်များ

Éxodo 12:36

Li Qaawa' kixtenq'aheb' chi xtawb'al usilal chiruheb' laj Ejiipt, ut eb' a'in ke'xk'ul xch'ool. Chi jo'kan eb' laj Israel ke'xk'am li k'aru wank reheb' laj Ejiipt.

Éxodo 3:21

Laa'in tinb'aanu naq teetaw usilal chiruheb' laj Ejiipt re naq sa' leerelik ink'a' texxik chi maak'a' teek'am.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

Salmos 106:46

Kixtoch' xch'ooleb' li wankeb' wi' chi preexil re naq te'xtoq'ob'a ruheb'.

Génesis 39:21

Ab'an li Qaawa' kixtenq'a laj José ut kiruxtaana ru: kixk'e chi xtawb'al usilal chiru li xb'eenil aj k'aak'alenel tz'alam.

Hechos 7:22

Laj Moisés kitzole'k rik'in chixjunil li xna'leb'eb' laj Ejiipt ut wank xwankil rik'in li nalajxye ut nalajxb'aanu.

Ester 9:4

a'in nim xwankil sa' rochoch li awab'ej ut nawno ru yalaq b'ar; rajlal kutan yo chi nimank xwankil.

2 Samuel 7:9

Xinwank aawik'in yalaq b'ar xkohat, ut xinsacheb' ru chixjunileb' li xik' xe'ilok aawe. Ut laa'in tink'e chi nimaak laak'ab'a' jo'eb' li ninqeb' xwankil sa' ruuchich'och'.

Deuteronomio 34:11

Maajun chik kib'aanunk re chixjunileb' li sachb'ach'oolej li kitaqlaak wi' laj Moisés xb'aan li Qaawa' sa' li tenamit Ejiipt, sa' xb'een laj Parahón jo'wi' sa' xb'eeneb' laj k'anjel chiru ut chixjunil li xtenamit.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Éxodo 12:35

Eb' laj Israel ke'xb'aanu li kixye laj Moisés reheb', ut ke'xtz'aama chiruheb' laj Ejiipt li k'a'aq re ru plaat ut oor jo' ajwi' li raq'eb'.

Deuteronomio 34:10

Ab'anan arin Israel maajun chik propeet kiwakliik chaq jo' laj Moisés: li Qaawa' ut laj Moisés neke'xka'ya rib' naq neke'aatinak.

Josué 4:14

Sa' li kutan a'an li Qaawa' kixnimob'resi xloq'al laj Josué chiruheb' chixjunil laj Israel; ut eb' li tenamit ke'x'oxloq'i laj Josué jo' naq ke'x'oxloq'i chaq laj Moisés chiru chixjunil li xyu'am.