Éxodo 11:1 - Q'eqchi Bible

¹ Kixye li Qaawa' re laj Moisés: “Toj jun chik li rahilal tintaqla sa' xb'een laj Parahón ut sa' xb'eeneb' laj Ejiipt. Chirix chik a'an texxkanab' chi elk arin ut, naq texxkanab' chi xik, texrisi chi junwaakaj arin.

Li Santil hu

¹ Li Ka̱cuaꞌ Dios quixye re laj Moisés: —Jun chic li raylal tintakla saꞌ xbe̱n laj faraón joꞌ cuiꞌ anchal saꞌ xbe̱n li tenamit Egipto. Ut riqꞌuin aꞌan texcanab chi xic laj faraón. Aban moco caꞌaj cuiꞌ ta texcanab chi xic, texra̱lina chi junaj cua.

Éxodo 11:1 ပူးပေါင်းရင်းမြစ်များ

Levítico 26:21

“Ut wi toj yooqex chi xq'etb'al li waatin ut ink'a' teeraj inpaab'ankil, laa'in texinrahob'tesi wuqub' sutaq wi' chik xb'aan leemaak.

Génesis 15:14

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq aran chi naab'alaq li xjunkab'laleb'.

Éxodo 9:14

Xb'aan naq anaqwan tintaqla chaq chixjunileb' li rahilal chi junk'eeb'al sa' aab'een, sa' xb'eeneb' laj k'anjel chawu ut laatenamit, re naq taanaw naq maajun wank sa' ruuchich'och' kama' laa'in.

Éxodo 3:20

Ab'an laa'in tinye' li wuq' ut tinrahob'tesiheb' laj Ejiipt rik'in chixjunileb' li sachb'ach'oolej li tinb'aanu sa' xyanqeb'; toja' naq texxkanab' chi elk.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Apocalipsis 16:9

Ut eb' li winq ke'k'ate'k xb'aan xnimal tiqwal, ut ke'xmajewa li Yos li wank xwankil sa' xb'eeneb' li rahilal a'an: ink'a' ke'xjal xk'a'uxl, ink'a' ke'xk'e xloq'al li Yos.

Li xHu LAJ JOB 10:17

Ink'a' nakakanab' injitb'al; q'axal kaw nachalk laajosq'il sa' inb'een; chanchan jun ch'uutal chi aj puub' naq nakatyalok wik'in.

1 Samuel 6:4

“K'aru tqataqla re xtojb'al rix li qamaak?”, chankeb' laj Filistea. Ke'chaq'ok eb' laj tij ut eb' laj q'e: “A' yaal jo'k'ihaleb' li xjolomileb' laj Filistea, teetaqla oob' chi saqijoj ut oob' chi ch'o yiib'anb'ileb' rik'in oor, xb'aan naq a' ajwi' li rahilal xek'ul laa'ex, xe'xk'ul li neke'taqlank sa' eeb'een.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Éxodo 12:29

Tuqtu q'oqyink li Qaawa' kulxtiq' chixjunileb' li xb'een alalb'ej sa' li tenamit Ejiipt, chalen li xb'een ralal laj Parahón li wank sa' xk'ojarib'aal li xyuwa' toj rik'in li xb'een ralal li tz'aptz'o sa' tz'alam, jo' ajwi' li xb'een ral chixjunileb' li ketomq.