Éxodo 10:9 - Q'eqchi Bible

⁹ Kichaq'ok laj Moisés: “Too'elq qochb'eeneb' li qakok'al ut li qacheekelal, qochb'eeneb' li qalal qak'ajol, li qakarneer ut li qawakax, xb'aan naq a'an qaninq'e sa' xk'ab'a' li Qaawa'”, chan.

Li Santil hu

⁹ Laj Moisés quichakꞌoc ut quixye: —Chikajunilo toxic xban nak toninkꞌei̱k chiru li kaDios. Teꞌxic li sa̱j cui̱nk ut teꞌxic li che̱quel cui̱nk ut teꞌxic ajcuiꞌ li ixk. Talajeꞌxic li kalal kacꞌajol. Ut takacꞌameb ajcuiꞌ li kaqueto̱mk, chan laj Moisés.

Éxodo 10:9 ပူးပေါင်းရင်းမြစ်များ

Éxodo 5:1

Moqon chik laj Moisés ut laj Aharón ke'wulak rik'in laj Parahón ut ke'xye re: “Jo'ka'in naxye li Qaawa', xYos laj Israel: «Kanab'eb' chi elk lintenamit re naq toxe'utz'uq chaq sa' li chaqich'och'»”.

Éxodo 3:18

Eb' a'an te'rab'i laawaatin ut laa'at tatxik aawochb'eeneb' li xcheekelaleb' laj Israel rik'in li awab'ej re Ejiipt, toxeeye re: «Li Qaawa', li xYoseb' laj Hebreo, xk'ut rib' chiqu. Naqatz'aama b'i' usilal naq choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos», cha'qex.

Efesios 6:4

Ex yuwa'b'ej, meeyoob' xjosq'il eb' leeralal eek'ajol, chek'iiresiheb' b'an rik'in xtzolb'aleb' ut xtijb'aleb' jo' naraj li Qaawa'.

Eclesiastés 12:1

Chijultiko'q aawe laj Yoob'tesihom aawe anaqwan naq toj saajat ut maji' neke'chalk li ink'a' usil kutan. Chalk re li kutan taaye wi': “Maak'a' xsahil linyu'am”, cha'qat.

Proverbios 3:9

Chak'e xloq'al li Qaawa' rik'ineb' laasahil eechej ut rik'inatq li xb'een ru laawawimq.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

Números 29:12

“Sa' li o'laju xb'e li xwuq po taawanq leeloq'laj ch'utam. Maajun taak'anjelaq ut texninq'ehiq chiru wuqub' kutan sa' xk'ab'a' li Qaawa'.

Éxodo 13:6

Chiru wuqub' kutan tatwa'oq wa ink'a' yuub'il, ut sa' xwuq li kutan taawanq ninq'e sa' xk'ab'a' li Qaawa'.

Éxodo 5:3

Ke'xye ut eb' a'an: “Li xYoseb' laj Hebreo xk'utb'esi rib' chiqu. Jo'kan naq naqatz'aama usilal, choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos. Mare anchal tooxrahob'tesi rik'in rax kamk malaj ch'iich'”.

Génesis 50:8

chixjunileb' ajwi' li wankeb' sa' rochoch laj José, eb' li ras ut li wankeb' sa' rochoch li xyuwa'ilq. Ka'aj chik eb' li xkok'al, eb' li xkarneer ut eb' li xwakax ke'kanaak sa' li na'ajej Gosen.

Éxodo 10:10

Ab'an laj Parahón kixye reheb': “Maajoq'e texinkanab' chi xik eerochb'een leerixaqil ut leekok'al! K'ehomaq reetal, k'ajo' xyib'al ru leek'a'uxl.

Éxodo 10:26

Tento ajwi' naq te'xik eb' li qaketomq; maajun naru taakanaaq, xb'aan naq chixjunil a'an taak'anjelaq qe re xloq'oninkil li Qaawa' li qaYos, ut maji' naqanaw k'aru taaqayeechi'i re li Qaawa' toj reetal toowulaq aran”, chan laj Moisés.

Éxodo 12:32

K'amomaq ajwi' cherix leekarneer ut leewakax jo' naq xeye. Ayuqex ut tijonqex ajwi' chiwix”, chan.

Éxodo 12:37

Eb' laj Israel ke'elk aran Ramsés sa' xjayal Sukot: lajeek'aal xkab' o'q'ob' mil (600,000) tana li winq li koheb' chi roq, ink'a' k'eeb'ileb' sa' ajl eb' li kok'al.

Éxodo 12:38

Ke'elk ajwi' rochb'eeneb' naab'al chik tenamit ut k'ajo' xk'ihaleb' li karneer ut li wakax.