Éxodo 10:3 - Q'eqchi Bible

³ Naq laj Moisés ut laj Aharón ke'wulak rik'in laj Parahón, ke'xye re: “Jo'ka'in naxye li Qaawa', li xYoseb' laj Hebreo: «Toj jo' najtil chik ink'a' taawaj xkub'sinkil aawib' chiwu? Kanab'eb' chi elk lintenamit re naq tine'xloq'oni.

Li Santil hu

³ Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Éxodo 10:3 ပူးပေါင်းရင်းမြစ်များ

1 Pedro 5:6

Chekub'si b'i' eerib' rub'el li xloq'laj wankilal li ruq' li Yos, re naq tixtaqsi eewankil naq taawulaq xq'ehil.

Santiago 4:10

Kub'sihomaq eerib' chiru li Qaawa', ut a'an tixnima eewankil.

1 Reyes 21:29

“Ma xawil naq laj Ajab xkub'si rib' chiwu? Jo'kan naq ink'a' tintaqla li rahilal naq toj yo'yooq; toj chiru b'an chik xyu'am li ralal tink'e li rahilal sa' xb'een li xjunkab'al”.

Hebreos 12:25

K'ehomaq reetal, meetz'eqtaana li yo chi aatinak qik'in, xb'aan naq wi ink'a' ke'kole'k li ke'xtz'eqtaana laj ch'olob'ahom yaal arin sa' ruuchich'och', ma toja' ta chik laa'o wi taaqatz'eqtaana li na'aatinak chaq toj sa' choxa?

Romanos 2:4

Malaj ut nakatz'eqtaana li xchamal xsasal li rusilal li Yos, li xnimal xkuyum ut li xq'unal xch'ool? Ma ink'a' nakanaw naq li rusilal li Yos a'in natoch'ok aawe chi xyot'b'al laach'ool ut chi xjalb'al laak'a'uxl?

Jeremías 13:18

“Ye re li awab'ej ut re li xna': «Kub'sihomaq leewankil ut chunlanqex sa' ch'och', xb'aan naq maak'a' chik leekoroon li na'uutz'u'ujink re leejolom».

Ezequiel 5:6

A'ut eb' a'an ke'xtz'eqtaana linchaq'rab' ut eb' li waatin, ut q'axal yib' wi' chik ru li xb'aanuhomeb' chiruheb' li tenamit wankeb' chi xsutam. Ink'a' ke'xpaab' li waatin chi moko ke'wank jo' naxye linchaq'rab'.

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Proverbios 18:12

Li q'etq'etil, kamk nokoxraqe'q wi'; ab'an li xtiklajik li loq'al, a'an li tuulanil.

Proverbios 1:24

Ab'an xexinb'oq ut ink'a' xeraj wab'inkil; xinye eere naq texchalq wik'in, ut maajun sa' eeyanq xsumenk.

Proverbios 1:22

“Laa'ex li maak'a' eena'leb', jo' najtil chik teeraj wank sa' xmajelal leena'leb'? Ut laa'ex li nekeq'etq'eti eerib', jo' najtil chik texwanq sa' leeq'etq'etil? Ex jip, toj jo'q'e teekanab' xtz'eqtaanankil li chaab'il k'a'uxl?

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

2 Crónicas 34:27

Xyot'e'k laach'ool ut xakub'si laawankil chiru li Qaawa' naq xawab'i li waatin chirix li na'ajej a'in ut eb' li xpoyanamil. Xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

2 Crónicas 33:19

Li xtij ut li xsumenkil xb'aan li Qaawa', chixjunil li xmaak ut li b'alaq'ik kixb'aanu, eb' li na'ajej kixyiib'atq wi' eb' li tijob'aal ut b'arwi' kixk'ehatq eb' li xjalam u lix Aserá ut eb' li jalanil yos, naq toj maji' nayot'e'k xch'ool ut naxkub'si li xwankil, chixjunil a'an tz'iib'anb'il sa' xHuhil li xyehom ut xb'aanuhom laj Josay.

2 Crónicas 33:12

Naq ak wank chik sa' xnimal rahil ch'oolej, laj Manasés kitijok chiru li Qaawa' li xYos ut kixkub'si chi us xwankil chiru li xYos eb' li xxe'toonil yuwa'.

1 Reyes 18:21

Toja' naq laj Elías kijilok wankeb' wi' li poyanam ut kixye reheb': “Toj jo'q'e texwanq chi wiib' ru leena'leb'? Wi li Qaawa' a'an li tz'aqal Yos, paab'omaq; wi ut laj Bahal, taaqehomaq a'an”. Eb' li poyanam maajun aatin ke'xye.

Números 14:27

—Jo' najtil chik tinkuy rab'inkil xwech'b'al wix xb'aan li komonil a'in ink'a' useb' xna'leb'? Laa'in xwab'i naq eb' laj Israel neke'xwech' wix.

Éxodo 16:28

Kixye ut li Qaawa' re laj Moisés: “Toj jo' najtil chik teejipu eerib' ut teetz'eqtaana linchaq'rab' ut lintaqlahom?

Éxodo 9:17

Laa'at toj nakaram relikeb' lintenamit:

2 Crónicas 7:14

ut wi lintenamit, li naxk'am link'ab'a', te'xkub'si rib', te'tijoq, tine'xsik' ut te'xkanab' li xyib'al ru xna'leb'eb', laa'in te'wab'i toj sa' choxa, tinkuy li xmaakeb' ut tink'ojob' wi' chik xch'ooleb'.

Éxodo 4:23

Jo'kan naq ninye aawe: Kanab' chi xik li walal re naq toxinxloq'oni; ab'an wi ink'a' taakanab' chi xik, laa'in tinkamsi laawalal, a' li xb'een aawalal»”.

Éxodo 10:4

Wi ink'a' taakanab'eb' chi elk lintenamit, k'e reetal naq wulaj tintaqlaheb' chaq aj saak' sa' laatenamit,

2 Reyes 22:19

chirix li na'ajej a'in ut eb' li xpoyanamil li te'sache'q ru ut te'majewaaq. Xyot'e'k laach'ool, xakub'si laawankil chiru li Qaawa', xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Daniel 5:22

A'ut laa'at, a Baltasar li ralalat, us ta ak nakanaw chixjunil a'in, ink'a' xakub'si laawankil,

Éxodo 5:1

Moqon chik laj Moisés ut laj Aharón ke'wulak rik'in laj Parahón ut ke'xye re: “Jo'ka'in naxye li Qaawa', xYos laj Israel: «Kanab'eb' chi elk lintenamit re naq toxe'utz'uq chaq sa' li chaqich'och'»”.