Éxodo 10:27 - Q'eqchi Bible

²⁷ Ab'an li Qaawa' kixkawub'resi xch'ool laj Parahón, ut a'in ink'a' kixkanab'eb' chi elk.

Li Santil hu

²⁷ Ut li Dios quixcacuubresi cuiꞌchic xchꞌo̱l laj faraón ut incꞌaꞌ quixcanabeb chi xic.

Éxodo 10:27 ပူးပေါင်းရင်းမြစ်များ

Éxodo 10:20

Ab'an li Qaawa' kixkawub'resi xch'ool laj Parahón, ut a'in ink'a' kixkanab'eb' chi elk laj Israel.

Éxodo 4:21

Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

Éxodo 14:8

Li Qaawa' kixkawub'resi xch'ool laj Parahón, awab'ej re Ejiipt, re naq tixtaaqeheb' laj Israel naq yookeb' chi elk chi kaweb' xch'ool.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Apocalipsis 9:20

Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek.

Éxodo 10:1

Kixye li Qaawa' re laj Moisés: “Ayu rik'in laj Parahón, xb'aan naq xinkawub'resi xch'ool jo' ajwi' li xch'ooleb' laj k'anjel chiru, re xb'aanunkil eb' li xninqal reetalil a'in sa' xyanqeb'.

Romanos 9:18

Jo'kan utan, li Yos naruxtaana ru li ani naraj ruxtaanankil ru, ut naxjipob'resi xch'ool li ani naraj xjipob'resinkil.

Éxodo 11:10

Laj Moisés ut laj Aharón ke'xb'aanu chixjunileb' li sachb'ach'oolej a'in chiru laj Parahón; ab'an li Qaawa' kixkawub'resi xch'ool laj Parahón ut a'in ink'a' kixkanab'eb' laj Israel chi elk sa' li xtenamit.