Éxodo 10:26 - Q'eqchi Bible

²⁶ Tento ajwi' naq te'xik eb' li qaketomq; maajun naru taakanaaq, xb'aan naq chixjunil a'an taak'anjelaq qe re xloq'oninkil li Qaawa' li qaYos, ut maji' naqanaw k'aru taaqayeechi'i re li Qaawa' toj reetal toowulaq aran”, chan laj Moisés.

Li Santil hu

²⁶ Tento nak ta̱xic chixjunil li kaqueto̱mk. Ma̱ jun takacanab. Saꞌ xya̱nkeb aꞌan takasicꞌ ru li takamayeja chiru li kaDios. Nak tocuulak, aran takil bar cuan li ta̱cꞌanjelak chokꞌ kamayej, chan laj Moisés.

Éxodo 10:26 ပူးပေါင်းရင်းမြစ်များ

Hebreos 11:8

Sa' xk'ab'a' li xpaab'aal laj Abrahán kixpaab' li Yos naq kib'oqe'k chi xik sa' li na'ajej li tixk'ul cho'q re, ut ki'elk chi ink'a' naxnaw b'ar ta yo chi xik.

2 Corintios 8:5

Ut moko ka'aj ta wi' xe'xb'aanu jo' chanru naq xqak'oxla laa'o, xe'xq'axtesi aj b'an wi' rib'eb' xb'enwa chiru li Qaawa' ut moqon chiqu laa'o sa' xk'ab'a' li Yos.

Zacarías 14:20

Sa' li kutan a'an tz'iib'anb'ilaq chiru li xkampaanileb' li kawaay eb' li aatin a'in: “Q'axtesinb'il cho'q re li Qaawa'”; ut eb' li uk'al li wank sa' rochoch li Yos q'axal loq'aqeb' ajwi' jo'eb' li sek' li wankeb' sa' li artal.

Oseas 5:6

Rochb'eeneb' li xkarneer ut li xwakaxeb' te'xsik' li Qaawa', ab'anan maab'ar te'xtaw xb'aan naq xrisi rib' sa' xyanqeb'.

Isaías 23:18

Ab'an li tumin li tixtaw, taaq'axtesimanq re li Qaawa'. Ink'a' chik taak'uulaaq, taak'eemanq b'an cho'q reheb' laj k'anjel chiru li Qaawa', re naq te'tzekanq chi us ut te'xtiqib' rib' rik'in chaab'il aq'ej.

Proverbios 3:9

Chak'e xloq'al li Qaawa' rik'ineb' laasahil eechej ut rik'inatq li xb'een ru laawawimq.

Éxodo 12:32

K'amomaq ajwi' cherix leekarneer ut leewakax jo' naq xeye. Ayuqex ut tijonqex ajwi' chiwix”, chan.

Éxodo 10:9

Kichaq'ok laj Moisés: “Too'elq qochb'eeneb' li qakok'al ut li qacheekelal, qochb'eeneb' li qalal qak'ajol, li qakarneer ut li qawakax, xb'aan naq a'an qaninq'e sa' xk'ab'a' li Qaawa'”, chan.

Éxodo 10:25

Kichaq'ok laj Moisés: “Tento ajwi' taak'e qe eb' li xul taaqamayeja ut taaqak'at, re naq taaqayeechi'i re li Qaawa' li qaYos.

Éxodo 8:27

Jo'kan naq toob'eeq sa' li chaqich'och' chiru oxib' kutan ut aran toomayejaq chiru li Qaawa' li qaYos, jo' taqlanb'ilo wi' xb'aan”.