Éxodo 10:21 - Q'eqchi Bible

²¹ Kixye li Qaawa' re laj Moisés: “Ye' laawuq' sa' xjayal li choxa ut chiwanq xnimal aak'ab' sa' li tenamit Ejiipt, li taaruuq xch'e'b'al”.

Li Santil hu

²¹ Ut li Ka̱cuaꞌ Dios quixye re laj Moisés: —Taksi la̱ cuukꞌ re nak ta̱kꞌojyi̱nokꞌ ru li cutan saꞌ li tenamit Egipto. Nak teꞌbe̱k li cristian yal teꞌxchꞌeꞌ aj chic lix beheb, chan li Dios.

Éxodo 10:21 ပူးပေါင်းရင်းမြစ်များ

San Judas 1:6

Ninjultika ajwi' cheru naq eb' li ánjel li ink'a' ke'xk'uula li loq'al k'eeb'il reheb' ut ke'xkanab' li xna'ajeb', tz'aptz'ookeb' anaqwan xb'aan li Qaawa' rub'el xwankil li aak'ab' rik'in kareen chi junelik, cho'q re li raqb'a aatin taawanq sa' li xnimal ru kutan.

2 Pedro 2:17

A'aneb' chanchaneb' li roqha' chaqijenaqeb', chanchaneb' li choql k'amb'ileb' xb'aan li kaqsut-iq': oyb'eninb'ileb' sa' xchamal li aak'ab'.

2 Pedro 2:4

K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

San Lucas 23:44

Ak wa'leb' tana naq kimoy ru li saq'e ut ki'aak'ab'o'k sa' xb'een chixjunil li ruuchich'och' toj sa' oxib' honal.

San Marcos 15:33

Sa' wa'leb', ki'aak'ab'o'k sa' xb'een chixjunil li ruuchich'och' toj sa' oxib' honal.

San Mateo 27:45

Chalen wa'leb' toj sa' oxib' honal ki'aak'ab'o'k sa' xb'een chixjunil li ruuchich'och'.

Proverbios 4:19

A'ut li xyu'ameb' li ink'a' useb' xch'ool a'an chanchan li aak'ab': chi moko neke'xnaw b'ar xe'tichk'ok.

Salmos 105:28

Kixtaqla li aak'ab', ut kiwank li aak'ab'; a'ut eb' a'an ke'xq'etq'eti rib' chiru li raatin.

Deuteronomio 28:29

tatb'eeq chi yal taamaayusi aj chik laab'e tuqtu wa'leb' re li kutan, kama' li mutz' yal naxmaayusi li xb'e sa' q'oqyink, ut moko tatwulaq ta b'arwi' xik taawaj. Wanqat chi yal k'uul aj chik aawu ut maq'b'ilaq chixjunil li k'aru aawe chiru chixjunil laayu'am, chi maajun taakoloq malaj taatenq'anq aawe.

Éxodo 9:22

Toja' naq kixye li Qaawa' re laj Moisés: “Ye' laawuq' sa' xjayal li choxa ut chit'ane'q saqb'ach sa' chixjunil li tenamit Ejiipt, sa' xb'eeneb' li poyanam, li ketomq ut chixjunil li pim li wank sa' xsutam Ejiipt”, chan.

San Judas 1:13

kama'eb' li xkaw oq li palaw, neke'risi chaq li xwoqxil li xxutaaneb', jo'keb' li chahim li yal neke'xb'eeni rib'eb', ut ak kawresinb'il cho'q reheb' xchamal li aak'ab' chi junelik.

Eclesiastés 6:4

Xb'aan naq li k'uula'al a'an ink'a' ki'ilok kutan, chi moko kixnaw li k'aru wank sa' ruuchich'och'; ink'a' kinawe'k ru xb'aan anihaq chi moko kinawe'k li xk'ab'a'. Ab'anan q'axal us kixk'ul li k'uula'al a'an

Eclesiastés 2:14

Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

Salmos 78:49

Kixkut sa' xb'eeneb' xxamlel li xjosq'il: k'ajo' naq kik'ahiik! Kipo'k ut kimayok sa' xch'ool: a'an reetalil li rahilal chaalel.

Salmos 35:6

Q'oqyinaq taxaq ru li xb'eheb' ut yolyolaq ru, naq yooq raanilasinkileb' xb'aan li x'ánjel li Qaawa'.

Apocalipsis 8:12

Toja' naq li xka ánjel kixyaab'asi li xtronpeet, ut kikete'k li rox jachal li saq'e, li rox jachal li po ut li rox jachal chixjunileb' li chahim: ki'aak'ab'o'k li rox jachal chixjunil a'an, ut li rox jachal li kutan ink'a' kisaqeno'k ru; jo'kan ajwi' li q'oqyink.

Éxodo 7:19

Li Qaawa' kixye ajwi' re laj Moisés: “Ye re laj Aharón: «Chap laaxuq' ut taaye' laawuq' sa' xb'eeneb' li ha' li wank Ejiipt, sa' xb'eeneb' li nima', li b'ekb'il roqha', li kaq'nab' ut sa' xb'een chixjunileb' li k'uuleb'aal ha'. Talaje'kik'o'q ut talaje'wanq kik' sa' chixjunil li tenamit Ejiipt, toj sa'eb' li che'il sek' ut sa'eb' li pekil sek'»”.

Ezequiel 32:7

Ut naq akaq xatinkamsi, tink'e chi q'oqyino'k ru li choxa ut eb' li chahim ink'a' chik te'k'utunq. Tintz'ap ru li saq'e ut ink'a' chik taasaqeno'q ru li po.

Deuteronomio 1:30

Li Qaawa' leeYos a'an laj k'amol eeb'e, ut a'an taayaloq cherix, jo' kixb'aanu aran Ejiipt

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Li xHu LAJ JOB 5:14

Chi kutan neke'ok sa' aak'ab', tuqtu wa'leb' yal neke'xmaayu li xb'eheb' kama' wi' wankeb' sa' q'oqyink.