Éxodo 10:15 - Q'eqchi Bible

¹⁵ Ke'xmoy ru chixjunil li na'ajej ut kiq'oqyinko'k li tenamit; ke'xk'ux chixjunil li xpimul li ch'och' ut chixjunileb' li ru li che' li toj kixkanab' li saqb'ach: maak'a' chik xraxal li che' chi moko xraxal li pim sa' ch'och', sa' xsutam Ejiipt.

Li Santil hu

¹⁵ Quikꞌojyi̱noꞌ li tenamit Egipto xban xqꞌuialeb laj sa̱cꞌ ut quitzꞌapon li chꞌochꞌ xbaneb. Quilajeꞌxcuaꞌ chixjunil li cheꞌcꞌam ut li ru li cheꞌ li incꞌaꞌ qui-osoꞌ xban li sakbach, quilajeꞌxcꞌux. Ma̱cꞌaꞌ chic cꞌaꞌru rax ru quicana saꞌ li tenamit Egipto. Ma̱cꞌaꞌ chic li cheꞌcꞌam, ut ma̱cꞌaꞌeb chic lix xak li cheꞌ.

Éxodo 10:15 ပူးပေါင်းရင်းမြစ်များ

Éxodo 10:5

ut te'xmoy ru chixjunil li na'ajej, ut chi jo'kan ink'a' chik taak'utunq li ch'och'. Te'xchoy jo'nimal li xkole'k chiru li saqb'ach, a' li toj xkanaak eere, ut te'xk'ux chixjunileb' li che' li wank sa' leech'och'.

Joel 2:25

“Laa'in tink'e reeqaj leerawimq li xmaak'a'ok eere chiruheb' li chihab' naq xsache'k xb'aaneb' li k'iila motzo', laj saak', li chili' ut li raxq'een, naq xintaqlaheb' cherahob'tesinkil -chan li Yos-.

Salmos 78:46

Kixq'axtesi li rawimqeb' reheb' laj saak, ut li k'aru ke'xtawasi wi' rib' ki'oso'k xb'aaneb' li raxq'een.

Éxodo 10:12

Toja' naq kixye li Qaawa' re laj Moisés: “Ye' laawuq' sa' xb'een li tenamit Ejiipt re naq te'chalq laj saak'. Te'taqe'q chaq sa' xb'een Ejiipt ut te'xk'ux chixjunil li xpimul li ch'och', jo'nimal li xkole'k chiru li saqb'ach”, chan.

Amós 7:2

Ut naq eb' laj saak' ak xe'raqe'k chi xsachb'al li raxpim, kinye: “At Qaawa' Yos, b'aanu usilal, chakuy qamaak. Chanru naq tqakuy? Xb'aan naq moko k'iho ta laa'o”.

Números 22:5

ut kixtaqlaheb' aj yehol esil re xsik'b'al laj Balaham, ralal laj Pehor, li wan chaq Petor, chire li nima' Éwfrates sa' xteepaleb' laj Amab'. Kixye re: “Arin wankeb' k'iila poyanam; ke'elk chaq Ejiipt, ke'xcha'cha'i rib' sa' xb'een chixjunil li ruuchich'och' ut nach' ke'kanaak wankin wi'.

Proverbios 30:27

eb' laj saak' li us ta maak'a' aj k'amol xb'eheb'; ab'an neke'b'eek chi tzol ut chi tustu ru;

Joel 1:4

Chixjunil ki'oso'k xb'aaneb' li motzo'; li k'aru ink'a' ke'xchoy eb' li motzo', a'aneb' chik laj saak' ke'choyok re; li ink'a' ke'xchoy eb' laj saak', a'aneb' chik li chili' ke'choyok re; li ink'a' ke'xchoy eb' li chili', a'aneb' chik li raxq'een ke'choyok re.