Ester 8:1 - Q'eqchi Bible

¹ Sa' ajwi' li kutan a'an laj Asuero li awab'ej kixq'axtesi re lix Ester li xjunkab'lal laj Amán, li xik' narileb' laj Judiiy, ut laj Mardokeo kib'oqe'k xb'aan li awab'ej, xb'aan naq lix Ester kixye naq a'an jun xkomon.

Li Santil hu

¹ Saꞌ ajcuiꞌ li cutan aꞌan li rey quixkꞌaxtesi re lix Ester li rochoch laj Amán, li xicꞌ qui-iloc reheb laj judío. Laj Mardoqueo quicuulac riqꞌuin li rey xban nak lix Ester quixye re li rey nak aꞌan rechꞌalal.

Ester 8:1 ပူးပေါင်းရင်းမြစ်များ

Ester 2:7

Sa' rochoch laj Mardokeo wank li xrab'in li rikan, li maak'a' chik xna' xyuwa', xHadasá xk'ab'a', x'Ester ajwi' nayeemank re. K'ajo' xch'ina'usal li ixqa'al a'an ut chaab'il na'ilok. Naq kikamk li xna' xyuwa', laj Mardokeo kixxok ut kixk'iiresi jo' jun tz'aqal xrab'in.

Proverbios 13:22

Li winq chaab'il naxkanab' x'erens eb' li ralal xk'ajol; a'ut li xb'ihomal laj maak a' chik li tiik xch'ool taa'eechaninq re.

Ester 2:15

Naq lix Ester, xrab'in laj Abijahil, rikan laj Mardokeo, kiwulak xkutankil naq kixk'ut rib' chiru li awab'ej, ka'ajwi' kixk'am li jo'k'ihal kiyehe'k re xb'aan laj Hegay, li k'ojk'o wi' xch'ool li awab'ej ut aj ilol reheb' li ixq. Chixjunileb' li neke'ilok re lix Ester, k'ajo' naq neke'saho'k xch'ool rik'in.

Salmos 39:6

Yal kach'in ajwi' linkutan xak'e, jwal b'a'b'ay linyu'am chawu laa'at; jun apunk ajwi' li xyu'am chixjunileb' li poyanam.

San Lucas 12:20

A'ut li Yos kixye re: «At jip, sa' ajwi' li q'oqyink a'in taamaq'e'q chawu laayu'am. Ut li k'a'aq re ru xakawresi, ani taa'eechaninq re?».

Ester 7:6

Kixye lix Ester: “Li xik' na'ilok qe ut yo xsik'b'al qakamsinkil, a'an laj Amán, li reemaaru aj winq!”. K'ajo' naq kichalk xxiw laj Amán chiru li awab'ej ut chiru lix Ester naq kirab'i a'an.

Proverbios 28:8

Li nak'ehok tumin chi to' ut terto li ral naxpatz', a'an nab'ihomo'k; ab'an li k'aru naxtamresi, tkanaaq cho'q re li na'uxtaanank ru li neb'a'.

Ester 1:14

Toja' naq ke'jilok chi xk'atq laj Asuero eb' li xjolomileb' aj Persia ut aj Media, li k'ulb'ileb' xb'aan li awab'ej chi wank sa' li rochoch ut wankeb' xwankil sa' xb'een li tenamit. A'aneb' laj Karsená, laj Setar, laj Admatá, laj Tarsis, laj Meres, laj Marsená ut laj Memukán,

Ester 8:7

Toja' naq laj Asuero li awab'ej kixye reheb' lix Ester ut laj Mardokeo aj Judá: “Ak xinq'axtesi re lix Ester li xjunkab'lal laj Amán, li xintaqla xt'uyub'ankil xb'aan naq xraj xsachb'aleb' ru eb' laj Judiiy.