Ester 7:9 - Q'eqchi Bible

⁹ Toja' naq laj Jarboná, jun reheb' laj k'anjel chiru li awab'ej, kixye: “Laj Amán kixk'e chi yiib'aak sa' rochoch jun li t'uyleb'aal poyanam aj oxlaju moqoj xteram, re xkamsinkil laj Mardokeo, li winq li kiyehok aawe naq ke'raj aakamsinkil”. Kichaq'ok li awab'ej: “T'uyub'aq chaq aran!”, chan.

Li Santil hu

⁹ Ut laj Harbona, jun reheb li eunucos li nequeꞌcꞌanjelac chiru li rey quixye: —Saꞌ rochoch laj Amán cuan li cheꞌ cuib xcaꞌcꞌa̱l metro xteram li quixqꞌue chi yi̱ba̱c laj Amán. Ac cuan aran li cꞌa̱m li quixqꞌue re xyatzꞌbal laj Mardoqueo, li cui̱nk li quiyehoc re nak queꞌraj a̱camsinquil, at rey, chan. Ut li rey quixye reheb: —Cꞌamomak laj Amán ut aran te̱yatzꞌ, chan.

Ester 7:9 ပူးပေါင်းရင်းမြစ်များ

Ester 5:14

Toja' naq lix Seres li rixaqil ut chixjunileb' li ramiiw ke'xye re: “K'e chi yiib'aak jun li t'uyleb'aal poyanam, aj oxlaju moqoj xteram, ut aran taat'uyub' laj Mardokeo. Chi jo'kan sahaq sa' aach'ool naq tatxik chi tzekank aawochb'een li awab'ej”, chankeb'. Laj Amán kixk'ul xch'ool li na'leb' a'an ut kixtaqla xyiib'ankil li kamsib'aal.

Ester 1:10

Sa' xwuq li kutan naq li awab'ej yo xkalajik, kixtaqla xb'oqb'al laj Mehumán, laj Bisetá, laj Jarboná, laj Biktá, laj Abaktá, laj Setar ut laj Karkás, eb' li wuqub' chi winq li wankeb' chi k'anjelak sa' rochoch laj Asuero.

Salmos 141:10

A'eb' aj tawi' li ink'a' useb' xna'leb' che't'ane'q sa' li xra'aleb'; a'ut laa'in tinnume'q junpak'al chi maak'a' tink'ul.

Salmos 35:8

Chichalq taxaq li sache'k sa' xb'eeneb' chi maak'a'eb' sa' xch'ool: che'chape'q taxaq xb'aan li ra'al xe'xyiib', che't'ane'q taxaq sa' li jul b'ekb'il xb'aaneb'!

Daniel 6:24

Moqon li awab'ej kixtaqla xk'amb'aleb' li winq li ke'jitok re laj Daniel, ut ke'kute'k sa' xyanqeb' li kaqkoj rochb'eeneb' li rixaqil jo'wi' eb' li ralal xk'ajol. Ut toj maji' ajwi' neke'wulak chi ch'och'el naq ke't'upiik ut ke'nuq'e'k xb'aaneb' li kaqkoj!

Daniel 6:7

Chiqajunilo laj taqlanel sa' laa'awab'ejihom, eb' laj jolominel ut eb' li kok' ut ninqeb' xwankil xqak'uub' sa' junajil naq chi'elq junaq chaq'rab' kama' a'in: Chiru jun po maajun junaq winq naru taatijoq chiru jalanil yos malaj winq; ka'ajwi' chawu laa'at, at awab'ej. Li ani taaq'etoq re li chaq'rab' a'in, taakutmanq sa' xyanqeb' li kaqkoj.

Salmos 73:19

Sa' junpaat te'kanaaq chi xiwajel rilb'aleb' ut te'ok chi oso'k xb'aaneb' xxiw.

Ester 9:25

Ab'an lix Ester koxk'ut rib' chiru li awab'ej, ut a'in kixtz'iib'a naq li rahilal kixpatz' laj Amán sa' xb'eeneb' laj Judiiy toxkanaaq sa' xb'een ut te'kamsiiq chi t'uyt'u laj Amán jo'wi' eb' li ralal xk'ajol.

Ester 6:14

Toj yookeb' ajwi' chi aatinak naq ke'wulak eb' laj k'anjel chiru li awab'ej, re xb'oqb'al laj Amán chi junpaat sa' li tzekank k'uub'anb'il xb'aan lix Ester.

Ester 6:2

Aran tz'iib'anb'il naq laj Mardokeo kixjit laj Biktán ut laj Teres, aj k'anjeleb' chiru li awab'ej ut aj k'aak'alehom re rokeb'aal li rochoch, naq ke'xk'uub' xkamsinkil laj Asuero li awab'ej.

1 Samuel 17:51

Toja' naq ki'aanilak laj David, koxxaqliiq chi xk'atq laj Filistea, kixchap li xch'iich', kirisi sa' rochoch ut kixkamsi chi junajwa laj Goliat. Chirix a'an kixch'ot li xjolom. Naq eb' laj Filistea ke'ril naq kamenaq chik laj k'amol xb'eheb', ke'elelik.

2 Reyes 9:32

Laj Jehú kixtaqsi li rilob'aal sa' li b'entaan ut kixpatz': “Ani taa'okenq chiwix?”, chan. Wiib' oxib'eb' laj ilol ochoch ke'ilok wan wi' laj Jehú,

Ester 8:7

Toja' naq laj Asuero li awab'ej kixye reheb' lix Ester ut laj Mardokeo aj Judá: “Ak xinq'axtesi re lix Ester li xjunkab'lal laj Amán, li xintaqla xt'uyub'ankil xb'aan naq xraj xsachb'aleb' ru eb' laj Judiiy.

Ester 9:14

Tikto li awab'ej kixye li raatin naq chi'uxmanq chi jo'kan; ki'elk li esil sa' li tenamit Susa, ut eb' li ralal laj Amán ke't'uyub'aak.