Ester 7:3 - Q'eqchi Bible

³ Kichaq'ok lix Ester, li xna'eb' li tenamit, ut kixye: “At awab'ej, wi xintaw usilal chawu ut wi nikinaara, chakol linyu'am ut li xyu'am lintenamit. A'an li nawaj ut linpatz'om.

Li Santil hu

³ Ut li reina Ester quixye re: —At rey, cui la̱at ta̱cuaj xba̱nunquil usilal cue, caꞌaj cuiꞌ tintzꞌa̱ma cha̱cuu nak incꞌaꞌ taxak tincamsi̱k la̱in ut incꞌaꞌ taxak teꞌcamsi̱k li cuech tenamitil, chan.

Ester 7:3 ပူးပေါင်းရင်းမြစ်များ

Jeremías 38:26

laa'at taaye reheb': «Xintz'aama chiru li awab'ej naq ink'a' chik tinxtaqla sa' rochoch laj Jonatán, re naq ink'a' tinkamq aran», cha'qat reheb'”.

Li xHu LAJ JOB 2:4

Laj tza kixsume li Qaawa': —Naq toj maji' narahob'tesiik junaq winq, us yo chi elk chixjunil. Li winq kawal wank chi xq'axtesinkil chixjunil, re xkolb'al li xyu'am.

Ester 7:7

Tikto kiwakliik li awab'ej sa' li xk'ojarib'aal chi k'ajo' xjosq'il ut koho chiru li neb'aal. Laj Amán kikanaak aran chi xk'atq lix Ester re xtz'aamankil xkuyb'al chiru, xb'aan naq naxnaw naq taataqlaaq xkamsinkil xb'aan li awab'ej.

Ester 4:8

Kixk'e ajwi' jun reetalil li hu xpuktesimank sa' li tenamit Susa, b'arwi' naxye naq che'sache'q ruheb' laj Judiiy; kixq'axtesi re ut kixye naq tixq'axtesi sa' ruq' lix Ester re tixnaw chixjunil. Ut kixtz'aama usilal re lix Ester naq chiwulaq rik'in li awab'ej re aatinak chirix li xtenamit ut xsik'aq li rusilal.

2 Reyes 1:13

Li awab'ej kixtaqla wi' chik sa' rox sut jun chik xjolomileb' laj puub', rochb'een lajeeb' roxk'aaleb' chi winq. Koho chi tzuul laj jolominel, ab'an naq kiwulak, kixwiq'ib' rib' chiru laj Elías ut kixtz'aama chiru: “At xtaql li Yos, chakuy inmaak. Nintz'aama chawu naq chakol linyu'am ut li xyu'ameb' li lajeeb' roxk'aaleb' chi winq a'in aj k'anjeleb' chawu.

1 Reyes 20:31

Toja' naq eb' laj k'anjel chiru ke'xye re: “Qab'ihom resil naq eb' li awab'ej re Israel neke'uxtaanank u. Jo'kan naq qab'ataq qib' sa' saak, qab'ak'aq chi k'aam li qakux ut tooxik rik'in li awab'ej re Israel. Mare anchal tixkuy qamaak ut ink'a' tooxkamsi”, chankeb'.

Ester 5:8

Wi usilal xintaw chawu, at awab'ej, wi tixk'ul aach'ool xnawb'al li k'aru nawaj ut xb'aanunkil li wajom, tatk'ulunq wi' chik wulaj chi tzekank sa' li ninq'e xinkawresi cho'q aawe, aawochb'eenaq laj Amán. Ut aran tinb'aanu li taapatz' we”.

Ester 8:5

“At awab'ej, wi a'an us cho'q aawe ut nakak'oxla naq usilal xintaw chawu, wi us li ninpatz' ut wi nikinaara, chatz'iib'a wi' chik junaq chaq'rab' re xsachb'al xwankil li hu tz'iib'anb'il xb'aan laj Amán, ralal laj Hamdatá, aj Agag, ut k'uub'anb'il re xsachb'al chixjunileb' laj Judiiy sa'eb' li tenamit li wankeb' rub'el laa'awab'ejihom.