Ester 5:9 - Q'eqchi Bible

⁹ Sa' li kutan a'an laj Amán ki'elk chi jwal sa sa' xch'ool. Ab'an naq kiril laj Mardokeo chire li okeb'aal, chi ink'a' ki'eek'ank sa' xna'aj naq kinume'k, k'ajo' naq kichalk xjosq'il.

Li Santil hu

⁹ Laj Amán qui-el saꞌ li ninkꞌe chi sa saꞌ xchꞌo̱l. Abanan cꞌajoꞌ nak quijoskꞌoꞌ nak quiril laj Mardoqueo saꞌ li oqueba̱l re li rochoch li rey xban nak incꞌaꞌ quixcuikꞌib rib chiru chi moco qui-ecꞌan saꞌ xnaꞌaj nak quinumeꞌ.

Ester 5:9 ပူးပေါင်းရင်းမြစ်များ

Ester 3:5

Naq laj Amán kixk'e reetal naq laj Mardokeo ink'a' nawiq'laak chi moko naxhupub' rib' chiru, k'ajo' naq kichalk xjosq'il.

San Mateo 2:16

Naq laj Herodes kixk'e reetal naq kib'alaq'iik xb'aaneb' laj q'e, k'ajo' naq kichalk xjosq'il, ut kixtaqla xkamsinkil chixjunileb' li k'uula'al li toj maji'eb' aj wiib' chihab', eb' li wankatqeb' Belén ut sa' li xsutam, jo' chanru kixtz'il rix rik'ineb' laj q'e.

Santiago 4:9

Tz'uyinqex chirix li xtoq'ob'aal eeru, chiraho'q sa' leeraanm ut yaab'anqex. Leese' chisutq'iiq cho'q yaab'ak, ut li xsahilal eech'ool cho'q rahil ch'oolej.

San Juan 16:20

Relik chi yaal ninye eere: texhuyhutq chi yaab'ak ut li ruuchich'och' taasaho'q sa' xch'ool. Laa'ex taarahoq leech'ool, ab'an li xrahil eech'ool taasutq'iiq cho'q sahil ch'oolej.

San Lucas 6:25

“Ra chaalel sa' eeb'een li nujenaqex chi tzekemq anaqwan, xb'aan naq textz'okaaq moqon. “Ra chaalel sa' eeb'een li nekexse'ek anaqwan, xb'aan naq taayot'e'q eech'ool ut texyaab'aq moqon.

Daniel 3:13

Toja' naq laj Nabukodonosor k'ajo' naq kichalk xjosq'il, ut kixb'oqeb' chaq laj Sidrak, laj Misak ut laj Abdénago, ut naq ke'oksiik chiru,

Salmos 27:3

Us ta te'chalq sa' inb'een jun tuub'eb' chi aj puub', ab'an ink'a' taaxiwaq linch'ool; us ta te'xyoob' jun li nimla yalok sa' inb'een, ab'an ink'a' taach'inanq li waanm.

Salmos 15:4

xik' naril li tento xtz'eqtaanankil ut naroxloq'i li naxxiwa ru li Qaawa'; li ink'a' naxjal ru li xyeechi'om rik'in jurament, us ta ra tixk'ul sa' xk'ab'a' li yaal;

Li xHu LAJ JOB 31:31

Maajun x'ok sa' li wochoch chi ink'a' ta xk'ojlaak xch'ool sa' linmeex;

Li xHu LAJ JOB 20:5

Chalen naq li winq kiyoob'tesiik xb'aan li Yos, junpaat ajwi' xsahilal li ink'a' us xna'leb'.

Ester 3:2

Chixjunileb' laj k'anjel chiru li awab'ej neke'xwiq'ib' rib' ut neke'xxulub' li xjolomeb' chiru laj Amán naq nanume'k malaj naq xaqxo chiruheb', xb'aan naq jo'kan xyehom li awab'ej; ab'an laj Mardokeo ink'a' kiraj xpaab'ankil li chaq'rab' a'in.

Ester 2:19

Naq ke'ch'utub'aak wi' chik xka' sut eb' li tuq'ixq, chunchu laj Mardokeo aran chire rokeb'aal li rochoch li awab'ej.

1 Reyes 21:4

K'ajo' xrahil xch'ool laj Ajab naq koho sa' rochoch, yo xjosq'il xb'aan naq laj Nabot aj Jisrehel kixye re naq ink'a' tixk'e li na'ajej kireechani rik'in li xyuwa'. Kixsotob' rib' sa' li xch'aat, kixb'alq'usi rib' chiru li tz'ak ut maak'a' kiraj xtzekankil.

Hechos 7:54

Naq ke'rab'i a'an, k'ajo' naq ke'chalk xjosq'il sa' xch'ooleb', ut neke'xk'uxuxi ruuch reheb' sa' xb'een laj Esteban.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Ester 5:13

Ab'anan chixjunil a'in maak'a' na'ok wi', naq toj k'ojk'ooq xaq laj Mardokeo laj Judiiy chire rokeb'aal li rochoch li awab'ej”, chan.

1 Reyes 21:6

Kichaq'ok laj Ajab ut kixye: “Xin'aatinak rik'in laj Nabot aj Jisrehel, naq tixk'e raj we li rawimq uub', chi loq'b'il malaj tink'e junaq chik chaab'il ch'och' cho'q reeqaj, ab'an xye we: «Ink'a' nawaj xk'eeb'al», chan”.