Ester 5:11 - Q'eqchi Bible

¹¹ kixseeraq'i reheb' li xloq'al ut li xb'ihomal, li xk'ihaleb' li ralal xk'ajol ut chanru naq kik'ehe'k xwankil sa' xb'eeneb' li xjolomileb' li tenamit jo'wi' eb' laj k'anjel chiru li awab'ej.

Li Santil hu

¹¹ Laj Amán qui-oc chixserakꞌinquil reheb chixjunil lix biomal. Quixye reheb nak nabaleb li ralal xcꞌajol ut nak sicꞌbil ru xban li rey. Ut quixye chanru nak quiqꞌueheꞌ xlokꞌal chiruheb chixjunileb ut quiqꞌueheꞌ xcuanquil saꞌ xbe̱neb chixjunileb li nequeꞌcꞌanjelac chiru li rey.

Ester 5:11 ပူးပေါင်းရင်းမြစ်များ

Ester 3:1

Chirix naq ak xk'ulmank a'in, laj Asuero li awab'ej kixtaqsi xwankil laj Amán, ralal laj Hamdatá, aj Agag, ut kixxaqab' cho'q xjolomil chixjunileb' li ninqeb' xwankil.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Génesis 31:1

Laj Jakob kirab'i resil naq eb' li ralal laj Labán yookeb' chi xyeeb'al: “Laj Jakob x'eechanink re chixjunil li k'aru re li qayuwa' ut rik'inatq a'an xnumtaak li xb'ihomal”.

San Marcos 10:24

Eb' li xtzolom naq ke'rab'i eb' li aatin a'in, sachsookeb' xch'ool ke'kanaak. Ab'an li Jesus ki'ok wi' chik chi aatinak ut kixye reheb': —Ex walal ink'ajol, k'ajo' xch'a'ajkil li ok sa' li xnimajwal awab'ejihom li Yos!

Daniel 4:30

kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Isaías 10:8

Xb'aan naq naxye sa' xch'ool: «Ma ink'a' tab'i' awab'ejeb' chixjunileb' li wankeb' rub'el linwankil?

Salmos 49:6

K'a'ut naq tinxiwaq sa' xq'ehil li rahilal, naq sutsuuqin xb'aaneb' li ink'a' useb' xna'leb',

Ester 1:4

Chiru waqib' po kixk'ut chixjunil li xb'ihomal chiruheb' jo' ajwi' li xnimal xloq'al li x'awab'ejihom ut li xwankilal.

Ester 8:15

Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Salmos 49:7

eb' li k'ojk'ookeb' xch'ool rik'in li k'aru wank reheb', ut neke'xnimob'resi rib' rik'in li xnimal ru xb'ihomaleb'?

Salmos 52:9

“Li winq a'in ink'a' xkuutu rib' rik'in li Yos, cha'qeb'; xk'ojob' li xch'ool rik'in li xnimal xb'ihomal, k'ajo' naq xnima rib' rik'in li xmaak!”.