Ester 4:3 - Q'eqchi Bible

³ Sa' chixjunileb' li tenamit yo wi' chi wulak li hu ut li esil a'an, k'ajo' tz'aqal li rahil ch'oolej sa' xyanqeb' laj Judiiy; k'ajo' li ayuunik, li yaab'ak ut q'oqonk, ut naab'aleb' ke'xk'e q'es ruhil t'ikr chirixeb', ut sa' xb'een chik li cha ke'xyokob' rib'eb'.

Li Santil hu

³ Saꞌ eb li tenamit li cuanqueb rubel xcuanquil li rey Asuero quicuulac resil li chakꞌrab li quixqꞌue. Quicuan jun nimla rahil chꞌo̱lej saꞌ xya̱nkeb laj judío. Queꞌayunic ut queꞌya̱bac. Queꞌxqꞌue li kꞌes ru tꞌicr chirixeb ut nabaleb queꞌxyocob rib saꞌ cha xban xrahil xchꞌo̱leb.

Ester 4:3 ပူးပေါင်းရင်းမြစ်များ

Isaías 22:12

Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Daniel 9:3

Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.

Isaías 58:5

Ma a'in tab'i' li ayuunik nawaj laa'in sa' li kutan naq li winq naxkub'si li xwankil? Nekexulub' leejolom kama' naxulq'iik li b'ayal, ut nekexwark chiru pop ut cha. Ma a'an nekeye «ayuunik» re, ut «kutan li nawulak chiru li Qaawa'»?

Isaías 22:4

Jo'kan naq xinye: “Elenqex chiwu ut kanab'omaqin injunes chi yaab'ak xb'aan xrahil linch'ool; meech'i'ch'i'i eerib' chi xk'ojob'ankil li waanm xb'aan li roso'jik lintenamit”, chankin.

San Mateo 25:30

Ut laj k'anjel a'in li maak'a' na'ok wi', kutomaq sa' aak'ab'. Aran taawanq li yaab'ak ut li k'uxuxink ruuch e».

San Mateo 22:13

Toja' naq li awab'ej kixye reheb' li xmoos: «B'ak'omaq li roq ruq' ut kutomaq chirix kab'l sa' li aak'ab'; aran taawanq li yaab'ak ut li k'uxuxink ruuch e».

San Mateo 13:42

ut te'kute'q sa' li tiqwal na'ajej: aran taawanq li yaab'ak ut li k'uxuxink ruuch e.

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.

Ester 3:12

Sa' li kab'laju xb'e li xb'een po re xtiklajik li chihab' ke'b'oqmank eb' laj tz'iib' neke'k'anjelak chiru li awab'ej, ut eb' a'in ke'xtz'iib'a li aatin kixye laj Amán reheb' li ruuchileb' li awab'ej jo'wi' reheb' laj jolominel li wankatqeb' sa'eb' li ninq ut kok' tenamit. Li esilal ke'tz'iib'amank sa' raatinob'aaleb' ut xtz'iib'eb' li junjunq chi tenamit, ut kaaxtinb'ileb' sa' xk'ab'a' laj Asuero li awab'ej;

Ester 1:1

A'in kik'ulmank chiru xyu'am laj Asuero naq kitaqlank cho'q awab'ej sa' xb'een wuqub' xwuqk'aal (127) teep chi tenamit chalen chaq sa' xteepal India toj Etiopía

1 Samuel 11:4

Naq eb' li taql ke'wulak Kibehá, b'arwi' wank laj Saúl, ut ke'xye a'in reheb' li poyanam, chixjunileb' ke'xjap re chi yaab'ak.

Ester 4:2

kiwulak toj chire rokeb'aal li rochoch li awab'ej, xb'aan naq maajun naru chi ok sa' li ochoch a'an wi tiqtooq rik'in q'es ruhil t'ikr.

Ester 4:4

Eb' li ixq ut winq aj k'anjeleb' chiru lix Ester kole'xye re li k'aru yo chi k'ulmank. K'ajo' naq kiraho'k xch'ool li xna'eb' li tenamit, ut chi junpaat kixtaqla raq' laj Mardokeo re naq taarisi li q'es ruhil t'ikr li wank chirix ut tixtiqib' rib' chi chaab'il; ab'an a'an ink'a' kiraj.

Ester 9:31

Ke'xteneb' li iiq sa' xb'eeneb' re naq taapaab'amanq li chaq'rab' a'in tz'aqal sa' xkutankil, jo' chanru yeeb'il reheb'. Ke'xk'ut ajwi' chiruheb' chanru te'ayuuniq ut te'huyhutiq eb' a'an ut eb' li ralal xk'ajol.

Josué 7:6

Toja' naq laj Josué kixq'ich li raq', kixhupub' rib' chiru li xLoq'laj Kaax li Qaawa' toj ki'ewuuk ut, rochb'eeneb' li cheekel winq, ke'xk'e pojtz' sa' xjolomeb'.

Li xHu LAJ JOB 2:8

Jo'kan naq laj Job koxk'ojlaaq sa' li cha ut kixchap xk'aj uk'al re xjochjochinkil rib'.

Ezequiel 27:30

Ut te'xjap re chi yaab'ak chawix, te'tz'uyinq chi q'axal ra sa' xch'ooleb'. Te'xk'e pojtz' sa' xjolomeb' ut te'xsotob' rib' sa' cha.

Jonás 3:6

Naq li awab'ej re Nínive kirab'i resil a'an, ki'elk sa' li xk'ojarib'aal, kirisi li xchaab'il aq' chirix ut kixk'e xq'esnal ru t'ikr chirix; toja' naq kixchunub' rib' sa' cha.