Ester 3:8 - Q'eqchi Bible

⁸ Toja' naq laj Amán kixye re laj Asuero li awab'ej: “Sa' xyanqeb' chixjunil li tenamit li wankeb' sa' laa'awab'ejihom, wank jun tenamit li jalan wi' chiruheb' li junch'oleb' chik, jalan wi' li xchaq'rab'eb', ut ink'a' neke'xpaab' laachaq'rab' laa'at, at awab'ej. Moko us ta cho'q aawe naq wanqeb' li tenamit a'an sa' laa'awab'ejihom.

Li Santil hu

⁸ Laj Amán quixye re li rey Asuero: —Saꞌ xya̱nkeb li tenamit li cuanqueb rubel la̱ takl, cuan jun te̱p li tenamit xjuneseb nequeꞌxcꞌam ribeb. Incꞌaꞌ nequeꞌxjunaji rib riqꞌuineb li jun chꞌol chic. Jalan lix chakꞌrabeb ut incꞌaꞌ nequeꞌxba̱nu li cꞌaꞌru nacaye la̱at. Ma̱cꞌaꞌ aj e nak cuanqueb saꞌ eb li naꞌajej li cuanqueb rubel la̱ cuanquil.

Ester 3:8 ပူးပေါင်းရင်းမြစ်များ

Deuteronomio 4:27

Li Qaawa' texxcha'cha'i sa' xyanqeb' li tenamit ut yal ink'a' chik k'i texkanaaq sa' xyanqeb' li tenamit texxk'am wi' li Qaawa'.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Santiago 1:1

Laa'in laj Santiago, xmoos li Yos ut xmoos li Qaawa' Jesukriist, nintaqla xsahil xch'ooleb' li kab'laju teep chi tenamit xcha'cha'ihomeb' rib' yalaq b'ar.

Hechos 28:22

Ab'an tqaj aawab'inkil chirix li k'aru nakak'oxla, xb'aan naq naqanaw naq li jek'jookil paab'aal wankat wi' xik' ilb'il yalaq b'ar.

Hechos 24:5

Xqataw li winq a'in, q'axal yib'ru xna'leb': a'an aj yoob'anel raaxiik' sa' xyanqeb' laj Judiiy sa' chixjunil li ruuchich'och' ut aj k'amol xb'eheb' li xkomoneb' laj Nazaret.

San Juan 7:35

Toja' naq eb' laj Judiiy ke'xye chirib'ileb' rib': —B'ar anchal taaxik a'an naq ink'a' tooruuq xtawb'al? Malaj taaxik ta rik'ineb' laj Griego li xe'xcha'cha'i rib'eb', re naq tixtzoleb'?

Zacarías 7:14

Jo'kan naq kincha'cha'iheb' sa' chixjunileb' li tenamit ink'a' xnawomeb' ru, ut li na'ajej li ke'elk wi' kisache'k ut maajun chik naru nawank aran. Nakirirnak aj chik kikanaak li chaab'il ch'och' a'in”.

Ezequiel 11:16

Jo'kan naq ye reheb': «Jo'ka'in naxye li Qaawa': Us ta xe'wisi sa' li xna'ajeb' ut xeb'incha'cha'i sa' xyanqeb' li jalanil tenamit, ab'anan yal jun k'amok ajwi'. Anaqwan laa'inaq chik li santil ochoch cho'q reheb' a'an sa'eb' li tenamit b'arwi' xoxe'kanaaq».

Ezequiel 6:8

«Ab'anan tinkanab'eb' wiib' oxib'aqeb' chi yo'yo sa' eeyanq: te'kole'q chiru li kamk ut te'cha'cha'iiq sa'atqeb' li tenamit.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Nehemías 1:8

Chakuy inmaak, jultikaq aawe li k'aru kayeechi'i re laj Moisés: «Wi teeq'et li waatin, laa'in texincha'cha'i sa' xyanqeb' li tenamit.

Deuteronomio 32:26

“Xb'enwa xink'oxla xcha'cha'inkileb' ut xsachb'al li xk'ab'a'eb' junsut junrub'el choxa.

Deuteronomio 30:3

toja' naq li Qaawa' laaYos tatrosob'tesi wi' chik, taaril xtoq'ob'aal aawu, tatrisi chaq sa' chixjunileb' li tenamit xatxcha'cha'i wi' ut tatxch'utub' wi' chik.

1 Pedro 1:1

Laa'in laj Pedro, x'apóstol li Jesukriist, nintz'iib'ak eerik'in li xecha'cha'i eerib' Ponto, Galacia, Kapadocia, Asia ut Bitinia, ut anaqwan wankex aran jo' aj numel. Laa'ex sik'b'il eeru,

Ester 3:9

Jo'kan utan, wi nawulak chawu, at awab'ej, xtz'iib'aaq junaq chaq'rab' re xsachb'aleb' chixjunil li tenamit a'an, ut laa'in tinq'axtesi reheb' laj k'anjel chawu wuqub' mil rik'in oxlajuk'aal (7,260) kintal chi plaat, re te'xk'uula sa' xk'uuleb'aal li awab'ej”, chan.

Ester 4:1

Naq laj Mardokeo kixnaw chixjunil li kik'ulmank, kixq'ich li raq', reetalil li xrahil xch'ool, kixk'e q'es ruhil t'ikr chirix ut kixk'e cha sa' xjolom. Ut kixb'eeni chixjunil li tenamit chi japjo re xb'aan li rahilal xchalk sa' xb'eeneb';

Jeremías 33:24

“Ma ink'a' nakawab'i naq eb' li poyanam neke'xye naq xintz'eqtaanaheb' li wiib' teep chi tenamit insik'om ru, a' laj Israel ut laj Judá? Jo'kan naq neke'xtz'eqtaana lintenamit, chi moko neke'ril jo' junaq tenamit.

Daniel 3:8

Ab'anan wankeb' aj Kaldeha koheb' chi xjitb'aleb' laj Judiiy

Daniel 6:13

Toja' naq eb' a'an ke'xye wi' chik: “Ab'an laj Daniel, li kik'ame'k chaq Judá, ink'a' nakatxpaab', at awab'ej, chi moko naxpaab' li chaq'rab' li xajuch' wi' laak'ab'a'. Ox sut chiru li kutan natijok chiru li xYos”.

Números 23:9

Toj sa' xb'een li saqoonak neke'wil, toj sa' xb'eeneb' li b'ool nink'e reetal: a'an jun tenamit li wankeb' xjunes; ink'a' k'eeb'ileb' sa' ajl sa' xyanqeb' li poyanam.

Esdras 4:6

Sa' xtiklajik li x'awab'ejihom laj Jerjes ke'xtz'iib'a jun li hu re xjitb'aleb' laj Judá ut eb' laj Jerusalén.

Daniel 6:14

Naq li awab'ej kirab'i a'in, k'ajo' naq kiraho'k xch'ool ut kixsik' chan raj ru tixkol laj Daniel toj reetal ki'ewuuk.