Ester 3:2 - Q'eqchi Bible

² Chixjunileb' laj k'anjel chiru li awab'ej neke'xwiq'ib' rib' ut neke'xxulub' li xjolomeb' chiru laj Amán naq nanume'k malaj naq xaqxo chiruheb', xb'aan naq jo'kan xyehom li awab'ej; ab'an laj Mardokeo ink'a' kiraj xpaab'ankil li chaq'rab' a'in.

Li Santil hu

² Nak quinumeꞌ laj Amán, chixjunileb li nequeꞌcꞌanjelac chiru li rey saꞌ li rochoch queꞌxcuikꞌib ribeb chiru ut queꞌxxulub xjolomeb re xqꞌuebal xlokꞌal xban nak joꞌcan quixye li rey. Abanan laj Mardoqueo incꞌaꞌ quixcuikꞌib rib chiru chi moco quixqꞌue xlokꞌal.

Ester 3:2 ပူးပေါင်းရင်းမြစ်များ

Filipenses 2:10

re naq sa' xk'ab'a' li Jesus te'xwiq'ib' rib' chixjunileb' li wankeb' sa' choxa, sa' ruuchich'och' ut rub'el ch'och',

Salmos 15:4

xik' naril li tento xtz'eqtaanankil ut naroxloq'i li naxxiwa ru li Qaawa'; li ink'a' naxjal ru li xyeechi'om rik'in jurament, us ta ra tixk'ul sa' xk'ab'a' li yaal;

Ester 5:9

Sa' li kutan a'an laj Amán ki'elk chi jwal sa sa' xch'ool. Ab'an naq kiril laj Mardokeo chire li okeb'aal, chi ink'a' ki'eek'ank sa' xna'aj naq kinume'k, k'ajo' naq kichalk xjosq'il.

Ester 3:5

Naq laj Amán kixk'e reetal naq laj Mardokeo ink'a' nawiq'laak chi moko naxhupub' rib' chiru, k'ajo' naq kichalk xjosq'il.

Ester 3:1

Chirix naq ak xk'ulmank a'in, laj Asuero li awab'ej kixtaqsi xwankil laj Amán, ralal laj Hamdatá, aj Agag, ut kixxaqab' cho'q xjolomil chixjunileb' li ninqeb' xwankil.

Ester 2:21

Naq chunchu laj Mardokeo chire rokeb'aal li rochoch li awab'ej chiruheb' li kutan a'an, kixk'e reetal naq laj Biktán ut laj Teres, aj k'aak'aleneleb' re li okeb'aal ut aj tenq'ahom re li awab'ej, k'ajo'eb' xjosq'il ut yookeb' xk'uub'ankil chanru naq te'xkamsi laj Asuero.

Ester 2:19

Naq ke'ch'utub'aak wi' chik xka' sut eb' li tuq'ixq, chunchu laj Mardokeo aran chire rokeb'aal li rochoch li awab'ej.

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

Deuteronomio 25:19

Jo'kan naq chiwanq sa' aach'ool a'in: naq li Qaawa' laaYos akaq xsacheb' ru chixjunileb' li xik' neke'ilok aawe chasutam ut xatroksi sa' li na'ajej tixk'e chaweechani, tento taasachq xk'ab'a' laj Amalek chi junajwa, junsut junrub'el choxa. Misachk sa' aach'ool a'in!

Éxodo 17:16

ut kixye: “Li reetalil li Qaawa' sa' uq'ej. Li Qaawa' taayaloq rik'in laj Amalek junq'e junq'e kutan”.

Éxodo 17:14

Toja' naq li Qaawa' kixye re laj Moisés: “Tz'iib'a a'in sa' li hu re naq junelik wanq sa' eech'ool, ut yaab'asi sa' xxik laj Josué: «Laa'in tinsach chi junajwa li xk'ab'a'eb' laj Amalek junsut junrub'el choxa»”.

Génesis 41:43

Kixk'e ajwi' chi taqe'k sa' li xkab' xb'eleb'aal ch'iich' ut kixtaqlaheb' winq chi xik chiru laj José, japjo'qeb' re chi xyeeb'al: “Wiq'lanqex”. Jo'ka'in naq laj Parahón kixxaqab' laj José chi xjolominkil chixjunil li tenamit Ejiipt.

Ester 2:5

Sa' li tenamit Susa wank jun li winq aj Judá, aj Mardokeo xk'ab'a', ralal laj Yaír, ralal laj Semehí, ralal laj Kis, xkomoneb' laj Benjamín.

Ester 3:3

Toja' naq eb' laj k'anjel chiru li awab'ej ke'xye re laj Mardokeo: “K'a'ut naq ink'a' nakapaab' li raatin li awab'ej?”, chankeb'.

Daniel 2:49

Ut naq laj Daniel kixtz'aama chiru li awab'ej naq laj Sidrak, laj Misak ut laj Abdénago te'xjolomi li xteepalil Babilonia, a'an kik'eemank chiru. Ut laj Daniel kikanaak sa' rochoch li awab'ej.