Ester 3:12 - Q'eqchi Bible

¹² Sa' li kab'laju xb'e li xb'een po re xtiklajik li chihab' ke'b'oqmank eb' laj tz'iib' neke'k'anjelak chiru li awab'ej, ut eb' a'in ke'xtz'iib'a li aatin kixye laj Amán reheb' li ruuchileb' li awab'ej jo'wi' reheb' laj jolominel li wankatqeb' sa'eb' li ninq ut kok' tenamit. Li esilal ke'tz'iib'amank sa' raatinob'aaleb' ut xtz'iib'eb' li junjunq chi tenamit, ut kaaxtinb'ileb' sa' xk'ab'a' laj Asuero li awab'ej;

Li Santil hu

¹² Joꞌcan nak saꞌ li oxlaju xbe li xbe̱n po re li chihab aꞌan, queꞌbokeꞌ laj tzꞌi̱b li nequeꞌcꞌanjelac chiru li rey. Ut queꞌxtzꞌi̱ba li chakꞌrab joꞌ quixye laj Amán reheb. Li chakꞌrab aꞌan quitakla̱c riqꞌuineb chixjunileb li nequeꞌtaklan saꞌ li junju̱nk chi tenamit li cuanqueb rubel xtakl li rey. Ut quitakla̱c riqꞌuineb laj cꞌamol be. Queꞌtzꞌi̱bac saꞌ ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Eb li hu aꞌan queꞌtzꞌi̱ba̱c saꞌ xcꞌabaꞌ li rey Asuero ut quiqꞌueheꞌ retalil lix matkꞌab li rey chiruheb.

Ester 3:12 ပူးပေါင်းရင်းမြစ်များ

1 Reyes 21:8

Tikto lix Jesabel kitz'iib'ank hu sa' xk'ab'a' laj Ajab, kixkaaxti rik'in li xmatq'ab' ut kixtaqla rik'ineb' li cheekal winqeb' ut eb' li wankeb' xwankil, rech tenamitul laj Nabot.

Ester 1:22

Kixtaqlaheb' xhu sa' chixjunil li tenamit li wankeb' rub'el xwankil, tz'iib'anb'ileb' sa' raatinob'aal li junq teep chi tenamit, re naq chixjunileb' li b'eelomej a'anaqeb' tz'aqal xjolomil junqkab'al.

Daniel 6:15

Ab'anan eb' li winq a'an koheb' wi' chik chi ch'uut rik'in li awab'ej re xyeeb'al re: “Jultikaq aawe, at awab'ej, naq li xchaq'rab'eb' laj Media ut eb' laj Persia naxye naq maajun naru najalok xyaalal li chaq'rab' xaqab'anb'il xwankil xb'aan junaq awab'ej”, chankeb'.

Daniel 6:12

Tikto ajwi' koheb' rik'in li awab'ej ut ke'xjultika wi' chik re li chaq'rab' k'eeb'il xb'aan ut ke'xye re: “Ma ink'a' xajuch' laak'ab'a' sa' li chaq'rab' b'arwi' naxye naq chiru jun po maajun naru taatijoq chiru junaq chik yos malaj winq, ka'ajwi' chawu laa'at, at awab'ej? Wi wanq junaq taaq'etoq re li chaq'rab' a'an, taakutmanq sa' xyanqeb' li kaqkoj”, chankeb'. Kichaq'ok li awab'ej ut kixye: “Jo'kan k'uub'anb'il, jo' chanru xchaq'rab'eb' laj Media ut eb' laj Persia”.

Daniel 6:8

Jo'kan utan, at awab'ej, k'e xwankil li chaq'rab' a'in ut juch' laak'ab'a' chisa', re naq ink'a' chijalmanq xyaalal jo' li xchaq'rab'eb' laj Media ut eb' laj Persia”.

Ester 9:27

eb' laj Judiiy ke'xxaqab' xwankil li chaq'rab' a'in cho'q reheb' ut cho'q reheb' li ralal xk'ajoleb' ut eb' li te'okenq cho'q aj Judiiy: ke'xye naq tento taawanq li ninq'e a'in rajlal chihab', tz'aqal sa' xkutankil, jo' tz'iib'anb'il sa' li hu.

Ester 8:2

Toja' naq li awab'ej kirisi chaq li matq'ab' li kixmaq' chiru laj Amán ut kixq'axtesi re laj Mardokeo, ut lix Ester kixxaqab' laj Mardokeo re naq a'an chik taa'iloq re chixjunil li k'aru kiwank re laj Amán.

Esdras 8:36

Chirix chik a'an ke'xq'axtesi li xchaq'rab' li awab'ej reheb' laj tenq'anel re jo'wi' reheb' li neke'taqlank sa' xb'eeneb' li tenamit wankeb' junpak'al li nima' Éwfrates. Ut eb' a'in ke'xtenq'a li tenamit ut li rochoch li Yos.

Ester 3:11

ut kixye re: “Kanaaq cho'q aawe li plaat. Sa' laawuq' tinkanab' li tenamit a'an re taab'aanu reheb' li k'aru taawaj xb'aanunkil”, chan.

Daniel 3:10

Laa'at xak'e li chaq'rab' a'in: Naq taayaab'asimanq li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', xb'uchub'aqeb' rib' chiru ch'och' chixjunileb' li poyanam chi xloq'oninkil ru li jalam u oor,

Daniel 6:25

Toja' naq laj Darío, li awab'ej, kixk'e chi tz'iib'aak li esil a'in reheb' chixjunil li tenamit ut poyanam li wankatqeb' sa' ruuchich'och', a' yaal chanru li raatinob'aaleb': “Chiwanq taxaq tuqtuukil usilal chi numtajenaq sa' eeyanq chejunilex.