Ester 3:1 - Q'eqchi Bible

¹ Chirix naq ak xk'ulmank a'in, laj Asuero li awab'ej kixtaqsi xwankil laj Amán, ralal laj Hamdatá, aj Agag, ut kixxaqab' cho'q xjolomil chixjunileb' li ninqeb' xwankil.

Li Santil hu

¹ Mokon chic li rey Asuero quixqꞌue xcuanquil laj Amán chi takla̱nc saꞌ xbe̱neb chixjunileb li nequeꞌtaklan saꞌ eb li tenamit. Laj Amán aꞌan li ralal laj Hamedata, xcomoneb aj agagueo.

Ester 3:1 ပူးပေါင်းရင်းမြစ်များ

Números 24:7

Wanq tz'aqal li xha'eb'; tz'aqalaq re te'ruk' ut te'xt'aqresi li rawimqeb'. Li awab'ej re Israel taa'awab'ejinq sa' xb'een laj Agag, ut nimaq xwankil li x'awab'ejihom.

Daniel 6:2

ut eb' a'an ke'kanaak rub'el xtaqlahomeb' oxib' chik ninqeb' xwankil, re naq chaab'il taa'elq li xk'anjeleb' ut ink'a' te'xb'alaq'i li awab'ej. Laj Daniel a'an jun sa' xyanqeb' li oxib' ninqeb' xwankil

Ester 5:11

kixseeraq'i reheb' li xloq'al ut li xb'ihomal, li xk'ihaleb' li ralal xk'ajol ut chanru naq kik'ehe'k xwankil sa' xb'eeneb' li xjolomileb' li tenamit jo'wi' eb' laj k'anjel chiru li awab'ej.

Ester 3:10

Toja' naq li awab'ej kirisi li xmatq'ab' chi ru'uj ruq' ut kixq'axtesi re laj Amán, li xik' narileb' laj Judiiy,

1 Samuel 15:33

A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

Génesis 41:40

Laa'at tatjolominq re linjunkab'al ut chixjunileb' lintenamit te'xpaab' laawaatin. Ka'ajwi' link'ojarib'aal ink'a' tink'e aawe”, chan.

Proverbios 29:2

Naq neke'k'ihank li tiikeb' xch'ool, nake'saho'k eb' li poyanam; ab'an naq neke'taqlank li ink'a' useb' xna'leb', ra neke'xk'ul li tenamit.

Salmos 12:8

At Qaawa', laa'at tattenq'anq qe, laa'at tatkoloq qe chiruheb' li tenamit a'an chi junelik.

Ester 8:3

Chirix chik a'an lix Ester kirelaji wi' chik ru li awab'ej, kixhupub' rib' chi roq naq yo chi yaab'ak, ut kixtz'aama usilal chiru, naq tixsach xwankil li chaq'rab' kixyiib' laj Amán aj Agag, jo' ajwi' li kixk'uub' re xsachb'aleb' laj Judiiy.

Ester 7:6

Kixye lix Ester: “Li xik' na'ilok qe ut yo xsik'b'al qakamsinkil, a'an laj Amán, li reemaaru aj winq!”. K'ajo' naq kichalk xxiw laj Amán chiru li awab'ej ut chiru lix Ester naq kirab'i a'an.

Ester 1:14

Toja' naq ke'jilok chi xk'atq laj Asuero eb' li xjolomileb' aj Persia ut aj Media, li k'ulb'ileb' xb'aan li awab'ej chi wank sa' li rochoch ut wankeb' xwankil sa' xb'een li tenamit. A'aneb' laj Karsená, laj Setar, laj Admatá, laj Tarsis, laj Meres, laj Marsená ut laj Memukán,

Esdras 7:14

xb'aan naq li awab'ej ut eb' li wuqub' aj k'ehol xna'leb' nakate'xtaqla chi rilb'al chanru wankeb' aran Judá ut Jerusalén, ma yookeb' xpaab'ankil li xChaq'rab' laaYos, li wank sa' laawuq' malaj ut ink'a'.

1 Samuel 15:8

Kixchap chi yo'yo laj Agag, awab'ej re Amalek, ut kixkamsiheb' chi ch'iich' li poyanam, tik ke'oso'k chixjunileb'.

Génesis 41:55

Naq kichalk xtz'okajikeb' chixjunileb' laj Ejiipt, ke'xpatz' xwaheb' re laj Parahón, ut laj Parahón kixye reheb' laj Ejiipt: “Ayuqex rik'in laj José: b'aanuhomaq li tixye chaq eere”, chan reheb'.

Eclesiastés 10:6

xink'e reetal naq eb' li maak'a' neke'xnaw wankeb' xninqal ru k'anjel, ut eb' li wankeb' xk'a'uxl ink'a' chaab'il li k'anjel neke'k'ehe'k reheb'.