Ester 2:9 - Q'eqchi Bible

⁹ Laj Hegay q'axal kiwulak chiru lix Ester ut kisaho'k xch'ool rik'in. Jo'kan naq kixseeb'a xch'oolaninkil chi us ut kixk'e re li aajel ru re tixtiqib' rib' chi chaab'il. Kixk'e ajwi' wuqub'eb' chi tuq'ixq cho'q aj ilol re ut kixkanab'eb' sa' jun li na'ajej jwal chaab'il li wank sa' rochoch li awab'ej.

Li Santil hu

⁹ Laj Hegai quixqꞌue retal nak cha̱bil lix Ester ut quisahoꞌ xchꞌo̱l riqꞌuin. Joꞌcan nak junpa̱t quixqꞌue chixjunil li cꞌaꞌru re, re nak tixtikib rib chi cha̱bil ut quixqꞌue li cha̱bil tzacae̱mk re. Quixqꞌue cuukub li tukꞌ ixk li kꞌaxal cha̱bileb li cuanqueb saꞌ li rochoch li rey re nak teꞌcꞌanjelak chiru lix Ester. Ut quixqꞌue jun xnaꞌaj lix Ester kꞌaxal cha̱bil re nak ta̱cua̱nk aran rochbeneb li cuukub chi tukꞌ ixk.

Ester 2:9 ပူးပေါင်းရင်းမြစ်များ

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Génesis 39:21

Ab'an li Qaawa' kixtenq'a laj José ut kiruxtaana ru: kixk'e chi xtawb'al usilal chiru li xb'eenil aj k'aak'alenel tz'alam.

Ester 2:12

Chiru junq chihab' eb' li tuq'ixq neke'xyiib' rib' jo' chanru yeeb'il sa' xchaq'rab'il eb' li ixq: waqib' po neke'xyul rib' rik'in aseeyt ut miir, ut waqib' po neke'xb'on ut neke'xb'an rib' rik'in li sununkil b'an xkomon li neke'roksiheb' li ixq. Naq naraqe'k xb'aanunkil a'an, eb' li tuq'ixq neke'k'ame'k rik'in li awab'ej.

Ester 2:3

Li awab'ej xxaqab'aqeb' li te'xb'eeni chixjunileb' li tenamit li wankeb' rub'el xwankil, re te'xk'ameb' chaq arin Susa, sa' rochocheb' li ixq, chixjunileb' li tuq'ixq jwal ch'ina'useb' ut toj maji' muxb'ileb', ut te'ch'oolaniiq xb'aan li winq aj k'anjel chiru laj Asuero ut aj k'aak'alenel reheb' li ixq. Ut a'an taak'ehoq reheb' li k'aru aajel ru re te'xtiqib' rib' chi chaab'il.

Daniel 1:9

Li Qaawa' kirusila ru laj Daniel ut kixk'e naq li xtz'aamahom taak'ulub'aaq xb'aan laj Aspenas, xjolomileb' laj k'anjel.

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Salmos 106:46

Kixtoch' xch'ooleb' li wankeb' wi' chi preexil re naq te'xtoq'ob'a ruheb'.

1 Reyes 8:50

Chakuy xmaakeb' laatenamit li xe'maakob'k chawu ut chixjunil li q'etq'etil xe'xb'aanu. Chak'eheb' chi xtawb'al usilal chiruheb' li xe'chapok reheb', re naq te'uxtaanaaq ruheb'.

Nehemías 2:8

Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.

Ester 5:2

ut naq kiril lix Ester sa' li neb'aal, kisaho'k sa' xch'ool, kixchap li xuq' yiib'anb'il rik'in oor ut kixk'e chi xkux lix Ester.

Génesis 39:4

Jo'kan naq laj José kixtaw usilal chiru laj eechal re ut kixaqab'aak cho'q aj tenq' re ut aj jolominel re li xjunkab'al: jo'ch'inal jo'nimal li wank re laj Putifar kiq'axtesiik sa' ruq' laj José.