Ester 2:17 - Q'eqchi Bible

¹⁷ Laj Asuero koho xch'ool chirix lix Ester jo' maajun wa kixk'ul xb'aan junaq chik ixq. Jo'kan naq k'ajo' naq kirusila ru ut q'axal kixra chiru chixjunileb' li ixq ak xnawom ruheb'. Kixk'e li koroon chi xjolom ut kixxaqab' cho'q reeqaj lix Vasti.

Li Santil hu

¹⁷ Ut li rey Asuero nak quiril ru lix Ester, cꞌajoꞌ nak quicuulac chiru ut aꞌan li kꞌaxal quixra chiruheb chixjunileb li ixk li ac queꞌcuulac riqꞌuin. Quixqꞌue lix corona saꞌ xjolom ut quixqꞌue chokꞌ reina chokꞌ re̱kaj lix Vasti.

Ester 2:17 ပူးပေါင်းရင်းမြစ်များ

Ezequiel 17:24

Ut chixjunileb' li che' li wankeb' chiru tzuultaq'a te'xnaw naq laa'in li Qaawa'. Ninkub'si xwankil li che' naxnimob'resi rib' ut ninterq'usi li che' kub'enaq xwankil. Ninchaqihob'resi li raxche' ut nink'e chi raxo'k li chaqiche'. Laa'in li Qaawa' xin'aatinak ut tinb'aanu li xinye»”.

Ester 4:14

Wi maak'a' taaye anaqwan, li xtenq'ankileb' ut xkolb'aleb' laj Judiiy taachalq rik'in jalan chik; a'ut laa'at ut eb' laawech'alal tex'oso'q. Mare wachik xatwulak cho'q xna'eb' li tenamit anaqwan re qatenq'ankil sa' li rahilal a'in!”.

Ester 1:11

Ut kixye reheb' naq te'xk'am chaq lix Vasti, li xna'eb' li tenamit, re taawanq chiru li awab'ej chi wank xkoroon sa' xjolom, ut taa'ile'q xch'ina'usal xb'aaneb' chixjunil. Relik chi yaal naq k'ajo' xch'ina'usal li xna'eb' li tenamit.

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

Ester 2:16

Kik'ame'k lix Ester wan wi' laj Asuero li awab'ej, chiru li xlaje po, Tébet nayeemank re, ak wuqub' chihab' chik rokik chi awab'ejink.

Ester 6:8

tento taak'ame'q chaq li chaab'il aq'ej li naroksi li awab'ej jo' ajwi' li kawaay nab'eek wi' li awab'ej, ut taak'eemanq sa' xjolom li reetalil li awab'ejilal.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.