Ester 2:12 - Q'eqchi Bible

¹² Chiru junq chihab' eb' li tuq'ixq neke'xyiib' rib' jo' chanru yeeb'il sa' xchaq'rab'il eb' li ixq: waqib' po neke'xyul rib' rik'in aseeyt ut miir, ut waqib' po neke'xb'on ut neke'xb'an rib' rik'in li sununkil b'an xkomon li neke'roksiheb' li ixq. Naq naraqe'k xb'aanunkil a'an, eb' li tuq'ixq neke'k'ame'k rik'in li awab'ej.

Li Santil hu

¹² Nak toj ma̱jiꞌ nequeꞌxcꞌut rib chiru li rey, tento nak teꞌxyi̱b rib chiru jun chihab joꞌ cꞌaynakeb xba̱nunquil eb li ixk aꞌan. Li xbe̱n cuakib po teꞌxyul li aceite mirra chirixeb ut li cuakib po chic teꞌxqꞌue li sununquil ban chirixeb. Nak acak xeꞌrakeꞌ xyi̱banquil ribeb, chi xjunju̱nkaleb teꞌcꞌamekꞌ riqꞌuin li rey.

Ester 2:12 ပူးပေါင်းရင်းမြစ်များ

Isaías 57:9

“Xkohat rik'in laj Molok ut xak'am naab'al li aseeyt jo'wi' sununkil b'an. Yalaq b'ar xataqlaheb' laataql, toj sa' xb'alb'a xak'eheb' chi kub'eek!

Proverbios 7:17

xink'e ajwi' sununkil b'an chiru, yiib'anb'il rik'in miir ut kaneel.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Ester 2:3

Li awab'ej xxaqab'aqeb' li te'xb'eeni chixjunileb' li tenamit li wankeb' rub'el xwankil, re te'xk'ameb' chaq arin Susa, sa' rochocheb' li ixq, chixjunileb' li tuq'ixq jwal ch'ina'useb' ut toj maji' muxb'ileb', ut te'ch'oolaniiq xb'aan li winq aj k'anjel chiru laj Asuero ut aj k'aak'alenel reheb' li ixq. Ut a'an taak'ehoq reheb' li k'aru aajel ru re te'xtiqib' rib' chi chaab'il.

Ester 2:9

Laj Hegay q'axal kiwulak chiru lix Ester ut kisaho'k xch'ool rik'in. Jo'kan naq kixseeb'a xch'oolaninkil chi us ut kixk'e re li aajel ru re tixtiqib' rib' chi chaab'il. Kixk'e ajwi' wuqub'eb' chi tuq'ixq cho'q aj ilol re ut kixkanab'eb' sa' jun li na'ajej jwal chaab'il li wank sa' rochoch li awab'ej.

Ester 2:11

Rajlal kutan nanume'k laj Mardokeo chiru xneb'aalil rochocheb' li ixq, re xnawb'al ma sa sa' xch'ool lix Ester ut chanru wank.

Ester 2:13

Naq junaq tuq'ixq nab'oqe'k sa' rochoch li awab'ej, nak'ehe'k re chixk'am li jo'k'ihal tixpatz' sa' rochocheb' li ixq.

Isaías 3:24

Sa' li kutan a'an cho'q reeqaj li sununkil b'an taawanq li chu; cho'q reeqaj li k'aamal sa', a' chik li k'aam taak'eemanq; cho'q reeqaj li te'ok ismal, job'il jolomej chik taawanq; cho'q reeqaj li chaab'il b'aatal, a' chik li q'es ruhil t'ikr taawanq; ut li ch'ina'usal taasutq'iiq cho'q xutaan.