Ester 10:2 - Q'eqchi Bible

² Li xwankilal ut li xloq'al li awab'ej a'an, jo' ajwi' chanru naq kixtaqsi xwankil laj Mardokeo, tz'iib'anb'il sa' xhuhil li xyehom ut xb'aanuhom eb' li awab'ej re Persia ut Media.

Li Santil hu

² Tzꞌi̱banbil retalil chixjunil li quixba̱nu li rey Asuero riqꞌuin xnimal xcuanquil. Ut tzꞌi̱banbil ajcuiꞌ retalil li cuanquil li quixqꞌue re laj Mardoqueo. Chixjunil aꞌin tzꞌi̱banbil saꞌ li hu natzꞌi̱ba̱c cuiꞌ chixjunil li quilajeꞌxba̱nu lix reyeb laj Media ut eb laj Persia.

Ester 10:2 ပူးပေါင်းရင်းမြစ်များ

Ester 8:15

Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Ester 9:4

a'in nim xwankil sa' rochoch li awab'ej ut nawno ru yalaq b'ar; rajlal kutan yo chi nimank xwankil.

Ester 2:23

Li aatin a'in kitz'ilmank rix chi us ut koxtawmanq naq yaal li kiyeemank. Jo'kan naq eb' li wiib' aj k'anjel a'n ke't'uyub'aak chiru che' re xkamsinkileb'. Ut chixjunil a'in kitz'iib'aak chiru ajwi' li awab'ej sa' xhuhil xyehom ut xb'aanuhom eb' li awab'ej re Persia.

Ester 6:1

Chiru li q'oqyink a'an li awab'ej ink'a' kiru chi wark; jo'kan naq kixtaqla laj tz'iib' chi xxokb'al li hu tz'iib'anb'il wi' chixjunil li ak kik'ulmank sa' li x'awab'ejihom, re naq taayaab'asimanq xsa' li hu a'an chiru.

Daniel 2:48

Chirix chik a'an li awab'ej kixxaqab' xwankil laj Daniel, kixk'e naab'al xsimaatan jwal terto xtz'aq ut kixk'e chixjolomi chixjunil li xteepalil Babilonia. Kixxaqab' ajwi' xwankil sa' xb'eeneb' chixjunil laj k'ehol na'leb' re Babilonia.

Salmos 18:35

A'an nakawresink re li wuq' re yalok, jo'wi' lintel re xrinb'al rix li xna' simaj, li yiib'anb'il rik'in q'anch'iich'.

1 Reyes 22:39

Chixjunil li xyehom xb'aanuhom laj Ajab, li ochoch yiib'anb'il rik'in marfil ut chixjunileb' li tenamit kixyiib', tz'iib'anb'ileb' sa' xHuhil li xyehom xb'aanuhomeb' li awab'ej re Israel.

1 Reyes 14:19

Chixjunil li xyehom xb'aanuhom laj Jerobohán, chirix li yalok li kixb'aanu ut li x'awab'ejihom, tz'iib'anb'ileb' sa' xHuhil xyehom xb'aanuhomeb' li awab'ej re Israel.

1 Reyes 11:41

Chixjunil li xyehom xb'aanuhom laj Salomón ut li xnimal xchoxahil na'leb', tz'iib'anb'ileb' sa' li hu “Eb' li xb'aanuhom laj Salomón” xk'ab'a'.

Ester 8:2

Toja' naq li awab'ej kirisi chaq li matq'ab' li kixmaq' chiru laj Amán ut kixq'axtesi re laj Mardokeo, ut lix Ester kixxaqab' laj Mardokeo re naq a'an chik taa'iloq re chixjunil li k'aru kiwank re laj Amán.